طلب مساعدة نشاط مآدة مهارات الإتصال - عنوان معدل

[secret]

السلام عليكم
كيفكم ياحلوين
مادة الاتصال ..
نسوي لها نشاط
وشعبتنا الاتصال غير كلامي في الحياة اليومية م:غمزة امك يقصد بها.....وهيك
انا خلصت وجمعت ملاحظات عنه
بس الحين باقي الاخراج
والاستاذة الله يسعدها
قالت انو من طرق الاخراج نوضعها في مايسمى بطاقة الملاحظات
فاللي عندها نموذج من بطاقة ملاحظات او تعرف كيف نعملها تساعدني
لان ماعرف كيف شكلها او من ايش تتكون

[secret]

مافيي رد
احباط
=(
=(

[ميعاد]

سووووري بس بصرااحه مو فااهمتك ايييش بتقوولي..

بس اذا كنتي تسالي انو نعرف

بطاقة ملاحظات

للاسف مااعرف كييف تتعمل..

بالتوفييق..

[..ريما..]

وانا بعد حياتي ودي اخدمك

بس انتي مو واضح ايش طلبك

[secret]

الله يسعدكم
ميعاد وريما
داحين حشرح اكثر............
في الاتصال عندي نشاط
وذا النشاط لازم اسلمو في بطاقة ملاحظة
طلبي انو اريد اعرف كيف نسوي بطاقة ملاحظات

[secret]

ماحد عندو فكرة كيف نسوي بطاقة الملاحظات
*_*

[LuliTa Hs]

ميين هيا الاستازه دي اللي طلبت منكم نشاط :s
استازتنا ما طلبت مننا :s

[فصحية]

شووفي اذا قصدها زي مافهمت ففي بطاقات في المكاتب للملاحظات تجي صغيره كدا بحجم كفك

وتكون مسطره وعليها زخرفة غالبا كداا شكلها

بس بسألك يعني نشاطك عباره عن فقرات ولا كيف بالضبط

فهمينا بمثال ايش هوا نشاطك بالضبط وان شاء الله نفيدك اكتر

دعواتي لك بالتوفيق

[secret]

والله هي الاستاذة قالت انو موجود نماذج في النت جاهزة
وانا ماحصلت شي
وهو النشاط الاتصال غير كلامي
في*القرآن و*الحديث و*الحياة اليومية
شعبتنا الاتصال الغير كلامي في الحياة اليومية
يعني اسجل اتصال غيركلامي
مثال:سحب الاب يد الطفلة اثناء التسوق بقصد عدم الشراء
وككتبت امثله غيره يوصولو الى 15 مثال تقريبا
وقالت ليي الاستاذه اوضوعهم في بطاقة ملاحظه
واني مو فاهمه البطاقة كيف شكلها ولا............
والتسليم السبت

[فصحية]

فهمت عليك اذا البطايق زي ما قلت لك هيا جاهزة تلاقيها في اي مكتبة

اسألي قولي له اعطيني بطايق ملاحظات يعطيك

واذا ما عرف فكمان زي ماقلت لك شكلها

حجمها بحجم الكف لونها ابيض مسطره ومزخرفة

ويسير بعد ما تشتريها تكتبي فيها

واذا حابة انك تتميزي تقدري انتي تعمليها بالورد او الفتوشوب

مستطيل سطرية زخرفي اطرافة واذا انتي عملتيها بنفسك تقدري تخلي فيها صوره

يعني زي المثال اللي انتي قولتيه تقدري تحطي صورة طفلة احد ماسك يدها بس تحطي الصورة خفيفة

عموما يا ستي اتمنى اكون افدتك لو بالقليل

تمنياتي لك بالتووفيق

دعواتك