البنات اللي يبغو يحولو للاقتصاد المنزلي وماتم تحويلهم يدخلوووو

[dalo90]

السلام عليكم ورحمة الله وبركاته

كيفكم بنات ؟ ان شاء الله بخير

انا اليوم رحت الجامعه
رحت العماده
(المركز الشامل ) عند الشباك
هما معلقين ورقه المعدلات المطلوبة لكليات العلوم - الاقتصاد والادارة - الاداب
الاقتصاد المنزلي موحاطينها
لما سألتهم قالت لسى المعدل موثابت

رحت كليه الاقتصاد المنزلي ( الشؤون التعليمية)

سألتهم عن المعدل المطلوب قالو لسى احنا الى الان وقفنا عند 3،5

وقالو راجعي العماده بكرة ممكن يتغير
ان شاء الله اروح عندهم بكره

ولسى جدولي مازبطه مادتين فيه بس
استنى التحويل

انتم ايش سويتوا اليوم؟؟؟

[Wejdan]

انا برضو ماحولوني معدلي اقل من المطلوب
رحت كليتي الاداب وحولت اعلام وبستنى يمكن يحولوني اقتصاد وادارة
ربنا كريم ..

[dalo90]

ان شاء الله يارب يحولونا
كلية الاقتصاد والاداره طالبين معدل مره عاااااااالي

[dalo90]

وينكم يا بنات؟؟؟؟؟؟

[بكـآء آلـرٍـوٍح ..!]

ايوا يا بنات خليكم مع العمادة كل شوي نطوا في حلقهم وأسالؤ لأن ع قولهم المعدلات مااستقرت

انا رحت وقدمت طلب معاملة وقالو راجعي بكرة بس اظن لازم كمان تكونو مقدمين من اول طلب في النت لأن هذي الخطوة مهمة كل شويه بيسألو عنها

موفقين يااااااارب ^_^

[dalo90]

المشاركة الأصلية كتبت بواسطة بكـآء آلـرٍـوٍح ..! ايوا يا بنات خليكم مع العمادة كل شوي نطوا في حلقهم وأسالؤ لأن ع قولهم المعدلات مااستقرت انا رحت وقدمت طلب معاملة وقالو راجعي بكرة بس اظن لازم كمان تكونو مقدمين من اول طلب في النت لأن هذي الخطوة مهمة كل شويه بيسألو عنها موفقين يااااااارب ^_^

من فين قدمتي على طلب معامله

انا ابغى بس لما رحت لهم عند الشباك ما اعطوني

انا مقدمه طلب من النت



بكره رايحه عندهم ان شاء الله

[بكـآء آلـرٍـوٍح ..!]

مو من عند الشباك

انا اول شي كلمت الاستاذة الي في مكتب 12 وشرحت لها الموضوع عشان تفهمني فين اروح وهيك

قالت لي روحي عند المكان الي جنب الشباك الي فيه موظفات على اليمين وقدامهم كراسي واطلبي ورقة معاملة وعبيها وجيبيها لي

انتي روحي لها وكلميها وشوفيها ايش تقولك وسوي او روحي لـ حق القبول والتسجيل أ/ ابتسام


موفقه يارب

[dalo90]

المشاركة الأصلية كتبت بواسطة بكـآء آلـرٍـوٍح ..! مو من عند الشباك انا اول شي كلمت الاستاذة الي في مكتب 12 وشرحت لها الموضوع عشان تفهمني فين اروح وهيك قالت لي روحي عند المكان الي جنب الشباك الي فيه موظفات على اليمين وقدامهم كراسي واطلبي ورقة معاملة وعبيها وجيبيها لي انتي روحي لها وكلميها وشوفيها ايش تقولك وسوي او روحي لـ حق القبول والتسجيل أ/ ابتسام موفقه يارب

طيب انا رحت عند الموظفات وقالوا روحي عند الشباك

واستاذه ابتسام مارحت لها


اخاف يروح علي التحويل لانه ماقدمت على المعامله

[بكـآء آلـرٍـوٍح ..!]

والله مادري انا رحت عند الموظفات مو الي في الشباك واعطوني

[dalo90]

بكاء الروح
ايش سويتي اليوم ؟

انا رحت عند مكتب أ\ ابتسام
وقالتلي الكليه خلاص اكتفت واقل معدل 3،78