تحديث المستوى تلقائيا من الموقع ..تصويت ..

[anwaaaar]

السلام عليكم ورحمة الله وبركاته ...




حابه اقترح لو في امكانيه انو كل سمستر يسير تحديث لمستوى الطالب ...
يعني الي سجل قبل سنه مستوى رابع دحين حيكون سادس ...بس فالمربع الي يكون كانو تعريف مابيتغير شي...

اممم ...يمكن حيكون في مشكله لو احد اخد صيفي ..بس يعني مهي ديك المعضله ...سولها طريقه ...

الي يشوف انها فكره قابله للتنفيذ ياريت يبدي تأيدو الين يوصل للي بيديهم الموضوع ...والي عندو اي رأي ياريت يقولو..


ويعطيكم الف عافيه

[مالية واستثمار]

والله مافهمت منك شي ياليت توضحي يا اختي

وشكرا

[بنت الخليج..]

هلا أختي،،
تقصدين معلومات عن الطالب /معلومات أكاديمية؟؟
مافيها شي يتحدث غير الفصل 1أو2 والسنة الدراسية والمعدل والساعات المكتسبة والمسجلة..
إنتِ تقصدين يضيفون خانة المستوى؟؟
تحيااتي،،

[فراااااشة]

انا فهمت فكرتك حلوة و الله بس نحن ما في ايدنا شي عشان نخليهم يسووها
و اصلا تقدري تعرفي مستوياتك من كشف الدرجات

[Love Candles]

فكرة حلوووة بس في ناااااااااااس زيي محولين من كلية لاخرى والمستوى تبعنا يزيد يعني لو الدراسة 8 مستويات
احنااااااااا حنكون اكثر ممكن 10 مستويات او 11 مستوى ......
عدد المستويات يحسب على اساس كل ترم درسه الطالب في الجامعة ممكن لهذا السبب غير موجود في بيانات الطالب !

دمتم بود

[anwaaaar]

شكرا لاهتمامكم وتفاعلكم ...
والي مافهم قصدي ياحلوين ...انا اقصد التعريف الي فالمنتدى
يعني مو كل واحد يكتب موضوع او رد ...يجي على اليمين كدا مربع فيلو صوره واسم وتخصص ومستوى...
اقصد دا المستوى لو انو يتحدث كل سمستر تلقائيا ...مااقصد المستخدم حق موقع الجامعه..

وصحيح انو في ناس محولين او اخدين صيفي .....مااعرف كيف ممكن تتزبط ..مثلا كل سنه فيها سمسترين اساسي هيا الي تتحدث..وغير كدا يسولها تحديث بطريقه تانيه .....او يخلو ليها مكان معين الي ياخد غير الاتنين يقول...

صحيح انها مهي معلومات رسميه او انها مره مهمه ..يعني لو احد كاتب مستوى من راسو ماحنعرف...

بس حلو اننا نعرف مستويات بعض لو احتجنا شي من بعض.....



و فالنهايه مجرد فكره واقتراح ...ممكن تتنفذ ..وممكن تبقا ... :)

[بنت الخليج..]

بس حلوه طريقة اخدم نفســكـ بنفسكـ..
تحيااتي،،

[مالية واستثمار]

كلامك مررره حلو وممتاز وعجبتني الفكرة وان مأيدك في هاذي الفكرة

[ابونواف666]

فكرة رائعة


الله يعطيكم العافية

[ميــلان]

فكرتك حلوه بس فيه مشكله بعد ،،،

يعني اذا طالب حذف ترم ،،، او على قولتك اخذ صيفي

انا اقترح انه كل نهاية ترم تتلقى رسالة تحديث إجباري للمستوى بعد دخول المنتدى وبكذا يكون اجباري على الطالب والطالبة انه يحدث المستوى اللي هو فيه

وبالتوفيق للجميع