سؤال لطالبات طفولة تكفون ما تردوني

[bubu]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

ابغى اسال عن قسمكم ..
حلو ولا لا

وفي تطبيقات عمليه ؟ اش هيا

ويدخلوا علمي ولا ادبي

والدكاتره كيف متعاونين

افيدوني الله يجزاكم خير

ابغا الرد اليوم قبل بكره

واذا سمحتوا لي بمراسلتك ع الخاص اكون من الممتنين

موفقين بإذن الله ... لكم مني أجمل تحية .

[ساكنه في بيتنا]

هلا بوبو
وعليكم السلام ورحمه الله وبركاته
شي طبيعي راح اقلك القسم حلو ولا ماكان دخلتو << جاوبي بلا فلسفه

لا من جد القسم مره ممتع وتتعلمي فيه حاجات حلوه تنفعك لنفسك كفتاه اليوم وام للمستقبل وتخليكي تعرفي تتعاملي مع الاطفال بشكل افضل وتفهمي القصد من حركاتهم وشخمطاتهم

التطبيقات العمليه هيا زي ما شفتيها في المعرض اعمال فنيه و في العاب حركيه كمان يعني اشياء زي كدا ..

موجود في قسمنا بنات علمي وادبي بس على ايام ما سجلت انا يعني من 3 سنوات نقريبا كانو يقبلو حقين الادبي بس نسبتهم تكون في ال90 بس تحين مدري والله مازالوا على دا الشرط ولا لا

والدكاتره لزوزين ومرررررررررررره متعاونين صح فيه كم وحده اسئلتها مش ولا بد بس اذا على التعامل اغلبهم تعاملهم راقي وانساني بصراحه ..

واي سؤال نحنا حاضرين :)

[شيخة الزين]

السلام عليكم ورحمة الله وبركاته ,,,,,,,, خواتي ممكن تفيدوني اذا بالجامعة ماجسير تفصيل, أو ماجستير تطريز ,, او خياطة ........... ارجوا المساعدة ولكم جزيل الشكر,,,

[bubu]

مشكورة قلبي ما قصرتي

اش اصعب اللمواد اللي عندكم

موادكم اغلبها ع الفهم ولا ع الحفظ؟؟

<<< معليش راح اتعبك شوي لاني محتاااااااااااااااااااااااااااااااااااارة اش ادخل
وانا احب الاطفال مرررررررررررررره واعمالكم حلوة وخفيفه
<< شكلها محتاجه خيال وابداع مو احتراف مثل الفنية

طيب تعرفي بنات من قسم لغات؟؟ واش يقولوا عن قسمهم حلو ولا لا ؟؟ والدكاترة كيف؟؟



سؤال اخير << خخخخ تعبتك يا قلبي ازعجتك

اللبس في اجامعه كيف ؟؟ زي الكلية بنظام؟؟ ولال كيف ؟ يعني اش تلبسوا؟؟

والجوالات كميرا عادي ؟ <<<<<<< معليش انا ميييح في النظام لاني ما اعرف احد يدرس في عزوز ههه

يعني باختصار شديد؟؟ اي شي تعرفينه عن الحياة هناك قوليلي

تسلمي يا قلبي واسفه ع الازعاج

[ساكنه في بيتنا]

المشاركة الأصلية كتبت بواسطة bubu مشكورة قلبي ما قصرتي العفو حبيبتي دا واجبنا اش اصعب اللمواد اللي عندكم المواد اللي ناخدها في السهل وفي الصعب زينا زي اي قسم بس الحلو انك لو قدرتي تذاكري على اساس انها معلومات راح تفيدك وما تتفشلي لو احد سألك في شي راح تتيسر امورك ان شاء الله موادكم اغلبها ع الفهم ولا ع الحفظ؟؟ والله اغلبها كلاااااام يعني حفظ بس بالنسبه ليا ما اعرف احفظ الين ما افهم يعني كلو ماشي باذن الله <<< معليش راح اتعبك شوي لاني محتاااااااااااااااااااااااااااااااااااارة اش ادخل خدي راحتك يا قلبي وافرغي ما في جعبتك وانا احب الاطفال مرررررررررررررره واعمالكم حلوة وخفيفه << شكلها محتاجه خيال وابداع مو احتراف مثل الفنية يس .. اغلب الاعمال سهله ومن مواد بسيطه و تحتاج للإبدااع ,, حتى لمن تسوي واجب يعطوكي درجات على الابداع طيب تعرفي بنات من قسم لغات؟؟ واش يقولوا عن قسمهم حلو ولا لا ؟؟ والدكاترة كيف؟؟ اعرف بنات E يقولوا حلو لانو دخلو الترجمه فيه واغلبوا روايات .. اذا بدك اسئلك عن شي معين اتفضلي سؤال اخير << خخخخ تعبتك يا قلبي ازعجتك قلنا خدي راحتك بس لا تزوديها << خربتها اللبس في اجامعه كيف ؟؟ زي الكلية بنظام؟؟ ولال كيف ؟ يعني اش تلبسوا؟؟ البس عادي تنوره وبلوزه الكم مو لازم طويل نص كم ربع كم كلو ماشي تقدري تلبسي بنطلون بس البلوزه تكون طويله للركبه او تلبسي لابكوت ومنتي مقيده باي لون كلللللللللللللللو مسموح والجوالات كميرا عادي ؟ <<<<<<< معليش انا ميييح في النظام لاني ما اعرف احد يدرس في عزوز ههه والله يا قلبي هو المفروض ممنوع لكن الجامعه كلها عندها جوال كاميرا ,, بس لو كنت تخافي يمسكوكي جيبي من غير كاميرا يعني باختصار شديد؟؟ اي شي تعرفينه عن الحياة هناك قوليلي الحياه حلوه بس نفهمها << فاهمه الموضوع غلط تسلمي يا قلبي واسفه ع الازعاج

الله يسلمك .. ولا في ازعاج ولا شي تبي شي اسالي ولا يردك الا لسانك

[ام-حمودي]

مشاءالله ساكنه كفت ووفت

وزي ماقلت لك حلوو بس شوي متعب

والدكاترة كلهم عسولات بستثناء كم وحده

وحياك الله بقسمنا

[bubu]

مشكوورة ام حمودي ع الرد.......والله يحيك...


بس حبيت اسأل اش نوع "الكرف" اللي عندكم؟؟؟

ما اتوقع انوا في شيء مررررة يتعب

لانوا شكل شغلكم بسيط وحركاته مو مرررره متعبة؟؟
*

بخصوص الانقلش....
يا ليت تسالي عن نوعية البنات " الطالبات " اللي يدرسون في هاذا القسم << بنات محترمين ...ولا .......

طبعا اكيد البنات كويسين ... بس ما يخلو مجتمع من هذي الاشكال...لاني سمعت يقولو عن قسم اللغات اشياء...
وابغى اتاكد ... واللي يدرسونهم دكتورات ولا دكاترة؟؟ اذا في دكاترة اش اسمائهم...<< يا كثر طلباتك .. ههههههه

مشكوووووووورين يا قلبي زما قصرتوا

[ام-حمودي]

هلا قلبي

الكرف الي عندنا يعني كل ماده فيها جزء نظري وعملي

مثلا ماده احتياجات خاصة فيها جزء عملي وهي زيارات لمراكز المعاقين ونكتب تقارير عن الزياره
وماده برامج تنزلين برامج للاطفال من النت طبعا تطلع عيوتك عشان تلاقي برنامج
وماده مفاهيم كل اسبوع تحضير جديد وكل واحد اصعب من الثاني مره تحضير علمي ومره رياضي
وحاسب اطفال نسوي برنامج اطفال بالحاسوب بس مرره ممتع

يعني ياحلوة ماانام الليل وعيوني عورتني من الجلسه على النت بس النتيجه كانت حلوة الحمدلله

لكل مجتهد نصيب

[ساكنه في بيتنا]

المشاركة الأصلية كتبت بواسطة bubu مشكوورة ام حمودي ع الرد.......والله يحيك... بس حبيت اسأل اش نوع "الكرف" اللي عندكم؟؟؟ ما اتوقع انوا في شيء مررررة يتعب لانوا شكل شغلكم بسيط وحركاته مو مرررره متعبة؟؟ والله يا بطه هو سهل جدا وممتع جدا بس لمن تطبقيه .. بس لمن تفكري ايش هو النشاط اساسا وكيف ممكن تطبقيه و كيف تكتبي كل شي زي محا يكون على اصوله بالززبط هو اللي يتعب وتخيلي الشي دا تسويه مع مواد تانيه ويا حبذا لو كان التسليم كلو في اسبوع واحد بجد حووووووووووووسه ( ان شاء الله وصلتك الفكره بخصوص الانقلش.... يا ليت تسالي عن نوعية البنات " الطالبات " اللي يدرسون في هاذا القسم << بنات محترمين ...ولا .......طبعا اكيد البنات كويسين ... بس ما يخلو مجتمع من هذي الاشكال...لاني سمعت يقولو عن قسم اللغات اشياء... وابغى اتاكد ... واللي يدرسونهم دكتورات ولا دكاترة؟؟ اذا في دكاترة اش اسمائهم...<< يا كثر طلباتك .. ههههههه عزيزتي لو ماكانوا محترمين كان ما شفتي بنات الناس دخلوها واتخرجوا منها ,, وحاليا صحبتي سافرت بس على العموم اذا كان قصدك بنات كدا و كدا في كل مكان في الجامعه راح تشوفيهم بس انت خليك في حالك وامشي وطنشيك منهم كانهم جدار اذا بدك المعلومات حالا بالا افتحي موضوع في منتدى اللغات واساليهم اللي بدك مشكوووووووورين يا قلبي زما قصرتوا

العفو خيتو .. لا تحرمينا اسئلتك

[يــ<ـق لـ&ـا]

طيب ياعسسسل عندي سؤال؟ ساكنه في بيتنا



الدراسه ف القسم بالانقلش والا بالعربي


انا ماررة حابه القسم ونفسي ادخله


ومشكورة ياعسل