اختبار بويتري انتساب سهام فطاني \ حسبي الله ونعم الوكيل

[شوري]

المشاركة الأصلية كتبت بواسطة داانه الله يعينكم وتعدو ان شاء الله انا كونت منزله البوتري دا الترم بس فاخر لحظه حدفتو خوفت منو صراحه بس كيف غيرت اسلوبها؟؟؟؟؟؟ مو نفس الاوراق اللي مع البنات يعني !!!

سهااااااااااام اه اه اه اه من سهااااااااااام

يب غيرت اسلوبها

دايم تعتمد على الأسئلة المقالية التاريخية

بس هادي المرة وحدة من الطالبات اللي الأمانة عندها مرة فوق راحت عندها وقالت لها هدا نموذج لإختبارك السمستر اللي فات فية بنت اخذتوا وقالتها اسئلتك يقولوا تنعاد كل سمستر

فغيرت الأسئلة

حسبي الله

[mahawe]

^
بالله ..! طيب دليني عليها هالبنت خليني اعطيها علقه وربي بتستاهلها..

[غلاالروح]

لالا دلوني انا عليها
الغبيه خربت على الكل

[abeer2009]

مين دي البنت من جدها ولا بتسوقها

معناته سهام حتجيب اسئلة صعبة واكترها مقالية لانه ماعندها وقت تحط اسئلة جديدة

الله يستر

[lovely aroma]

المشاركة الأصلية كتبت بواسطة mahawe ^ بالله ..! طيب دليني عليها هالبنت خليني اعطيها علقه وربي بتستاهلها..

مين هي دي البنت الشاطرة عشان نروح نشكرها على فضلها علينا
سبحان الله في بنات عندنا يرفعو الضغط والسكر شوفو كيف الاولاد مع بعض يساعدو بعض واحنا لازم تطلعلنا وحدة تعمل فيها نيوتن الجديد كل سمستر

[abohalah2020]

المشاركة الأصلية كتبت بواسطة mahawe اختبار البويتري اليوم ..!!!!! طالبات انساب .. سهام فطاني .. اسئله تعجيزيه من الدرجه الاولى .. معظم الأسئله ما جابت سيرتها بالمحاضرات .. سؤالى بسيط ليه كل هذا التعجيز بالاسئله ..ومواد تخرج كمان ..؟؟!!!!!!!! والادهى والأمر انو البنات بيعدو معها الماده 5 و6 مرات ولا احد اتحرك ..هل هدا شي طبيعي انو الماده تنعاد 4 و5 و6 مرات ...؟!!!!!!!!!!!!!! وين العله فينا ولا في مين بالزبط ..

الله يعينكم


اجل حتى شطر الطالبات معاناة


يالله ربي ييسر لنا جميعا

وإن شاء الله تكون الجايات أحلى

[شوري]

اسئلة الترم دا تخيلو بس

اختياري

لكن كل خيار والتاني تعجيييز رسمي

تجيب بيت من القصيدة وتحط اربعة اختيارات شرح للبيت وكلها تشبة بعض بس فرووق بسيطة

وتقول اختاري الأفضل

تعجيز ولا تعجيز!!!!


وجابت 4 قصائد من القصيرة وكلها إشرحي ال 4 عم تمزح صح؟؟

لا وبعد سؤال سهام من فين جبتي صيغة شرح القصائد اللي في سؤال الإختياري من النت استاذة؟؟

لا دة كلو من دماغي

يسعد دماغك ياشيخة

لاتعليق....ماخليت شئ

[مجنونه وجنوني عاجبني]

سلامو
يؤ دوبي اعرف سبب تغير الاسئله المفاجئ وانا اقول اشبها الحرمه قلبت
من هذي البنت الي راحت تقول لسهام
ابغاها فهرجه اهئ اهئ
وبعدين ايش يدرينا احنا ايش الي فمخها من شرح قصايد عشان نختاره ولا ندنبش
‏<‏ لحد يذكرها بتنفجر
حسبي الله ونعم الوكيل

[داانه]

تصدقو يابنات نفس الشي ساير فالنقد

لما غيرت الاسئله

لما اخدت النقد {{{{نسيت متى لوووول

الزاكره مفقوده مع الاختبارات

!!!!

بللهي مين الزكيه دي اللي توري دكتوره نموذج اسئلتها؟؟؟؟