بناااااااات الصيفي يللا صوتكم!

[naan]

كيفكم بنات ؟؟؟
حادخل في الموضوع عالطول اكيد في منكم كتيييييير اللي يبغو ياخدو صيفي ومو قادرين لان من الشروط تكوني مستوى7 او 8 واحنا نبغا نخلص ومع موضوع الf اللي في قسمنا عزالله ماخلصنا الا بعد قرن بنات بلييييز انا وحدة من الناس اللي ابغا اخلص بس مين يسمعني لازم نكون كلنا يد وحدة وصوتنا واحد عشان يسمحولنا بالترم الصيفي لانو لو شافو ان في بنات كتير طالبين ترم صيفي وفي اول المستويات اكيد راح يفتحولنا المجال يللا كل وحدة تبغا تاخد صيفي تتقدم بطلب للدكتورة رندا عشان تكتر الطلبات ويحسو ان لازم يفتحو صيفي لجميع المستويات
واسفه لو طولت عليكم

[attractive girl]

اختي naanانا طالبه انقليزي ومستوى سادس رايحه لسابع رحت لدكتوره رنده قالت الالويه لبنات التخرج يعني احنا ايش بيدنا
القسم الوحيد المعطل بالجامعه
الله يعين الجمييييييييييييييييييييييع

[بنت شيوخ>>جده]

ايه والله الظلم بعينه من يوم جات استاذه رنده للقسم والله السنه الي فاتت لما كانت استاذه ندى الله يذكرها بالخيرحتى من مستوى خامس منزله منه مواد ..ودحينا ماده وحده فقط مستوى خامس الي هي مناهج وطبعا فقط للمتخرجين لانو العالم كله حملوا مادة رايتنغ ودراما مستوي سادس والباقي سابع وثامن وكمان شعبه وحده لكل ماده ياررررررربيه ارحمنااا اتصورا روحت لها المكتب وبكل ادب اكلمها تقولي مو لازم تشرحين ايش عندك اختصري والله حبطتني وما ادتني فرصه حتى اتكلم

[naan]

طيب يابنات انتو تبغو صيفي ولا لأ خلينا نروح نكلمها دفعة وحدة مرة و٢ و٣
ولو مانفع نشوف المسؤل اللي اعلى منها وياريت الدكتور محمد يشوف الموضوع لانو بصراحة موضوع الf اللي بالكوم مايخارج معانا والله ورانا زواج و...و... نبغا نفتك
وبعدين ايش حايخسرو مادامنا بندخل بفلوسنا؟؟؟

[مملكة عمري]

والله أملي في الصيفي كبيـــر
اذا ما اخذت يعني في ترم زياااده
وما بتخرج السنه الجايه

الله يكتب اللي فيه الخير

[M!SS]

بالعربي د. رنده المفروض مايسلموها رئاسهـ القسمـ ,, حراااام عليهم والله حرااام ..
ذبحت نفسي في الرايتنق 1 وفي الاخير رسوب ..حسبي اللهـ ونعم الوكيل بس
وكمان مافيهـ ترم صيفي ..هذي ايش تبغى بالضبط مننا ..وهيهـ اش لها ..انا حرهـ وبكيفي .ابغى اخذ صيفي وهيهـ تقول لا ..

مااقول الا حسبي اللهـ ونعم الوكيل بس ..واللهـ يعيننا ع رندهـ ,,لانهـ شكلهـ واللهـ العالمـ مايبشر خير ..

بنات اللهـ يعيننا ويعينكم ..لكن اهمـ شيء ماننسى بعضنا من الدعوات ..

[د.محمد صالح الغامدي]

والله موضوع الصيفي ماهو مرتبط ارتباط تام بالتخرج لكن المشكلة الرئيسية إن كل استاذ لازم ياخذ 6 ساعات فقط في الصيفي حسب نظام الجامعة. وفيه اساتذة ما يبغى يدرس صيفي لان الامر اختياري. يعني اذا بغينا ننزل كل المواد صيفي من فين نجيب اساتذة يدرسون؟ وخاصة للطالبات والله انا ود رندا نحاول من فترة نقنع استاذات بالصيفي ولكن لا يرغبن ونحاول الإستعانة بمتعاونات ولم نتمكن من الوصول الى استاذات يقبلن التعاون في الصيف، وحاولنا مع مركز اللغة الإنجليزية يساعدنا من طرفه فاعتذروا لأنهم محتاجين لجميع اساتذتهم الموجودين في الصيف... واردنا فتح المجال لأساتذة من شطر الطلاب ولكن المباني المخصصة لتدريس الطالبات بالدوائر التلفزيونية تحت الصيانة اثناء الصيف... ايش الحل؟

[me 4 islam]

naan
me too i want to take summer semester
coz i taked big F in writting
may Allh help us

[naan]

مشكور يادكتور محمد على تفاعلك واهتمامك بالموضوع فعلا حسيت انو صوتنا وصل وجزاك الله خير على مجهودك ومحاولاتك للترم الصيفي بس يادكتور على الاقل يكون الترم الصيفي في المواد اللي اكثر البنات حاملينها رايتنق ١ و٢
لانو المواد هادي بجد معطلتنا وانشالله عالسنة الجاية يكون بامكاننا التسجيل
وشكر مرة تانية على اهتمامك وجعله الله في ميزان حسناتك

[بنت شيوخ>>جده]

وانا معاكي اشكر استاذي الفاضل للتفاعل ولكن مستحيل تنحل المشكله وينزلوا رايتنغ في الصيف لانو عدد الرسوب عدد طالبات القسم ويحتاجوا عدد كبير من الاستاذات ومافي الا اربعه استاذات بيدرسوا صيفي فهل تنحل برأيكم؟؟؟؟