نـــــــــــــــــــــداء إلى pharm.d

[pharm.d .s]

المشاركة الأصلية كتبت بواسطة super mo6awa3 استفسار كمان معليش .. قريت موضوع لمشرف منتدى كلية الصيدلة "عبادي" انه الطالب لما يتخرج من الكلية بعد ال6 سنوات يكون pharm.d وتكون درجته أعلى من البكالوريوس بس مو ماجستير بس المهم انو أعلى من البكالوريوس .. إذا كان هذا الكلام صحيح .. فهل معنى هذا انو بعد ما أدرس السنتين اللي بعد التخرج وأصير كلينيكل فارمسي أكون كذا حصلت على الماجستير؟؟؟؟

اتوقع انو لا
لانو الرزدنس ماتعتبر دراسة هيا تطبيق في المستشفى بالعربي شغل لمدة سنتين سنة عامة وسنة في تخصص تختاروا

[pharm.d .s]

المشاركة الأصلية كتبت بواسطة super mo6awa3 معليش عندي سؤال كمان .. لو ذحين أنا سرت -إن شاء الله- كلينيكل فارمسي .. طبعا زي ماقلتي انو ممكن أكمل ماجستير في أي واحد من الأقسام اللي قلتلك عليها فوق .. طيب لو أنا كملت ماجستير في قسم النواتج الطبيعية والطب البديل (لأني صراحة مرة أحب الطب البديل) هل بعد كذا حأرجع أتوظف في المستشفى ونفس طبيعة عملي قبل الماجستير زي ما كنت ولا حأتوظف في مكان ثاني غير المستشفى ؟ وإيش أحسن اني أكمل ماجستير في الصيدلة السريرية ولا عادي ما تفرق (من ناحية الوظيفة والراتب) لو كملت في أي قسم؟

انا الي اعرفوا انو في تلاتة مراتب وضيفة للصيدلة
صيدلي تاني وصيدلي اول واستشاري صيدلي
طبعااا الاستشاري دول رواتبهم مرا عالية ودول هما الكلنيكل فارمسي زي ماسمعت
اول ما تتخرج تسير صيدلي ثاني وسمعت لو اخدت شهادات وكدا تترقى لصيدلي اول
والله اعلم
الصراحة انا مافهمت لية تبغى تاخد كلنيكل وماجستير طب بديل ؟؟؟
بس كتيير دكاترة يمدحون الصيدلة السريرية ويقولون انو هياااا لها مستقبل مرا كبير
بس اولا واخيرا ميولك ثم ميولك ثم ميولك