بخصوص اللوكرز اللي في الجامعه

[manar7000]

سلام .. كيفكم ؟

حبيت اسأل عن اللوكرز اللي في الجامعه

كيف الاشتراك ؟ ومن فين ؟ وسمعت انو فيه رسوم صح ولا لا ؟

وكم ؟واقدر اختار المبنى ولا بمزاجاتهم ؟

وبث

[pulse heart]

كيف الاشتراك ؟ ومن فين ؟ وسمعت انو فيه رسوم صح ولا لا ؟

وكم ؟واقدر اختار المبنى ولا بمزاجاتهم ؟

الإشـتراك تروحي المبنى 13 الشؤون...يب يب الرسوم 20 ريال للسمستر/> للسنه 40ريال

هما مبنيين اللي فيها اللوكرات مبنى 13 و 420 و العلوم(السابع)والملــتقى والشماليه بث

اتمنــى أكــون أفــدتكـ ياقمر

[lady-fano-bird]

أضيف على كلامك سوسو .. أنو أول شي تروحي غرفة 30 << على ما أعتقد في مبنى الشؤون .. << هي غرفة كدى بالخشب .. وزجاج .. << شكلها كدى ..
المهم راح تلاقي ورقة ع الباب مكتوب عليها رقم الحساب .. تأخذيه وتروحي تعبي استبيان في البنك و تسددي الفلوس هناك .. << الشغلة مطولة شوي .. وفيها تروحي تختمي ووو .. هم راح يقولولك أيش تعملي وعند مين تروحي ..
وبالتوفيق .. see ya

[جوريـة]

سؤال برئ
ايش اللوكرز ؟؟؟

[دلال الحربي]

اللوكرز < الدولاب الصغير الخاص فيك بالجامعه

[امونة المزيونة]

خخخخخخ انا كل ترم اقول باخذ واحد ولما اشوف الاجراءات ابطل اش هذا تعقيـــــــــــــــــــــــــــــد ادفع من البنك وصورة جدول وروحة وجيه خلاااص ابطل احسن..
مشووووووووووووووورة!

[manar7000]

اهااااااا

يعني الموضوع فيلو مشوار طويييل ,, على قوله امونه شكلي حبطل من الاشتراك طالما الهرجه فيها تعقيد

اخيرن مشكورين حبايبي الله يسعدكم يارب ويوفقكم

[pulse heart]

انا قلت لـ (ms.a) فنو

البنت حتبطل تاخذ لوكر هههههههههههههههه

ويسعدك ويوفقك يارب

[lady-fano-bird]

وليش تبطلي بالعكس .. مااااارة حلو أنك تاخذي لوكر .. أنا الصراحة ماااااارة مريحني ..
وكل سنة أعمل تجديد أشتراك .. ^^ أنتو أهم شي عندكم أنو ماتتمشورووو .. خخخخخ
في النهاية أنت حرة .. =) ..
see ya