ليش نزعل من الجامعة

[عربي]

مية فل على الكل
بصراحة انا بتكلم مع صاحباتي فتفاجات انهم مقهورين من الجامعة وبيحسبو الساعات على التخرج انا كمان ابغى اتخرج ولكن احب انبسط في وقتي ومااتنكد على كل شي
بقولكم يابنات ليه احنا بنزعل من الجامعة دايما ونبغى نخلص منها مع ان دي الايام راح نزكرها بعدين ونتمنى ترجع فنصيحة مني يابنات خلونا نفرح بالجامعة ولا نزعل نفسنا على كل شي تخيلو لواحنا ما قبلونا في جامعة اوكنا انتساب وبندفع كل شهر اش نعمل لكن دحين حنابندرس وبننبسط ونشوف صاحباتناودي فرصة انا بنت عمي انتساب ياحرام كل ترم بتدفع والترم ده ما قدرت تخش اختبار علشان تاخر تسديد المبلغ وغير كدة مشاكلها مع المزاكرة والمعدل احنا في نعمة صدقوني بس نتفاءل شوية فياليت نستمتع بالاحنا فيه وراح يجي يوم كلنا نتخرج وربنا يوفقنا كلنا يارب

[أحمدو]

والله صااااادقة في كل كلمة قلتيها ونفس الكلام إلي في قلبي لكني ما قلتة لاحد وترى هذي أحلا أيام حياتنا دحيو وإحنا في الجامعة تحياتي

[manar7000]

صح واللهي واكبر دليل الاجازات لمن تجي ,, الواحد صح بيرتاح لكن شويه شويه راح يحس بالملل وانو مالو فايده

او بالاصح مافي شي بيشغلو ,, حتى المعاناه اللي بنعانيها في الجامعه والله احسن انها بتدي اكشن للدراسه

اكيد راح تضحكو عليا لكن لو فكرتو فيها انو الدراسه ماشيه على وتيره وحده وانو كل شي سهل وبسيط وتقدر تجيبو بسرعه

راح نحس برضو بالطفش لاننا ما بنجرب ومابنفكر ونطلع قدراتنا

<< والله مع النوم الطاير والفيوز المضروبه المفروض يحطوني فيلسوفه بدل افلاطون p:

[قلبي محروق حرق]

شكرا جامعة الملك عبدالعزيز

لأنكم جعلتوا للدراسة طعم(ن) آخر

[ღღღبيـــاض الثــلـجღღღ]

كلامك صحيح وملاحظة رائعة منك لهذا الموضوع المميز...

كنت دائما الاحظ هذي التصرفات من صديقاتي ويبغوا الفكة من الجامعة ويتخرجوا باي معدل واي تقدير واهم شيء حصلوا على الشهادة.. وماكانوا يلاقوا اي متعة في الدارسة بس جيتهم علشان الحصول على المكافأة


بس والله انا كنت احس بمتعة كبيرة وانا اداوم فيهاا واتقابل مع البنات واحضر الدورات ومرة حزنت لتخرجي واني راح افارق مكان تعودت عليه وحبيته بس الحمدلله تخرجنا بمعدل يرفع الراس وان شاءالله نواصل المسيرة في الماستر بأذن الله....

[تفآحة نيوتن}~]

اذا على العلم الأنسان راح يضل يتعلم طول حياته ..


لاكن البعض اصبح نضرته سطحية جدااا مجرد كتب ومكافئه وسنوات تنتهي ونرتاح

وقتها لما يحسو انهم خرجو بدون اي فائدة لا بعلم ولا بشهادة ترفع الراس وبالتالي الحصل على وظيفة

وراح يجلسون طول حياتهم في ندامة


بصراحة كلمة كنت اقولها كل ماطفشت من الدراسة او من اي شي انا لازم اسويه

(( اذا انا مجبورة اسوي ذا الشيء فليش ما احاول استمتع به واخليه شي محبب لي ))



على الاقل حصلت بفائدة .




بصراحة رغم انو ذا الترم انهلكت منو الا اني اشتقت للجامعة وللدراسة في نصف اجازتي

ومتحمس للترم الجاي .. ان شاء الله يكون ترم خير ليا ولغيري

[Jarood moon]

كلامكم صحيح وموضوع في غاية الروعهـ
هو صحيح الأنسان احياناً يمر بضروف صعبه في الجامعه بس هذي الحياه مالازم نوقفها علشان هالشي ولازم نستمر وبحماس
هذا أول ترم لي في الجامعه صحيح مريت بأوقات مرا صعبه بس عديتهـا وطلع معدلي ولله الحمد عالي
وهالشي حمسني أكثر للسنوات الجايه.
..
يسلموو وان شاء الله ما أكون طولت

[بنت الخليج..]

كلام سليم..
يعطيكـ العافيهـ على هالملاحظة،،

[pinko1991]

كلامك صح مياة بالمية

[مفهية بتركيز]

كلامك عين العقل