افتتاح موقع بالقصيم للاختبارات للسنة التحضيرية

[العلم والعالم]

المشاركة الأصلية كتبت بواسطة شوق ساره لكل من يسأل عن الأختبار بمنطقه القصيم.... أنا ساكن بالقصيم والأختبار اللي بيكون في القصيم ما له دخل في العالميه وخاص بالطلاب فقط... ومو أي طلاب... فقط لطلاب كليه الاقتصاد والاداره وفقط للمستوى الاول... والاختبار مقره مجمع الامير سلطان التعليمي بحي المنتزه... أنا مختبره في عام 1427 وقبلي وبعدي ناس أعرفهم أختبروا هناك...

أنا يا أخي ممن إختبر في ذلك الزمان



لكن يا أخي مو شرط يكون موقع الإختبار هذه السنه في نفس المكان ودون التنسيق مع معهد العالمية

لأن معهد العالمية الآن أصبح متعهد رسمي لإستضافت إختبارات الجامعة

ولا تنس أن الإختبار برسوم ماليه أما في ذلك الزماان فكان الإختبار مجاني


لذلك لا تستعجل يا أخي وتحكم من الآن على موقع الإختبار في مجميع الأمير سلطان

الموقع ممكن يكون في مجمع الأمير سلطان لكن لابد من منسق للإختبارات وتسجيل لها وأتوقع العالمية هو من يقوم بذلك


لكن ننتظر ونشوف

[الـمـقـاول]

دكتور شلونك طال عمرك ؟ يارب تقرا رسالتي وانت في اتم الصحه والعافيه الله يحييك


دكتور .. انا الان من القصيم .. ومااعرف احد في جده .. وحالتي الماديه اكذب عليك لو اقول سيئه .. واكذب عليك لو اقول كويسه .. حالتي الماديه عاديه بس مااعرف شي بجده ومااعرف كم اسعار الشقق الي بترتفع بعد الي صار (( والله يرحم من مات )) اضافة لذلك احنا بندور الرخص ومابندور الغلا فبالتالي يادكتور ليه ماتحطون مركز دائم بالقصيم وليكن في بريده مثلا او اي مكان في القصيم ترونه مناسب وللعلم يادكتور ترا التعليم عن بعد في جامعة الامام في الرياض حطو مركز دائهم لهم في القصيم وفي بريده تحديدا في مقر المعهد العلمي ولكافة التخصصات من اول مستوى لاخر مستوى رغم ان الرياض مو بعيده عن القصيم لكن سبحان الله يبحثون عن راحة الطلاب وعدم سفرهم بسبب اخطار طريق واسعار شقق بالرياض وخلافه فياليت يادكتور تناظرون في أمرنا بدال مانسافر ونتغرب عن اهلنا والمذاكره ماراح يكون التركيز فيها مثلما يكون التركيز جنب أهلنا ففي النهايه حنا نبحث عن العلم وخدمة البلد عن طريق جامعتكم العظيمه والي خدمتنا بوضع برنامج الانتساب لتنقذ الاف الطلاب الي ماتوفقو مثلي في الانتظام او الغير قادرين على الدراسه انتظام وخلافهم فبالتالي بندعي لك كل يوم وكل ليله بس اعرض هالامر على ادارة الجامعه وحاول فيه عشان مو بس حنا الي ندعي لك برضو امهاتنا وابوهاتنا بيدعون لك وبتنتفح لك ابواب الدنيا والرزق بسبب دعاوي العجايز والشيبان لانك خليت ابناءهم يختبرون بجانبهم وماخليتهم يسافرو فأرجوك ابحث هذا الامر مع المسؤولين واجعله على ارض الواقع ولك منا كل الدعاء لك ولاولادك وام اولادك بس ارجوك ساعدنا .. وبارك الله بك وباخوانك الدكاتره لما يحبه ويرضاه