ياااانااس الحقوني اش اسوي في البرزنتيشن ؟؟؟؟؟؟

[Miss red]

هاااي
كيفيكم ؟؟
اكيد ياابنات كلكم سويتو البرزنتيشن وحتسلموه
الحقوني مني عارفه اش اسوي فيه والقروب اللي معايا ماسوو ولاشي والتيتشر بكره تبغااه اش اسوي انا في البناات النايمين دول
وانا لوحدي صراحه مني عارفه اش اسوي انا نزلت من النت كلاام عن الموضوع وترجمتو بالانجلش بس مااعرف كداا يكفي واش كمان اسوي انتو اش سويتوو يابنات بلييز قوولي الطريقه يعني احفظو ولا كيف ؟؟
وشكررا

[Miss red]

يهوو ولا احد رد علياااااااااااااااااااااا

[mishkar]

الموضوع عن ايش ؟
عشان اذا اقدر اساعدك

[dlo0o3h77]

انا كمان ماني عارفة ايش اسوي ياليت احد يساعنا بلييييييييييييييييييييييييييييييييييييز

[Miss red]

الموضوع عن ال city وانا نزلت تعبير عن مدينة جده من النت وترجمتو بالانجلش بس هذا اللي حسويه يعني كدا يكفي؟؟

[دنيتي علمتني]

و انا كمـــــــــــــــــــان بليـــز عن friend ship

[mishkar]

انا كمان كان الموضوع بتاعي عن اي بلد حلوه
و كتبت عن دبي
اهم شيء لمن تكتبو تبدأوا ببدايه مشجعه
و بعدين اتكلمي و اوصفي المنطقه الي ببتكلمي عنها

مثلا :
Miss red
انتي بتتكلمي عن جده
اسألي نفسك ...
ليش اخترت بالذات جده
و اشياء ممكن تتكلمي عنها عن طريق الكرنيش و انو فيها اطول نافوره
و اتكلمي عن اشهر مول موجود مثلا و الشاليهات الموجوده هناك
و اذا حابه ممكن تعمليه عرض باوربوينت و اكتبي شويه كلام جنب الصور
بس انا ما انصح انك تكتبي كلام كتير عشان التيتشر ما رح تعطيكي درجه على قرائتك
درجتك حتكون على القائك
لا تتكلمي بصوت ما حد يسمعه احفظي موضوعك كويس و اهم شيء انه يكون يجذب الي حولينك


و بالنسبة ل دنيتي علمتني
في احلى من ال friendship
اتكلمي عن انو الشخص ما يقدر يجلس في حياته لوحده
لازم يكون صداقات من كل مكان و من بين كل هؤلاء الناس يظهر شخص مميز فيهم
تشاريكها اسرارك و تساعدك و تساعديها
و اشياء تانيه كتير ممكن تتكلمي عنها .

اتمنى اكون افدتكم .

[joojoo.one]

حتى انا مو عاارفه ايش اسوي في البرزينتيشن
عملت عن الـIdeal Job
بس مو عارفه كيف حتكلم عنو