مجادله بيني وبين زملائي في علم النفس.....

[dhomi]

صباحكم ورد جميعا
وصباحك فل وياسمين نسمة الجامعه خصوصي ^_^ قدرتي تكسبي قلوبنا من الاحصاء ربي يذكرك بكل خير
هذي البصمه الطيبه والا فلا

تحيه طيبه
كلامكم حلو نقاشكم مفيد ...
صحيح انا من عديت اول سمستر وانا اعيد واكرر اني راح امشي حسب الخطه ..ولكن تأتي الرياح بما لاتشتهي السفن..
وخلاني اول سمستر اعرف قيمة الاستاذه ومكانته واهميته للماده ...بذات في مادة الاحصاء
لانه عطتنا دكتوره /نرمين في كلية الاقتصاد ..وبصراحه كانت في قمة الامانه وشرح ولا احلى ..رغم اني تركت الدراسه من فتره وانا دارسه ادبي يعني مالي في الارقام والحساب..وناسيه جدا المعادلات وهالاشياء الي تقربلها^_^

الا انها كانت توصل لنا المعلومه وتعيد لين نفهم ..وبجد كانت تتعدى القاعه العدد المسموح فيه حتى بدأو الاستاذات بالشكاوي ومن هالكلام
بس رغم كل التهديدات الي تجي البنات بأن يلتزموا بشعبهم وقاعاتهم عشان يحضرو محاضراتهم مع استاذاتهم كانو يطنشو ويضلو جالسين حتى على الارض عشان يفهموووو

وبجد ماني تاركه بيتي واولادي عشان اجلس على كرسي ساعتين ماني فاهمه شيء مع استاذه مو مكلفه على عمرها تفهمنا او حتى تسمع استفسارات البنات
مستعده اوقف ساعتين بس اكون مستفيده ^__* وجهة نظري

فغيرت سياستي ال كنت مصًره عليها اني امشي تبع الخطه ...والحين صرت ارتب جدولي حسب مين يعطي الماده وقررت امشي على هالموال >>>بلاش يكون موال ^_^
قررت امشي على هالسستم واتبع طريقه الاستاذه الافضل والاحسن في الشرح لانه يهمني استمتع بالمواد الي ادرسها ولايمكن استمتع في شيء لا افهمه :)

وشي يقهرفي بعض ""بعض ""مو الكل الاستاذات مو معطين طالبات الانتساب اهميه ابد صحيح بعض البنات مو مهم يفهمو بس يبغون الي يسهل الاختبار ..بس مثلي انا وغيري كثير نتمنى شيء من الاهميه في نطق المصطلحات الانجليزيه الي تخص القسم ...لانه اكيد بكثرة نطقها راح تكون لنا سهله ويسيره ومن حقنا نسمعها اثناء الشرح او المرور عليها اقل شيء..

يالله اتمنى يوصل صوتنا للمسؤولين..يطورو من انفسهم لانه الانسان الى ان يموت وهو يتعلم :/ مو يعني وصل دكتوراه يتنح ويضل متمسك بعاداته القديمه

^__^ ادري في الاخير جبت العيد بس اختلاف الراي لايفسد للود قضيه
اتمنى تتقبلي قصتي ^ ^ برحابة صدر
اختكم ام دحووومـ

[نسمة الجامعة]

المشاركة الأصلية كتبت بواسطة dhomi صباحكم ورد جميعا وصباحك فل وياسمين نسمة الجامعه خصوصي ^_^ قدرتي تكسبي قلوبنا من الاحصاء ربي يذكرك بكل خير هذي البصمه الطيبه والا فلا وبجد ماني تاركه بيتي واولادي عشان اجلس على كرسي ساعتين ماني فاهمه شيء مع استاذه مو مكلفه على عمرها تفهمنا او حتى تسمع استفسارات البنات وشي يقهرفي بعض ""بعض ""مو الكل الاستاذات مو معطين طالبات الانتساب اهميه ابد صحيح بعض البنات مو مهم يفهمو بس يبغون الي يسهل الاختبار ..بس مثلي انا وغيري كثير نتمنى شيء من الاهميه في نطق المصطلحات الانجليزيه الي تخص القسم ...لانه اكيد بكثرة نطقها راح تكون لنا سهله ويسيره ومن حقنا نسمعها اثناء الشرح او المرور عليها اقل شيء..

صباح الخير و الفل و الياسمين
تسلمي يا قلبي
هذا من ذوقك و كريم أخلاقك
و انت أيضا لم تقصري في الاحصاء

معك حق بالنسبة لترك الأولاد
الأصل في الدراسة طلب العلم و ليس الشهادة
و لكن للأسف المعاني و الأهداف أصبحت غير واضحة عند البعض, و خاطئة عند البعض الآخر

و للأسف الطالبات اللاتي يردن التسهيل يقوموا بالتخريب على باقي الطالبات, لأن الأستاذات/ الدكتورات لديهم تصور أن طالبات الانتساب لا يهمهم الشرح و فقط همهم التأشير و التسهيل و الدرجات مثل ما قلت

و بالنسبة للإنجليزي ممكن تقترحي على اللي تدرس المادة إنها تدخلكم الانجليزي <<<<<<الله يعينك على اعتراض البنات
أو تطلبي منها تقرأ المصطلحات الانجليزي <<<هذا حقك و ليس لأحد الاعتراض عليه

و إذن اتفقنا على أن من تعطي المادة هي المهمة و عليها الدور الكبير

فنرجو حسن اختيار أعضاء هيئة التدريس
و عدم استسهال الاختيار و الاقتناع بمن هم موجودين حتى لو كانوا غير أكفاء لمجرد عدم الرغبة في عقد مسابقات وظيفية عادلة, فالكثير للأسف ممن هم موجودين غير أكفاء أو على الأقل لا يرقوا للمستوى الذي نتمناه في الجامعة, فنرجو عدم تجديد عقد إلا من يستحق <<<<مسكينة مفتكرة صوتها مسموع

بالتوفيق