ارجو مساعدتي في فهم بحوث العمليات351

[طالبة الابداع]

كل الروابط اللي موجودة افتحها يعطيني في الموقع فيروس عدم الاستجابة ويتقفل جهازي على طول ...مين اللي فاهم المادة يشرحها لي وياخذ اجري اقسم بالله تفقعت عيوني في المادة مافهمتها ولا ابغا اآجله واناتخرج هذا الترم نبغا واحد فاهمها يتفرغ يشرح لنا كل اللي يصعب علينا بختصار ثلاث ارباعها يعني ندخل في وقت يناسبه ونبدا ندرس مع بعض تكفووون احد يفزع لي الله يفرج كرب من فرج كربي دنيا وآخره دورت معلمة في ابها مالقيت انا عندي ملخص حسان الطيار رائع بس برضوا مو كل شي فهمته تكفوووون الفزعه وله جزيل الشكر والدعاء

[صدى الريم]

حتى انا مو فاهمه ياليت حد يشرح لنا درس درس تكفووووووون

[طالبة الابداع]

الاخ ابو مهند صراحة مافهمت الان انا عندي مسأله فهمني عليها لاهنت مثال
ا-2=6 1-3=5 2-4=8 3-4=6 4-5 =13 5-6=7 2-6=5 هذا النشاط
كيف تطلع البداية المبكرة فيها مازبطت طبقت قانونها 100 مرة وحدة تزبط و10 لا

[الصقارة]

المشاركة الأصلية كتبت بواسطة طالبة الابداع كل الروابط اللي موجودة افتحها يعطيني في الموقع فيروس عدم الاستجابة ويتقفل جهازي على طول ...مين اللي فاهم المادة يشرحها لي وياخذ اجري اقسم بالله تفقعت عيوني في المادة مافهمتها ولا ابغا اآجله واناتخرج هذا الترم نبغا واحد فاهمها يتفرغ يشرح لنا كل اللي يصعب علينا بختصار ثلاث ارباعها يعني ندخل في وقت يناسبه ونبدا ندرس مع بعض تكفووون احد يفزع لي الله يفرج كرب من فرج كربي دنيا وآخره دورت معلمة في ابها مالقيت انا عندي ملخص حسان الطيار رائع بس برضوا مو كل شي فهمته تكفوووون الفزعه وله جزيل الشكر والدعاء

أنا معك ياطالبة ,, حيرتني هالمادة الله يسامحهم حطولنا دكتور مايجيب الا مسائل بدون نظري عكس طالبات ادارة اعمال الدكتورة بتجيب لهم اغلب الاسلئة نظري ,,
تكفون اللي عنده وقت يشرحلنا ,, يعطينا وقت نكون متواجدين فيه هنا يشرحلنا اللي مافهمناه ,, والله ماعندنا وقت نقعد 24 ساعة عالنت حنا تخرج ورانا مواد ثانية وبحث ومسؤولية ,,مير الشكوى لله
والله يعينا ونتخرج على خير ,,

[طالبة الابداع]

اي والله ليت تكثر الاصوات المطالبة بالشرح عشان احد الاخوان يشرح لنا مشكورا وياليت ناخذها درس درس يالله مين النشمي الفاهم اللي يستعد ويحدد وقت ندخل كلنا معاه مشكورا وياليت على عجل قرب الاختبار تكفوووون يالنشامى

[الصقارة]

طالبة ,, انتي اي شعبة ,, متى وقت اختبارك ,,
الله يوفقنا جميييع ,,

[Abo-mohnad]

المشاركة الأصلية كتبت بواسطة طالبة الابداع الاخ ابو مهند صراحة مافهمت الان انا عندي مسأله فهمني عليها لاهنت مثال ا-2=6 1-3=5 2-4=8 3-4=6 4-5 =13 5-6=7 2-6=5 هذا النشاط كيف تطلع البداية المبكرة فيها مازبطت طبقت قانونها 100 مرة وحدة تزبط و10 لا

لازم تعرفي كيف ترسمي شبكة الاعمال على شان تسهل المسألة

في المرفق رسم شبكة الاعمال

[Abo-mohnad]

نكمل الحل :

البداية المبكرة :

1-2 = صفر
1-3 = صفر
2-4=6
3-4=5
4-5=14 ( اخذنا المسار الاكبر اللي هو 1-2-4) لان هناك مسارين والمسار الاخر هو 1-3-4
ملاحظة : نأخذ المسار الاكبر في البداية المبكرة

5-6=27

2-6=6


إن شاء الله وضحت المسألة

دعواتكم وبالتوفيق للجميع

[طالبة الابداع]

الله يوفقك طيب رسم الشبكات له قاعدة معينة يعني على اي اساس ارسم الشبكة وبعدين ياليت تتبرع وتاخذ اجرنا وتشرح لنا المنهج والله ماليقت في ابها كلها احد يشرحه ولك كل الشكر والدعاء

[طالبة الابداع]

ليش طلعت 5-6=27
2-6=6والله مافهمت تعقدت مع اني والله مو غبية بس طلعت الغبية