بالنسبه لمحاسبه حكوميهacct231

[قحطان505]

السلام عليكم ورحمة الله وبركاته .............

لو سمحتوا يابنات انا ناويه اخذ الترم الجاي بمشيئة الله محاسبه حكوميه قالولي احسن وحده استاذه انيسه تركستاني بس للأسف مالها شعبه هالترم فحبيت اسأل عن استاذه صباح غرم الله صالح الغامدى. كيف شرحها زين وكيف تعاملها ؟؟؟ الله يرضى عليكم احس تحطمت من جد

[JnOOn]

وعليكم السلام ورحمة الله ..

لا تتحطمي ولا شي .. انا اخذت عند دكتورة ايمان وما ادراكِ ماهي =(

صح اسئلتها حلوه بس كانت الحكومية مره حلوه وتعتمد عليكِ اكثر من الدكتورة ..

صباح يمدحوها البناات مرره .. بس ما اخذت عندها ..


توكلي على الله .. وشوفي اللي يناسبك

بالتوفيق =)

[روزا]

انا اخدت حكوميه مع صباح

تخرجك من الكلاس و انتي فااااااااااهمه

شرحها راااااااااائع


و تعاملها حلوو داخل الكلاس ما اتعاملت معاها برا

اسئلتها يبغالها تركيز و مذاكره


و تراعي في حكوميه عشان بنات اداره عامه ياخذوها معانا




ان شاء الله اكون افدتك

[Miss.Accountant]

صباح شرحها حلو لكن اسئلتها صعبه ومعقده

[قحطان505]

جزاكم الله خير ماقصرتوا

[محاسِبة كيوت]

ايمان قاري لها 3 شعب بالمادة ان شاء الله تصير فاضية عشان يغيرونها

[JnOOn]

^

^

بس تقدروا تمشوا مع د.إيمان بالسااهل ..

صح هي خربطتنا .. بس لأنها اول مره تدرس وما اعطوها منهج محدد

هي اخذت ملزمة الدكتوره انيسه وملزمه الدكتوره اميمه فكانت مره مشتته ..

بس اتوقع لو تآخذوا معاها السمستر الجاي تكون خلااص فهمت ايش تعطي البنات ..

الله يسعدها .. تعبنا معاها بس ماراح تعبنا ع الفاضي

وختباراتها مره سهله وتسااعد مررره


=)

[محاسِبة كيوت]

جنون يا عسل يعني تنصحيني آخذ معها ؟
لانه وقتها عاجبني =)

[JnOOn]

^

^

والله ياقلبي اخاف انصحك فيها وماتحبيها واظلمك ..

كل دكتوره لها عيوبها ولها حسناتها .. والماده سهله لا تشيلي همها ..

كنت اروح عندها المكتب اذا مافهمت حاجه اناقشها وأسألها << نشبت بحلق الدكتوره

وكل المحاضرات احضرها .. لا تستحي منها مررره

واسأليها وقت هي مروقه .. تكون معاكي آآآخر حلاوه

واهم شي تاخذي ملزمة بنت شطووووره

:

تعبنا معاها في الحلول تبع المسائل .. لانو البنات كل وحده معاها ملزمه حل دكتوره غير

( صباح ، اميمه ، ساره بكر ، انيسه )

وكل بنت لا ياكتوره انا عندي كذا .. وتجيك وحده ثانيه انا عندي كذا .. فتشتت الدكتوره

بس تجي المحاضره اللي بعدها وتعطينا الجواب .. ونرسى على بر واحد

وفيه اشياء روحي بنفسك لمكتبها لانو ماتعيدها خلاص تنساها ..

الاختبار الدوري الاول .. جابت فقرتين صح وخطأ من اللي مو معانا في الاختبار :(

ناقشناها وفهمناها ..آآخر شي قالت راح احسب ع الاشاره بس

الاختبار الثاني كان فيه بونس وجابت فقرتين من اللي مو معانا .. بس سهله الحمدلله

ع فكره هي مو تجيب الفقرات بالعاني ونذاله .. لا بالعكس

تكون مو عارفه انو مو معاكم .. بس ان شاء الله السمستر الجاي

تكون خلاص فهمت كل حاجه ورتبت اوراقها


وأنيسه كمان كويسه اذا فيه لها شعبه وماحبيتي دكتوره ايمان خذي معاها ..



بس كماده صعبه زي محاسبه 101 و 102 وتكاليف .. الخ ماتصلح الدكتوره ايمان للأسف :(



آخر شي شوفي اللي يناسبك ويريحك والله يوفقك

[محاسِبة كيوت]

جنوون تسلمين يالغلا على الافادة
اذا ما تغيروا الاستاذات باخذ معاها وان شاء الله خير
الله يوفقك =)