كيمياء عآم ولا حيوي .. ؟ محتارهـ , وارجو الإفاده يآطلاب كلية العلوم ..

[راسيه]

تعال ياللي من برآ تشوف ولك دعوه من قلب

.


.



.



.



.
السلام عليكم ورحمة الله ..

المعذره اذا جيت بوقت غلط , مذاكره واختبارات ..
لكن انـآ طالبة تحضيري محتارره واللهي ومني عارفه ايش اسوي ..
واتمنى انكم تساعدوني ..

انـآ من زمان طموحي ادخل علوم طبيه مختبرات او علاج طبيعي ..
لكن قدر الله وحصلت لي ظروف وصار معدلي بالسنه التحضيريه مايسمح ..
فـ الرغبه اللي بعدها علوم .. وقبل فتره كونت ابغى ادخل كيميا حيوي وسألت عن التخصص وعجبني ..

لكن لمن شوفت الأحياء فيه اشياء بسيطه عن الحيوي وكده .. افتكر اني كونت مكتئبه شويه وانا ازاكر وخفت اني اجيب العيد فيه بعدين ..
بعدين قولت خلاص شكلي حادخل سنه علوم وارفع معدلي واحول ان شاءالله ..

لكني محتـــآآآآآآآآآآآآآآآآآره بين الكيميا العام والحيوي ..

انا مره احب الكيميا , لكن لمن شفت الخطه الدراسيه لقيت مادتين مآث ..
Math 202 & Math 204

فاللي درس هده المآدتين يقول لي كيف هل هيا صعبه ولا سهله بلييز .. ؟
لأني انا الرياضيات معقدني شويه .. مع اني افهم واللهي بس وقت الإختبار والمذاكره شويه اتعب واتوتر ..

والحيوي خايفه يكون كلو حفظ زي حكاية الأحياء واكيد حيكون متخصص اكتر مو زي البايو اللي اخدتو فالتحضيري ..

والله منييي عآآآآآآآآآآآآآآآآرفه بجد ايش ادخل ..
بليز ابغى نصاحيكم بليييييييييييييييز
تتوقعوا فين حقدر ارفع معدلي .. ؟
وخايفه ادخل تخصص واتورط ..

وآآسفه اذا كترت بالكلام , بس مو عارفه ايش اسوي ..
في إنتظــآركم ..

[DNA..~]

الكيمياء الحيويه ممتع و لا يخلو من الصعوووبه..~

فيه الحفظ و الفهم و كلاهمآ مكمل للآخر.. :)

الكيمياء الحيويه أقرب للمختبرات الطبيه من الكيمياء العامه...

فيه تشابه بينهم

بعدين لو حولتِ مختبرات حتدرسي حيوي ^_^

مشكلة التحويل للكليات الصحية لازم تدرسي سنه كاملة بعدين تحولي لأن دراستهم بالسنين مو اترام..!!

لو تحبي الكيمياء بحت .. ادخلي كيمياء عامه..

لو تحبي الكيمياء مع الأحياء .. ادخلي حيوية..

الحيوي يتكلم عن التفاعلات البيوكيميائيه داخل جسم الإنسان..
عمليات الإيض..هدم بناء..
كربوهيدرات ، احماض امينيه ، بروتينات ..إلخ

الحلو فيه مفيد في حياتك .. بعيدًا عن الدراسه..^^

شوفي الخطه لكل قسم و استخيري..

انا انصحك بما إن رغبتك كانت مختبرات فالحيوي انسب لكـ..<< بعيدًا عن تعصبي لـ آل الحيوي :d

و الله يسهل لكـ.. :)

[راسيه]

^

يعطيك الف عافيه وربي يوفقك ويسهل لك طريقك ويكتب الخير فين ماتروحي يآآآآآربـ ..
ومره شكراً على ردك واللهي ..

بس انا شوفت الخطه الدراسيه للقسمين ..
والإتنين عجبتني بس فالعام خفت من الماث ينزل معدلي ومايرفعو ..
والحيوي خايفه تكون درآستو صعبه وحفظ كتير .. وبرضو خايفه ماينرفع معدلي ..


الله يكون فالعون وانا حأستخير ان شاءالله اكيد ..

شكراً مره ثـأإنيه ..
في إنتظـأإر الباقيين ..

[وفاء جدة]

شوفي حبيبتي ماراح أزيد على كلام دنا شئ..
هو فيه حفظ بس ترى اي قسم لازم فيه حفظ اقل شئ قوانين..
فانتي شوفي اللي يعجبك واختاري ولا تشيلي هم..
وانا اشوف ان الكيمياء الحيوي اقرب لرغبتك
وبالتوفيق ياقلبي...

[كل الغلا]

اولا سلام يااعسل
حبيت اقولك انه انا طالبة كيمياء حيوي
وشايفة انه مرررة انتي محتاارة في الاختيار
وبنظري كل تخصص له صعوبته بطريقته وبالنسبة للكيمياء الحيوي
يعني مو ذاك الشيء مرررة في الصعوبة لكن من خلالة تقدري ان شاء الله انك ترفعي المعدل
اذا اخترتي دكاترة كويسين وقسمنا غني بهذة النوعية وراح يفيدك للكلية اللي راح تنتقلين لها باذن الله
وبالنهاية انت استخيري وشوفي ميولك وارتياحك لاي تخصص
مع اطيب امنياتي لك باتوفيق

[وهم الخلود]

وعليكم السلام ورحمته الله وبركاته

انتي لازم تحددي من الان تستمري بالعلوم او تحولي لان لو تبغي التحويل اشوف لك

الكيمياء الحيوي انسب قسم قريب من الطب بشكل عام

اممم صراحه انا ماعندي علم كبيربالكيمياء الحيوي بس الي اشوفه انه حفظ

على عكس الكيمياء العامه تعتمد على الفهم كثيرر واذا على مواد الماث

انا درست ماث 202 بالعكس كان حلوو بس مشكلته انو المنهج طويل

اما ماث 204 فانحذف من الخطه ونزلوا بداله ماده من قسم الفيزياااء


واستخيري قبل كل شي


والله يوفقك

[نبراس الهدى]

مسآءك فّل وطاعـهـ ،،

الله يوفقك يآعسل ،، و ييسر آمورك

آولآ : لآتنسين تستخيرين وربي رآح يكتب لك اللي فيه الخيرهـ ،

وبالنسبه للكمستري آو البيو كمستري ،،فهي رآجعه لقرآر التحويل

إذا بتحولين لآزم معدلك يكون فوق الاربعه ،

و البيوكمستري هو آقرب شيء للتحويل .

والله يكتب لك اللي فيه الخير

ياقلبووو ،،

[راسيه]

وفـآ جدهـ

تسلمي يالغلآ مشكوره ومآقصرتي ..
وربي يوفقك ويسهلك طريقك فين مآتروحي ..

,

كل الغلآ

وعليكم السلآم ^^
مشكورهـ واللهي , وبجد انـأإ محتآره فعلاً ..
لأني مـآجربت لسه عشان احكم وكونت ابغى نصايح اللي مجربين زي حضرآتكم ..
وفقك الله لمآ يحبه ويرضآهـ , وجزآكي كل الخير ..

,

وهم الخلود

سميتي ههههه " خلود "
يعطيك الف عآفيه ع ـالمعلومآتـ ..
وانـآ والله هوا هدا اللي مسوي لي ازمه من العام , الماث هدآ ..
ولا كان دخلت وانا مغمضه عيني ..
وفقك الله ويسر لك درباً للخير ..

,

نبراس الهدى

اكييد رآح استخير بإذن الله ..
وربي يكتب لنـآ الخير فين مآ يكون ان شاءالله ..
تسلمي يالغلآ عالنصيحه والرد ..
ربي يسهلك ويوفقك ويرزقك من حيث لا تحتسبي ..

[R-Kh]

في حالة حولتي من حيوي لكلية صحية
تتعادلك المواد وخصوصا مادة كيمياء حيوية عامة لانو الكليات الصحية يدرسوها
//
تفهمي و تحفظي انسبلك الحيوي
لو تفهمي الكيمياء انسب
//
في بداية التخصص عانيت من كمية المعلومات اللي كنت احفظها
شويا شويا اتعودت وسار الشي دا عادي
//
اقري اكتر عن التخصص
حجبلك كم موضوع ممكن يفيدك
..
:)

[المحبوبة]

بليزززززززز بنات طيب باسالكم عن تخصص المايكرو اقدر اذا دخلته احول تقنية طبية ولا لا
بليز لا تطنشون