إستراحة تو(2) للأعضاء الشباب فقط

[نمر من النمور]

السلام عليكم ورحمة الله وبركاته


أسعد الله أسامنا أيامكم في كل يوم من أيام الإختبارات
<< واحد فنـّش خلاص

بمناسبة قرب إنتهاء الإختبارات الفاينلية لهذا العام ... وكعادتنا في الأعوام السابقة

سوف تكون هناك إستراحةبعد إنتهاء الإختبارات .... وإن شاء الله حننبسط فيها ونتونس ونفرفش بعد عناء سنة دراسية طويلة


صراحة المرة الماضية ووالله العظيم ماخرجنا من الإستراحة إلا ونحن مرررررررررة مبسوطيييييييييين .... صراحة كانت أحلى طلعة طلعناها .... والشباب ليومكم دا يبغو يكرروها لكن اتفقنا تكون زي ماذكرت لكم بعد الإختبارات


طبعا الدرزن وربع الدرزن اللي جو المرة الماضية تعرفو النظام كيف << لا يكون قصدك نظام القطة

وطبعا في قرار جديد صدر من إدارة الطلعة

أي موظف سيتم تدفيعه قطتيييين بمناسبة كثر الموظفين .. وخاصة اللي صارو شغالين في البنوك وزين هع هع




أمزح أمزح



إن شاء الله نشوف الإستراحة كم حتكون سعرها بعد ضريبة الغلا .. وبقية الحاجيات .. ونقلكم كم إن شاء الله







وبإذن الله ستكون هنالك مفاجأتيين بإذنه الواحد الأحد

لكم ما أقدر احرقها دحين والله معليش سامحوني


لكن إن شاء الله حتنبسطو



صراحة ماني عارف إيش أكتب


فقط حبيت أعطي خبر للجميع الآن .. وإن شاء الله نأكد الموضوع إذا صار كله أوكي .. ونحدد وقتها كل واحد كم قطته
.





زي ماقلتلكم الموضوع للشباب

أي ردود لأي سحلية

سيتم تسطيحها بـ شلوت بلس :2:

<< متأثر بالبلسات هذه الأيام



نشوفكم ثاني

<< ووحشني الولد دا