نظرة على مشاريع التخرج ...

[رعبوب السعودية]

السلام عليكم

الحمد لله افتكينا من هالمادة للأبد

والله يا اخوان انها كانت كابوس وهم على قلوبنا

مو بس لان الماده مشروع بحثي وتحتاج تعب

كمان لان البديوي واللجنه تخلي الواحد يفكر مليون مره قبل لا ينزل الماده

البديوي طول الترم ينفخ فيك وينفخ فيك ويحسسك انك بتاخذ الاول

ويوم تطلع على المسرح هو اول واحد واكثر واحد يشرشح فيك ويتصيد اخطائك

والسندي مادري مين بلانا فيه

حتى في المناقشة يترك الاشياء اللي مفروض ينسأل فيها ويروح لشغلات ثانوية

يحب يركز على الاخطاء الاملائية اكثر شي ويهزأ الطلاب مع انه ابعد انسان عن اللغة العربية هو وكلامه

وغير كذا اللجنه ماتعطي الطالب انتباه وقت مايبدا ويجلسون يسولفون ويضحكون

لين يجي وقتهم يقومون يفتحون في الرسايل ويسالون

باقي اثنين ماتكلمت فيهم واللي هم احسن اثنين في اللجنة

د.معتصم الجراح - الله يوفقه دنيا وآخره ويسهل دربه ويجعل كل خطوة له سلامة
د.صالح الشمراني - الله يوفقه دنيا وآخره ويسهل دربه ويجعل كل خطوة له سلامة

هذولا من جد يسألون عن اشياء محددة تعب فيها الطالب بدون لف ولا دوران

وبعدها يقتنعون سواء جاوب الطالب او لا

وما انسى مشرفي الله يجزاه كل خير

وفي الاخير اعذروني على الاطالة بس مقهور من اللي شفته