"أسس رياضيات "

[~Aspirant~]

^
لا يابت أنا هنا

الأسس

صعبة تخلين سؤال إجابته فاضية
فحطيت تعاريف وخرابيط
بس عشان الصفحة تملي عيني
بس اغلبوا خطأ الله يعين
نفسيتي تعبت
احس بضيق

مو حكاية وقت وبس
ليش مانعرف نحل ليييش
خدعونا في المدااارس مرة انقهر أحس إني من جد مخدوعة
ليش مايرتبط الرياضيات من أولى ابتدائي لين اتخرج من الجامعة
عربي عربي إنجليزي إنجليزي

ليش يتفلسفون علينا بالأسئلة


ياااارب تيسرها وتصبرنا ونرضى بقدرك
واعطنا اجر العلم والتعب يااارب
كنت منتظرة كويز ثالث.. اهلكونا

[~.. وتحطم الحلم ..~]

المشاركة الأصلية كتبت بواسطة ~..candy..~ ^^ ايش تدرين الماث عندو تطبيقات فيزيائيه

صح ذير اكسيست تطبيق ينتمي للماث سش ذات التطبيق = فيزيا <<شوفي التأثير الأقوى كيف خخخخ

[~.. وتحطم الحلم ..~]

المشاركة الأصلية كتبت بواسطة lazooord سيء سيء لأبعد الحدود سويت مناحه بعد الاختبار قال ايش انتي بس حطي التعريف وراح تلاقين نفسك ماشيه ماشيه مين والناس نايمين اصلا سيبت لها الاثباتات فاضيه علشان ما تتعب عمرها وهيه تصحح الخزعبلات اللي كنت حأكتبها كفايه الخرابيط اللي كتبتها ترى لو جاها جلطه من ورقتي

ولا داك السؤال حق البراشل قال ايه نفس الي في الواجب اللهم اختل شرط واحد
ولا على قولك حطي التعريف تلاقي نفسك ماشية .. والله حطيتو لا لقيت نفسي ماشي ولا هم يحزنون الا لقيت الكفر مبنشر
لا يالازورد شكلو الجلطة الي حتجيها من ورقتي
الله يستر بس

[~.. وتحطم الحلم ..~]

المشاركة الأصلية كتبت بواسطة ~aspirant~ ^ كنت منتظرة كويز ثالث.. اهلكونا

ايش تستني كويز تالت
ترا ياقلبي اختبرنا 3 .. 1 دوري ..2 كويز
اخر ورقتين اعطونا هيا كانت الكوزيين مدبسة مع بعض

[LazoOord]

المشاركة الأصلية كتبت بواسطة ~.. وتحطم الحلم ..~ ولا داك السؤال حق البراشل قال ايه نفس الي في الواجب اللهم اختل شرط واحد ولا على قولك حطي التعريف تلاقي نفسك ماشية .. والله حطيتو لا لقيت نفسي ماشي ولا هم يحزنون الا لقيت الكفر مبنشر لا يالازورد شكلو الجلطة الي حتجيها من ورقتي الله يستر بس

أنا ما بنشرت زيك

الا غرزت ف مكاني

وبعدين لو سمحتي الجلطه من ورقتي أنا

لا تحاولين تنافسيني

الحمد لله على كل حال

كان ودي اكتب لها تعاريف

بس تبخر كل شي

ما بقت ولا نتفة معلومه

كل شي تبخر إلا تسامى بعد

يالله

الله كريم

وما يضيع عمل عامل

[Raspberry]

سلام
كيفك بعد الاسس
والله العظيم مررررره صعب
انا بس ابغه اعرف ليش هاداي الصعوبة كلها يعني هما يبغوا يرسوبنا ولا ايش
ويوم السبت تتحدوني اذا استاذه مها واستاذه دينا ما هزونا وحيقولولنا
" ايش هادا المستوى نسبة الرسوب زادت في دي السنه وانتوا اذا منتوا قد الرياضيات ايش حتسوه في المستويات الثانية "
حسبي الله ونعم الوكيل لو بس زادونا شويت وقت

[جالكسي22]

حبيبتي الكل بيشتكي منوو
يعني موو ع كيفهم يهزأوو هماا اللي يحطوو الاسئله ع مستواهمم هما ولافكروو في مستوانا
ع بالهم كلنا زيهم...
واحنا ذاكرنا وتعبنا وهلكنا عمرنا بس لييييييش؟!!! ماحلينا !!!!وربي شي يحير اش نسوي طيب بالزبط فهم وفاهمين مذاكرة ذاكرنا
حفظ التعاريف وحفظناها اش نسوي عاد!!!!!!
حسبي الله عليهم بس اولا واخيرا
والله ينتقم منهم ع كل تحطيماتهم دي

[missme]

صباح مشرق بعد تعب و ارهاق أمس ..

ليش مايرتبط الرياضيات من أولى ابتدائي لين اتخرج من الجامعة

و المشكلة مو في الارتباط يعني هـ الأسس منهج أولى ثانوي بالتمام و الكمال لكن مطوّر بس !!

و الله طول ماني راجعة في الطريق أفكر معقوله المشكلة مني طَبْ لو مني ليش البنات حاسين بنفس أحاسيسي ، و لو المشكلة في المنهج كيف اللي قبلنا عدوه و بامتيار -أ.مها تقول إنها تخرجت بـ95 ما شاء الله- يا إنو همّا أذكياء بزيادة و أنا ....
ولا المشكلة في مذاكرتي امكن ماهي مذاكرة جامعة يعني و الله بأفهم و أحل الكويزات ليش في الدوري كده !!
صحيح قدر الله و ما شاء فعل لكن مو طبيعي إذا حيستمر الحال كده يعني لا تفاضل الزفت ماشي مع آسيوووو و لا الأسس مع أن المنهج راااائع و الأستاذة عسل !!!

* من جد نفسي أسأل اللي قبلنا عن طريقة مذاكرتهم ، فهمهم ، و احساسهم ساعة الاختبار هل يحلّوا !!
ولاّ عقول بنات التحضيري من المريخ !!

يا بنات الدفع اللي أكبر مننا جاوبوني دلال ولا نونا أنقذونا :"""""(

[~..candy..~]

المشاركة الأصلية كتبت بواسطة ~aspirant~ ^ لا يابت أنا هنا الأسس صعبة تخلين سؤال إجابته فاضية فحطيت تعاريف وخرابيط بس عشان الصفحة تملي عيني بس اغلبوا خطأ الله يعين نفسيتي تعبت احس بضيق مو حكاية وقت وبس ليش مانعرف نحل ليييش خدعونا في المدااارس مرة انقهر أحس إني من جد مخدوعة ليش مايرتبط الرياضيات من أولى ابتدائي لين اتخرج من الجامعة عربي عربي إنجليزي إنجليزي ليش يتفلسفون علينا بالأسئلة ياااارب تيسرها وتصبرنا ونرضى بقدرك واعطنا اجر العلم والتعب يااارب كنت منتظرة كويز ثالث.. اهلكونا

ياهلا والله باسبرنت وينك يابت مختفيه من طول الغيبات جاب الغنائم ايش جبتيلنا معاكي
يلا الحمد لله على كل حآل الدراسه شر لابد منها

[~..candy..~]

المشاركة الأصلية كتبت بواسطة raspberry سلام كيفك بعد الاسس والله العظيم مررررره صعب انا بس ابغه اعرف ليش هاداي الصعوبة كلها يعني هما يبغوا يرسوبنا ولا ايش ويوم السبت تتحدوني اذا استاذه مها واستاذه دينا ما هزونا وحيقولولنا " ايش هادا المستوى نسبة الرسوب زادت في دي السنه وانتوا اذا منتوا قد الرياضيات ايش حتسوه في المستويات الثانية " حسبي الله ونعم الوكيل لو بس زادونا شويت وقت

وعليكم السلام والرحمه
الحمد لله انا طيبه دام اختبرنا التفاضل والاسس وافتكينا الحمد لله
وبعدين اكيد حيجوا وحيهزوأ ويقولو اسحبوا احسن لكم روحو اداب اصرف انا ادري عنهم
وعن الوقت ثلاث ساعات ونص اعتقد انها كانت كافيه للي فهمت الاسئله