هنا تجّمع بنات المحاسبه (حست في القروبات الثانيه) :)

[leen12]

اهلين بنوتات انا عن نفسي اخدت محاسبة 101 مع عيشة السيد انا مابدي أنم فيها هذي تجربتي ماتفهم وصوتها واطي احسها تمشي المادة بسرعة وتشرح بدون نفس
طبعا عدت المادة بعيد عنكم واخدتها مع ساره بكر مره شرحها خطير وربي تدخلي الاختبار وانتي مطمنة اسئلتها حلوة جبت معاها درجة كويسة

واخدت محاسبة 102 مع ريم صقر برضو شرحها حلو وتفهمي معا ها واسئلتها حلوه طيبوبه واخلاق بس تعصب من البنات اللي يتكلمو في المحاضرة

اخدت محاسبة متوسطة 1 مع نهال الجندي اسئلتها من نفس الشرح ومره اخلاق

واخدت محاسبة تكاليف 1 مع رغداء الرملي صراحة ماحبيتها صوتها واطي مره وتشرح اي كلام وبدون نفس وربي كرهت عمري لمن اخدت معاها .. واخرتها جبت درجة زي الزفت وكنت خايفة اعيدها بس ربنا ستر

اخدت محاسبة حكومية مع انيسة تركستاني مره خطيرة تفهمي معاها وتعطيكي واجبات اسئلتها دوري
اول وتاني سهلة بس النهائي شوية يبغالها تركيز المنهج من ملزمة تطبعيها من النت وانتي تحلي في المحاضرة وإن شاء الله حاخد معاها ادارية