اسئلة عامة عن الهندسة

[Eng.BADER09]

السلام علم و رحمة الله و بركاته

انا طالب من جامعة الكويت كلية الهندسه و اتمنى من اخواني بالمنتدى يتحملوني شوي بكثر الاسئله..
انا إن شاء الله ناوي اجي بعثه لجامعة الملك عبدالعزيز و عندي شوية استفسارات
بالكويت عندنا ايام الدوام اما((احد و ثلاثاء و خميس))او((اثنين و اربعاء)) حسب المواد المختاره..
مثلا ماده الفيزيا اما تكون محاضراتها ثلاث مرات بالاسبوع و بنف الوقت مادة رياضيات مثلا تكون اثنين و اربعاء
انتم النظام عندكم نفسنا؟؟لان انا الي فهمته ان يوميا الدوام عندكم يوميا و مدة المحاضره ساعه
و حبيت اسئل بخصوص السكن فيه سكن للطلبه و لا اذا جيت اروح ادور لي سكن((مستوى السكن حلو..!!))
احم احم و بخصوص المكافاة الشهريه كم تكون
حنى بالكويت 100 دينار يعني يمكن 800 ريال على ما اعتقد
و اسمحولي على الاطاله

[العمده]

المشاركة الأصلية كتبت بواسطة eng.bader09 السلام علم و رحمة الله و بركاته وعليكم السلام انا طالب من جامعة الكويت كلية الهندسه و اتمنى من اخواني بالمنتدى يتحملوني شوي بكثر الاسئله.. ما عندك اي مشكلة كلنا اخوان انا إن شاء الله ناوي اجي بعثه لجامعة الملك عبدالعزيز و عندي شوية استفسارات بالكويت عندنا ايام الدوام اما((احد و ثلاثاء و خميس))او((اثنين و اربعاء)) حسب المواد المختاره.. مثلا ماده الفيزيا اما تكون محاضراتها ثلاث مرات بالاسبوع و بنف الوقت مادة رياضيات مثلا تكون اثنين و اربعاء انتم النظام عندكم نفسنا؟؟ احنا عندنا يا طويل العمر (سبت-اثنين-اربعاء) او (احد- ثلاثاء) لان انا الي فهمته ان يوميا الدوام عندكم يوميا و مدة المحاضره ساعه الوقت يكون على حسب المادة يعني اذا كانت المادة مسجلة عندك بالجدول ب 3 ساعات يصير دوام المادة اما سبت واثنين واربعاء لمدة 50 دقيقة او احد وثلاثاء لمدة ساعة وثلث و حبيت اسئل بخصوص السكن فيه سكن للطلبه و لا اذا جيت اروح ادور لي سكن((مستوى السكن حلو..!!)) بالنسبة للسكن اللي اعرفه ان في سكن تابع للجامعة بس ما اعرف كيف وضعه ان شاء الله واحد ثاني يفيدك احم احم و بخصوص المكافاة الشهريه كم تكون حنى بالكويت 100 دينار يعني يمكن 800 ريال على ما اعتقد المكافئة عندنا 1000 ريال مخصوم منها 10 ريال لصندوق الطلاب يعني 990 و اسمحولي على الاطاله

ان شاء الله اني فهمتك

[Eng.BADER09]

يعطيك الف عافيه
و بيض الله وجهك

[AhmadASG]

ماقصر الاخ العمده ... لكت تعقيبا بخصوص وقت المحضارات كعدد ساعات ممكن بداية الدراسه يكون في تناسب بين عدد ساعات الماده واجمالي عدد ساعات المحاضره في الاسبوع ... لكن هذا مو شرط وفي مواد كثيييير بتواجهك في التخصص تحصل دوامك اضعاف ساعات الماده
لكن لا تشيل هم الموضوع سهل وماهو معقد وان شاء الله المنتدى يفيدك وقبل بداية ترم خذ اراء الشباب ويفيدوك عن مثل هالمواد ... مع انه اول سنه تعتبر عامه ومالها علاقه بالكلية حسب ما اذكر حيث حسب معدلك يضعوك في الكليه والتخصص اللي تختاره

بخصوص السكن الظاهر عليه ضغط وبرضو يمشي الحال حسب كلام الشباب ... لكن اكيد عندك حلول اخرى مدينة جده كبيره وتقدر تختار اللي تبي

وبالتوفيق ان شاء الله

[Kung Fo]

العمدة والشباب ماقصروا وبيضوا وجوهنا

[صقرر]

ما قصروا الشباب بارك الله فيهم

[moied]

صراحة الشباب ماقصرو ههههههههههههههه

[Eng.BADER09]

مشكورين و ما قصرتوا
بس بغيت اسال الجامعه شمال جده؟

[مالك معاذ]

للاسف ليست بشمال جدة

بجنوب جدة وانت عارف الجنوب لك عليه صراحة

[moied]

نسيت اقولك ياصاحب الموضوع تبغا اي خدمة اذا جيت لا يردك الا لسانك (استقبال .سكن.سيارة.مواقع في جدة ...)حاضرين بس تعال في وقت اجازة خخخخخ