السنة التحضيريه ايجابياتها +سلبياتها ؟؟!!

[lonely2009]

السلام عليكم ورحمة الله وبركاته
حبآآآيبي أعضاء المنتدى ....
انا ابغا استفسر عن اشيااااااااااااااء كتير في الجامعة وخصوصا السنة التحضيرية ،، ابغا اعرف ايجابياتها وسلبياتها ؟؟!!
وكمان كيف تعامل الاساتذة في الجامعه هل متفاهمين والا شديدين يعني دراسة وبس ومافي سؤال من هنا والا من هنا <<< تعرفو حركااات مدارس هههه ؟؟!!

وحابه استفسر كمان عن كيفية تنظيم وقتي في ايام الدراسة (بصراحة في تالت تانوي قالولنا الدفعات الي قبلنا انها تبالها شدة ومزاكرة طبعااا احنا دفعه فللللللللللللله ما بنزاكر اول باول يعني خلاص على شرح المعلمه الي ما قبل الاختبارات ) المهم // كيف حيكون وقتي في الجامعه يعني افللللللللها زي ما ابغاا والا مزاكرة من اول ما اجئ من الجامعه والا ايش انطباعتكم عن هادي السنة ؟؟؟
يلا الله يسعدكم كل واحد مجرب دي السنة يحطلي جدولو اليومي بس طبعاااا الي فلح بهادا الاسلوب << هههههه خابفا من المعدل في الآخر

ويسلمووووو وشكرااا مقدمااا على النصائح والتوضيح

[رزان22]

اضم صوتي لصوتك انا زيك ابغى اعرف اجوبة هالاسئله
بس اقولك اتركي اللعب ترى كثير هنا نصحوني نذاكر بالتحضيري اول باول

[lonely2009]

يسلمووو يا قلبووو ع المرور

ولكن انا ما اقصد بكلامي انو لعب يعني لعب ع طول لا وانما المقصود انو خلاص اركز مع الاساتزة وارجع البيت اريح اقعد مع العيله والتلفزيون والخرجات يعني من دا الكلام وطبعااا وقت الاختبارات الجد جد

[ميعاد]

وانا كمااان حااابه اعرف ., لانو اياام ثاالث كنا على قولتك مانذاكر الا وقت الاختبار هذا اذا ماادتك الاسئله وذاكرتي منها بس (:

وكمان حاابه اعرف لانو انا دحيين اتغير مو بس جاامعه لالالا كمان الدوااام غيييير , 12سنه في الصبااح ودي السنه غييير في العصر , يعني مرررا مااعرف كيييف انام اصحى العب متى اذااكر , احسها صعبه وجديييده ..

انتظركم بنااات..

{ موضووع حلو..\\ ولو انو احس طفشوا مننا كل شوياا مواضييع .. (:

[LazoOord]

المشاركة الأصلية كتبت بواسطة lonely2009 السلام عليكم ورحمة الله وبركاته حبآآآيبي أعضاء المنتدى .... انا ابغا استفسر عن اشيااااااااااااااء كتير في الجامعة وخصوصا السنة التحضيرية ،، ابغا اعرف ايجابياتها وسلبياتها ؟؟!! كل شي له ايجابيات وسلبيات بس قصدك من أي ناحيه وكمان كيف تعامل الاساتذة في الجامعه هل متفاهمين والا شديدين يعني دراسة وبس ومافي سؤال من هنا والا من هنا <<< تعرفو حركااات مدارس هههه ؟؟!! لا عادي استاذاتي كانوا جدا متفهمين ويجاوبوا على أي شي تسألي عنه وحابه استفسر كمان عن كيفية تنظيم وقتي في ايام الدراسة (بصراحة في تالت تانوي قالولنا الدفعات الي قبلنا انها تبالها شدة ومزاكرة طبعااا احنا دفعه فللللللللللللله ما بنزاكر اول باول يعني خلاص على شرح المعلمه الي ما قبل الاختبارات ) المهم // كيف حيكون وقتي في الجامعه يعني افللللللللها زي ما ابغاا والا مزاكرة من اول ما اجئ من الجامعه والا ايش انطباعتكم عن هادي السنة ؟؟؟ ذاكري أول بأول واسألي أول بأول وكل شي يمشي زي الحلاوه حلي اكسيريازات على الدروس اللي تاخذيها يلا الله يسعدكم كل واحد مجرب دي السنة يحطلي جدولو اليومي بس طبعاااا الي فلح بهادا الاسلوب << هههههه خابفا من المعدل في الآخر أنا ما كنت ذاك الشي ف السنه التحضيريه كنت لعابه والكلام اللي قولتهعن تجربه ندمت عن كل ساعه لعبت فيها ويسلمووووو وشكرااا مقدمااا على النصائح والتوضيح

العفو


^_^

[crazy chance]

اذا انتو حابين تحلسو وتنبسطوا عادي تقدروا بس ركزوا مع الاستاذة ولكن كل نهاية اسبوع لازم تراجعي وتفهمي كل المحاضرات اللي اخذتيها واذا تبغي ترتاحي نهاية الاسبوع راجعي وذاكري يوم بيومو انا كنت اتبع الطريقة الاولى حقت نهاية الاسبوع والحمد لله معدلي حلو ودخلت التخصص اللي ابغاه

[crazy chance]

تحلسو =تنبسطو

[senorita]

السلام عليكم ورحمة الله وبركاته
وعليكم السلام والرحمة والاكرام~

حبآآآيبي أعضاء المنتدى ....
انا ابغا استفسر عن اشيااااااااااااااء كتير في الجامعة وخصوصا السنة التحضيرية ،، ابغا اعرف ايجابياتها وسلبياتها ؟؟!!

ما أقدر أجاوب على هذا السؤال لان وضعنا يختلف عن وضعكم ,بالنسبه لدفعتنا السنه التحضيريه سلبياتها تغلب على ايجابياتها هذا ان كان بها ايجابيات لكن أنا متفائله بأن السنه هذه النظام سيطبق بشكل جيد ان شاء الله بعد أن تم تجربته على دفعتنا المشؤومه

وكمان كيف تعامل الاساتذة في الجامعه هل متفاهمين والا شديدين يعني دراسة وبس ومافي سؤال من هنا والا من هنا <<< تعرفو حركااات مدارس هههه ؟؟!!



بالنسبه للتعامل شي نسبي طبعا يختلف من شخص لآخر لكن بالنسبه لي الدكتورات والاستاذات اللي درسوني معاملتهم تمام ..ولا تنسين انك أنتِ باحترامك وأخلاقك تفرضي احترامك على الكل سواء كن زميلات أو معلمات ..أما الأسلوب فيختلف في اللي يسأل وفي اللي تدي محاضره والسلام..وبامكانك سؤال المحاضِره و من حقك تسألي وكمان لهم ساعات مكتبيه تقدري تروحي لها في مكتبها وتساعدك





وحابه استفسر كمان عن كيفية تنظيم وقتي في ايام الدراسة (بصراحة في تالت تانوي قالولنا الدفعات الي قبلنا انها تبالها شدة ومزاكرة طبعااا احنا دفعه فللللللللللللله ما بنزاكر اول باول يعني خلاص على شرح المعلمه الي ما قبل الاختبارات ) المهم // كيف حيكون وقتي في الجامعه يعني افللللللللها زي ما ابغاا والا مزاكرة من اول ما اجئ من الجامعه والا ايش انطباعتكم عن هادي السنة ؟؟؟


امم والله هذا الشي يعتمد عليكِ , ..لا تراكميها عليكِ أحسن أول بأول

يلا الله يسعدكم كل واحد مجرب دي السنة يحطلي جدولو اليومي بس طبعاااا الي فلح بهادا الاسلوب << هههههه خابفا من المعدل في الآخر
بصراحه ما كان في أسلوب واحد أستخدمه يعني كنت أنوع ,خصوصا اني ما كنت فاهمه نظام الجامعه ولا فاهمه نظام السنه التحضيريه زي ما هما كمان ما كانوا فاهمين النظام ذا اللي هما سووه
بس على دفعتكم ما رح يكون فيها زي اللي شفناه وأنا متفائله بذا الشي

ويسلمووووو وشكرااا مقدمااا على النصائح والتوضيح

العفو ما سوينا شي

أسأل الله لي ولكم التوفيق

:)

[lonely2009]

يسلموووووووو جميعااا ع المرور

وانا بعتبركم احد من اخواني واخواتي يعني بكل ما تقدمواا ليااا ولباقي الاعضاء الي زي سنة تحضيرية من نصح وارشاد وتوضيح

وياااااااااارب يوفق الجميع ويحققلو مراااادوو << آآآآآآآآآآآآمين

ويلا حابه اشوف تجارب آآآخرى

[thats me..nasser]

بكوووووووووووووووووول اختصااااااااااااااااااار


السنه التحضيريه عباره عن المعادلة التالية:


السنه التحضيريه المسار العلمي = ثالث ثانوي بالانقليزي



ولا تعتقدو انو اللغه حتكون عائق .. بعطيكم مثال حي عني .. انا اول محاضره ليا في الانقلش قال الدكتور كل واحد يتكلم عن نفسو .. المهم انا قلت my from jeddah يعني انقلش ززززززززززززززززززفت ما عندي هرجه
لكن الحمدلله نجحت وتخصصت في كلية الهندسه لكن الجامعه عباره عن لعبه لو فهمتوها تجيبو درجات .. يعني ايام الاختبارات لا تذاكرو مذاكره عشوائيه ذاكرو من اسئلة الاختبارات حقت الدفعه اللي قبلكم واذا ما اعطوكم الدكاتره انتم اطلبوها وبيعطوكم .. نا سويت زي كذا في السمستر الثاني وجا معدلي 4.30 بدل ما كان 2.2 بس الحمدلله عدلتو .. وبالتوفيق واسف ع الاطاله.. تحياتي