نقاش حاد جدا ,,,

[متطلع]

المشاركة الأصلية كتبت بواسطة عصر الحاسب أخالفك وبشدة في هذه النقطة الاختلاط في السابق مو أكثر من الحين بأي حال من الأحوال ما روي في ما معناه قول الرسول لحاديهم في السفر ( رفقًا بالقوارير ) أتعلم أن المرأة سريعة التأثر والمحاكاة والانفعال؟! والرسول قال ما قال ومن معه أمهات المؤمنين والصحابيات ، يعني ليس هناك شك في طهارتهن... وهذا كله في التأثير على المرأة من ناحية الحداء ( الإنشاد ) فكيف بنا نريد أن ندعها تختلط مع الرجال وفي العمل والكلام وكل شئ ؟!

أنا ما فهمت كل كلامك للأسف لكن ححاول أرد على اللي فهمته ،

أولًا : الاختلاط زمان أكثر من الحين ، فين عندنا اختلاط بالسعودية ؟ الأسواق ، في شيء تاني ؟ مدري لأني شاب مو مسموح لي أخش الأماكن اللي للعوائل ، بس تقريبا كدا محكورة على الأسواق ...

أما اختلاط زمان : في الأسواق أكيد ، كان في حريم يبيعوا ويشتروا ، وأسواق زمان أزحم من الحين ، كانت أسواق + طرقات ، كانوا في المساجد في المحاضرات والدروس ، في الحروب ،

طيب رفقا بالقوارير وكان على زمنهم صحابيات ، المقصد ؟؟ ألم يكن هؤلاء الصحابيات يختلطن بالرجال ؟؟ في أوقات الحرب كان النساء يطببن الجرحى ، يعني أجانب عليهم يضطروا يطببوهم ، يعتبر اختلاط ،

آخر سطر في كلامك مرة يقهر ، لي سؤال بسيط ، أيام جدي وجدتي وجدك وجدتك ، ما كان في اختلاط ؟؟ كانوا يجلسوا سوا عادي ، ترى كلامك مو منطقي ، انت تقولي كيف يختلطوا وأنا بأقلك أيام الرسول كان في اختلاط ، الدليل إنه كان في اختلاط : كان فيه صحابيات زنوا ، صح ولا لأ ؟؟ بس كانوا فاهمين الدين صح .

أحس إني مرة طولت لكن بحاول أخرج كم فكرة في راسي ، ومعليش إذا غلطت في حق أحد ...