تكذيب قصة سعود الطيار

[Da Vinchi]

ممكن انتقام من بنت (؛

طيب حتى هذا الرد مو ممكن يكون مقلب

عموما لا أعرف سعود ولا همني أعرفه والقصة نزلت هنا بالمنتدى ولا دخلت مزاجي

شكرا

[مشمشانا]

المشاركة الأصلية كتبت بواسطة soma al7elwa وليش مستحيل؟؟؟ دحين معقولة كل البنات المتزوجات دول ولا وحدة فيهم كانت تعرف واحد قبل ما تتزوج؟؟ طب فين اللي يعرفوا؟؟ وايش معنى الرجال مستحيل يتزوج بنت كانت تعرف واحد قبلو لو مجرد معرفة والبنات يتزوجوا مدمين مخدرات "تابوا" وقتلة "تابوا" ومروجين مخدرات "تابوا" وتلاقي عرف عشرمية وحدة قبلها ويجي يحكيها عن مغامراته السابقة بكل بساطة؟؟؟ ليش غلط البنت غير غلط الولد؟؟ يا ترى كمان الاسلام عظم غلط البنت كمان وخفف غلط الولد؟؟ ولا دا كمان من تخلفات مجتمعنا اللي معطي المرأة حقوقها بالملي واللي كل بنات العالم يتمنوا يجوا مكاننا؟؟؟

صح ممكن في بنات كلمو ودحين متزوجات بس اكيد انو زوجها ما كان يعرف انها تكلم
وحتى لو تزوجها وهو عارف انها تكلم ولا غير كدا فترة وينفصلوا لانو مستحيل حيثق فيها
انا ما اشجع دا الشئ بس دا واقع المجتمع اللي احنا فيه ولازم نعترف صح الولد بيغلط ويتوب
ويسير كأنو ما سوى حاجة والبنت لو غلطت وهي عمرها 10 سنين خلاص مستحيل احد
يسامحها وارجع اقول دا مجتمعنا رضين ولا ما رضينا دا اللي حاصل ومستحيل فيي واحد
من دا المجتمع قد ماهو متفتح راح يرضى عارفه ليه لنو في حولينو ناس معقدة وحتعبي راسوا

[مشمشانا]

المشاركة الأصلية كتبت بواسطة da vinchi ممكن انتقام من بنت (؛ طيب حتى هذا الرد مو ممكن يكون مقلب عموما لا أعرف سعود ولا همني أعرفه والقصة نزلت هنا بالمنتدى ولا دخلت مزاجي شكرا

شكرا دافنشي على مرورك

تصدق سالت نفسي نفس السؤال وقلت زي مافي واحد طلع وقل انو سعود ممكن دا كمان يطلع نفس
الشئ ايش اللي يثبتلي انو صادق ولكن نقلت الايميل عشان اعطي مثل مش اكثر ولا اقل
بس انا بتكلم حتى لو كانت القصة حقيقية ليه ننقلها ونشوه سمعت الناس وزي ما قلت في امثلة
كثير اقل واقربها قصة القحطاني وغيرها ليه نحب نشوه سمعت غيرنا وننسى انو فوقنا من يراقبنا

[سارة عبد العزيز]

بعيد عن كل حاجة لي تعليق واحد
الآية فيما معناها " يا أيها الذين آمنوا إذا جاءكم فاسق بنبأ فتبينوا أن تصيبوا قوما بجهالة........" سورة الحجرات...
جزاكـ الله خيرا على الفكرة يامشمشانا...
بلغكـ الله رمضان...
دمــت بانتعااااش...

[مشمشانا]

يسلمو رعد على تنويرك صفحتي

وهذي الاية وصلت لمضمون اللي ابغاه شكرا لك

[أرنوسية]

والله القصة وصلتني قبل على الإيميل
قرأتها وما عجبتني ولا تعاطفت معه ولا معاها

وما همني القصة حقيقية ولا لأ
اللي أنا متأكدة منو إن هذه القصص وأكثر بتحصل كثير مع شبابنا
وكثير من الناس يتعاطفوا معاهم بإسم الحب والرومانسية

اللي سويتوا بالإيميل حذفتوا على طول وما نشرت هذي السخافات

الله يهدي شباب المسلمين

[مشمشانا]

ياليت الكل يعمل كدا ولما توصلوا دي الايملات يحدفها وما ينشرها

يسلمو على المرور يا عسل