اللي عملت مقابله شخصيه احياء ضروري ترد !

[الجنوبية]

السلام عليكم

تقصدوا وظيفة محلل مختبر؟؟؟

[TheLady]

أولاً الكل دخل الاختبار النظري
الكل اختبر عملي
الكل ارسلولهم رسائل جوال لحضور المقابلة الشخصية

وكانت آخر بهدلة !!
انا جيت الكلية من مكة وصلت الصباح 7.30
الساعة 8 بدؤو ينادو على الاسماء وحدة وحدة

اللجان ثلاث لجان كل لجنة مكونة من دكتورتين
وكل لجنة عندها مجموعة طالبات

انا وصلوا لأسمي بعد الساعة 11 !!

ماكان فيه قاعة فاضية نجلس فيها والمبنى شديد البرودة ماشاءالله
يعني دخلت على اللجنة وانا منتهية اسناني تصطك من كثر البرد ماعرفت اتكلم والله
الاسئلة تافهة مووووووووووية :

انتي من عندنا من الكلية ؟
لا انا من جامعة ام القرى .... الخ
من متى متخرجة من الجامعة ؟
هل تعرفي عمل محللة المختبر ؟ او بمعنى ماهي طبيعة عمل محللة المختبر ؟
عندك خبرة = هل سبق واتوظفتي ؟
طبعاً 100% لا لحد الان بفحط ادور على وظيفة !!
اممم هل عندك دورات كمبيوتر انجليزي ؟
تعطيكي مقطع صغير جداً سطر ونصف تقرأيه مكتوب الانجليزي
انا جاني من كتاب (بيولوجية الحيوان العملية) انا جاني مقطع عن تشريح طير لانه مكتوب المثانة الهوائية !!
بس قالت لي مبتسمة الله يعطيك العافية اتفضلي .

بعض البنات سمعتهم يقولو انهم سألوهم :
انتي متزوجة؟ عندك اولاد؟ هل تعرفي انك ممكن تدوامي لحد الساعة 6 مساءً ؟هل تعرفي ان الوظيفة تحتاج لجهد (كرف)؟
انتي من خارج جدة؟ اذا كانت من خارج جدة وجاتك الوظيفة ايش راح تعملي ؟ ...الخ
واتكلمي عن نفسك!!

والله ما استمرت المقابلة دقيقة دقيقتين وانا من الساعة 7.30 واقفة !!


الدنيا ارزااااق

موفقين

[salah-w3]

لا موالكل دخل الاختبار العملي بس مجموعه اختاروها انا عرفت من قسم الرجال انهم اخذوا 50% بس واللي نظري كان كويس اما اللي دخلو عملي اعتقد نفس الشي

[بلا مأوى]

الرزق ع الله يا اخوات احسنوا الظن بالله

[TheLady]

الاخ salah-w3
مافهمت عليك !!

[سيزالبينيا]

هاااا مافي اخبار ......اذا بدوو يتصلو على احد قولولنا هنا عشان نشيل الفكرة من راسنا
وبالتوفيق

[salah-w3]

بس انت قلتي الكل دخل النظري والكل دخل عملي والمقابله الشخصيه انا رديت مو الكل دخل عملي وانا مادخلت واعرف بنات كمان مادخلو لما اتصلت قالو مجموعه هي اللي انقبلت في العملي