ردا على موضوع أختار تخصصك المناسب

[م/ المستقبل]

مساء الخير جميعآ ..

طبعآ مثل ما تعرفو و قرأتو في الفتره الأخيرة عن موضوع أختار تخصصك المناسب
وبصراحه انا خجلت من نفسي وانا بقرأها
يا جماعة والللللللله عيييييييييييييب اللي سار .. يعني كل واحد يدافع عن تخصصو بطريقه همجيه
وغير منطقيه
اللي يقلي الكهربا احسن من الميكانيكا .. والتاني يقول الصناعيه افضل من المدنيه
والتالت يقول البطيخ أطعم من الشمام والللللللللللللله عيييييييييييب
ترا احنا مهندسين .. وقبل ما نستاهل انو نكون مهندسين لازم نتحلى بالأخلاق الساميه وسعة الصدر
صدقني مهندس بدون اخلاق وأدب في الحوار ما يسوى شي وحرام فيه حرف ال م

انا بصراحه محا ادافع عن تخصصي او ادافع عن باقي التخصصات
لأنو لو حطيت عقليتي بعقلية الشخص الي كتب الموضوع حق محتار تختار تخصصك
كنت حقول الي افضل من مهندس الكهرباء او اي مهندس هوا الدكتور الطبيب البشري ... هاااا كيف أنحكرتو هااااا ؟؟؟ شايفين والله ما تستاهل الهرجه وكل دا التعصب اللاعقلاني
الأرزاق بيد ربنا ما في تخصص احسن من تخصص .. الطبيب احسن من المهندس
والمهندس افضل من الطبيب وحتى كمان المحامي احسن منهم كلهم
وياما تجار من غير شهادات جامعيه دخلهم فووووووووووووق وربنا فاتحها عليهم
وللمعلوميه فقط وللناس الجاهلة المتعصبه
الوظيفة رقم 1 في امريكا وبريطانيا هيا المحاماة مو هندسة او طب
شفتو كيف الجهل والتعصب الي عايشين فيه
يعني والله عيب خليتو باقي الكليات يتفرجو علينا كأننا في حراج او بنقله سمك

أتمنى انو يتقفل الموضوع ونرقى بفكرنا .. حلو انو الواحد يفتخر بتخصصو
بس المفروض الواحد يفتخر إنو ربنا أنعم عليه الصحه والعافيه انو خلاه يتعلم ويقرأ ويقدر يكون مكانتو في المجتمع بغض النظر عن شهادته

الله يوفق الجميع ويهدي النفوس وسامحوني على الإطالة