بنوتااات التغذيه ابغى مشورتكم

[mo0oka]

السلاااااام عليكم ورحمة الله وبركاته
كييييييف الحال إن شاء الله بخير؟؟؟؟؟؟؟


ابغ اسأل عن تخصص التغذيه صعب ولا سهل وكيف الدراسه فيه هل هي متعبه ولا مريحه
يعني انا دحين سنه تحضيريه مسار علمي وحطيت في بالي اني اخش تغذيه بس قلت استشيركم اول
لانو اكيد انتم تغذيه وعندكم خبره
السؤال هنا
لو وحده متزوجه تقدر تمشي في قسم التغذيه؟؟؟؟؟
ولا شغله كتير وياخذ وقت ويتعب وما ينفع تخشه؟؟؟
يعني ابغ اعرف من البنات مرتاحين فيه ولا مكروفين؟؟
وتسلموووو

[((المتميزة))]

هو حلو واحسه احسن من المواد الجامده في العلوم يعني تلاقي فيه كيميا واحيا بنطبقه ونستفيد منه في حياتنا
الدراسه حلوه وحتلاقيها اغلبها بالعربي مو زي التحضيري
بس اذا انتي متزوجه فالمشكله تكون في المعامل تكون للساعه 3 او 4 او 5
فانتي اذا دخلتي تغذيه زبطي جدولك كويييس من بدري>> انا تورطت ههه
مممم اظن اني خلصت >>ههههه
اذا فيه اي اسئله انا حاضرة ....

[mo0oka]

مشكووووووووووووووره يسلمو على ردك
ومنتظره ردووود بنات التغذيه الحلوين الباقيين
يا بناااات فينكم ابغ رأيكم؟؟؟؟

[نوني حلوه]

مره جيد والله والمواد كيميا عضوي حيوي عام وفسيولوجي واحياء

بس حتمشي مررره حلو القسم

[ma_sama]

أنا متخرجة من التغذية بصراحة تخصص ممتاز و صار مع الخطة الجديدة أفضل

و كمان تخصص التغذية الطبية الاكلينيكية أفضل و أفضل

[حربيه 1412]

يب ياحلوين اي الي دراااستو اسهل التغذيه العاايه والا التغذية الطبية الاكلينيكية

واش المعدل الي يدخلني هااذي الكليه

وكم ماده بالنجليزي <<<<<<<عقدتي في الحيااة

وممكن تقولولي لو بالانجليزي كيف

[متاخره واااايد]

اهلين ياحلوه

بالنسبه لتخصصنا مرآآآ حلو وموادو شبه سهله <<< تخاف البنات يكفخوها

بس فيلو معلوماات مرآآآ تجنن وتفيدك حتى بحياتك اليوميه

بالنسبه للمتزوجات ماعندي خلفيه << الاخت عانس هع هع

بس زي ماقالتلك الاموره المتميزه انو دوامنا ماهو ثابت احيانا نخلص 2 واحيانا 3 ولا 4 ولو ضربت الحمى 5

بس لو زوجك متفهم ويحب الـ fast food على كده امك داعيتلك

امزح يابطه بس بجد لو زوجك يقدر ومتفهم راح يمشي الوضع معاكي <<< دا ازا انتي متزوجه ماني متاكده

واهلين بيكي مقدما بالتغزيه عندنا <<< تسوي دعايه للقسم

وحابه اقولك انا كلامي دا من تجربتي اللي لسا ماكملت سمستر

وماادري ايش بيسير بالمستقبل

بس البنات مدحولي هوا وانا حاسه انو حلو وان شااء الله يعجبكي

واتمنى البنات اللي في مستويات اعلى يحكوكي عن تجربتهم وتستفيدي اكتر

ومعليه طولت عليكي

مووفقه ياقموورهـ ^_^

[متاخره واااايد]

المشاركة الأصلية كتبت بواسطة حربيه 1412 يب ياحلوين اي الي دراااستو اسهل التغذيه العاايه والا التغذية الطبية الاكلينيكية واش المعدل الي يدخلني هااذي الكليه وكم ماده بالنجليزي <<<<<<<عقدتي في الحيااة وممكن تقولولي لو بالانجليزي كيف

ياقمر واللهي انا اللي عرفتو انو احنا نطلع فنيات وهما يطلعو اخصائيات <<< بمعنى هما افضل مننا

المعدل واللهي مو فاكره اعذريني

اقري الموضوع دا وانتي تعرفي كل شي عن قسمنا

http://www.skaau.com/vb/showthread.php?t=80596

اما الانجلش الين اللحين مااخذنا مادة بالانجلش تقريبا كلو عربي

بس عندنا واجبات تكون بالانجلش

اتمنى اكوون افدتك ^_^

[حربيه 1412]

طيب كيف الكمياااء صعب سهل

عربي انلجيزي وش وضعه

[متاخره واااايد]

^^^

الكمياء في تلات مستويات

في كيمياء عامه اللي بندرسها بالتحضيري ولو انتي تحضيري فخلاص

حتاخذي الكيمياء العضوي وهيا بالعربي وهيا عباره عن الكانات والكينات واشياء تافهه <<< حتنضرب

وبعدها في الكيمياء الحيوي ويقولو شويه صعبه بس والله ماعندي علم دراستها عربي ولاانجلش

اتمنى اكون افدتك *_*