الي لسه محتار يداوم والا مايداوم تعالو عندي الخبر اليقين

[ღ احسـاس طفلهـღ]

السلام عليكم

انا عارفه معظم الطلاب والطالبات مالهم الا سيره وحده وهي نداوم والا لا

طيب خذوها مني نصيحه اخت

لاتدااااااااااومو عالاقل السبت متوقعين امطار غزيره وسيول سبت واحد يعني مافي مجال للتفكير لو داومتو وصارلكم شي لاسمح الله اكثر شي بيقولونه احنا نبهنا وحذرنا

بتقولون ليه مااجلو طيب بقولكم الي تسبب في موت اكثر من 300 شخص بقلب باااااااارد ومئااااااات مفقودين ضميره مات واحساسه تبلد مااظن بتفرقون معاه انتو ياطلاب الجامعه وبيصحى ضميره فجأه عليكم

حطو ببالكم ماتو ناااااس كثير بالسيول الي فاتت وماكان في دوام في الجامعه ومعظم الطلاب مكبرين المخده والناس يدووووووووب نجو بالقوه انقذو كم واحد وفيه ناس انقذوهم ناس بالشارع لاتاخذو مقلب بدفاعنا المدني وتحسبو انه بيفزعلكم لاجات سيول فيه بيوت وفيه طلاب مدارس وفيه ناس بالشوارع المره الي فاتت بعض البيوت على 7 و6 ااشخاص ماقدرو ينقذونهم كلهم كيف الطلاب والطالبات الي اعدادهم بالمئات ماشالله
يعني مااظن يوم واحد بيضر هذي رووووووووح والعمر مره وحده ترى واذا هم بيرمونا للتهلكه احنا حرام نرمي نفسنا في التهلكه
هذي نصيحتي وانتو عقلكم براسكم اسفه بربرت عليكم كثير بس والله ماودي تصير كارثه جديده لاسمح الله كفايه الي صار للحين قلبي معورني على الناس الي راحو الله يرحمهم ويتقبلهم شهداء يارب :(

[عاشقة المستحيل]

و عليكم السلام

و انا معاكي يا عسل ..

بلا حملة .. بلا هم ..

السؤال الي محيرني هو ::

كيف مثلا لو بأداوم ( غير السبت طبعا ) كيف أوصل للجامعه ؟؟؟!!!

و نشوفك على خير

^_^

[Mai]

من المجنون اصلا الي يبي يداوم لهم
مو مستغنية عن عمري عشان الجامعه

[جون تيري]

معاك حق يا اختي , انا افكر اداوم من يوم الأحد

لكن المشكلة خايف من الغياب

انا خايف من ماده وحده باقي لي غيابين ويعطيني dn

ايش اسوي؟؟

[ملك بلا مملكه]

والله فـــــــــــــــــكرة حلوة

منك يا اختي الغالية

ونشوف برضوا اجواء الجمعة

لكن السبت ما ني رايح

تحياتي لكم بالنجاة من بحيرة العنبر (ههههه)

[bisho]

المشاركة الأصلية كتبت بواسطة جون تيري معاك حق يا اختي , انا افكر اداوم من يوم الأحد لكن المشكلة خايف من الغياب انا خايف من ماده وحده باقي لي غيابين ويعطيني dn ايش اسوي؟؟

شوف اخوي اتوقع انو محد من الدكاتره راح يحضر يوم السبت وخصوصا بعد ما قالوا في الاخبار انو توقع هطول امطار على جده يوم السبت يعني راح يعفي الطلاب من الحضور والغياب وما بياخذ غياب .....

ولو فرضنا انو حضر واخذ عليك غياب انت بأمكانك تقله انو ما يحسبها غياب لانك غايب بعذر وقله انو مافي طريق من بيتك للجامعه وانو خطر عليك لو حضرت ومن حقك صراحه ...

واذا مره مارضي وحسبها غياب خليه يحسبها عادي يصير انت شد حيلك وحاول انك ماتغيب بعدها ابدا ....

والله يوفقك

[coraline]

انا جاني كلام اكيد انه مافي اختبارات الاسبوع دا بس دوام فيه الي يبا يدوام
بس انا مستحيل اداوم ومتاكده ان شاء الله مافي احد راح يحاسبنا خصوصاً في البهدله دي والتحذيرات

عندي اختبار السبت وماراح اداوم كمان

[آخر سنة]

إأنـأأإ اصلإأ اهلي محإأ يرضوأآ يخلوني إأدإأوم ~
أآمكن من الاثنين إأدإأوم

<<خـإأيفه ع روحـهإأ

[سجينة الاحزان]

نفسياً تعبانة ~> مو عشان الدوام السبت
لا بس لاني ماراح التقي بصديقاتي لانهم مااااااتو
الله يرحمهم ويسكنهم الجنة ويرحم اهلهم ويغمد روحهم الجنة


لماذا مايصير تاجيل لدراسة ..؟
الم يراعي حال الطلبة بعد ماكانوا مجتمعين قبل مضي اسبوعين تشردوا فمنهم الحي ومنهم الميت
الم يراعي حال الاهالي عند توديعهم لابنائهم خوفاً عدم عودتهم
وهل تثقوا لنا سلامتنا من المخاطر عند دوامنا ..

لا اسامح المسؤلين إذا حصل علي كل من داوم السبت شيء
فهم ارواح وارواحهم بايديكم
فهم لبوا النداء وداوموا وانتم المسؤلين عن هذا النداء

[قلبي محروق حرق]

والله أنا راح احضر لأنهم زي ما يقولوا (شركة يقولوا ) أن الوضع آمن ولا خوف!!
ف لو حصل لي شي والله يوم القيامة لا آخد حقي منهم سواء لو حصل لي أو لسيارتي
أو أي ضرر بسببهم (لأنهم قالوا الوضع آمن) !!

ولا أجلوا الدراسة بقرار رسمي ولا شي والدكاترة اعتقد راح يشدوا زيادة ( هذا احساسي)..
خاصة بعض النوعيات زي ما انتو عارفين..
يعني بالعربي وبكل صراحة..((ماني مستنى منهم يرحمونا))..

والله يرحم أهلنا واصحابنا واللي راحو فيها وحسبي الله عليكم يا اامانة جدة اولا واخيرا


على الله