الــســنــة التحضيرية

[foofooo]

بــســم الله الرحمن الرحيم

أخواتي..محتاجة مساعدتكم

انا طالبة إتخرجت هاذي السنة من الثانوي وبسجل في جامعة الملك عبد العزيز للسنة التحضيرية مسار علمي أتمنى من الي درسوا في هاذا المسار العام يفيدوني لأن ابي اعرف كيف المواد وسهله ولا صعبه وكم كان معدلك الثانوي والقدرات واهم شيء اللغه لأني سامعه ان اغلب شيء انجليزي ومره خايفه بلييييز ردولي سريع ..

في انتظاركم..

[husseing]

باختصار شديد

تتحملين الاشاعات والعقبات اهلا وسهلا بك

من ناحية المواد سهلة جدا خاصة انها بالانجلش

[refo]

انا كان موزوني 81 وشي والسنه التحضيريه يبغالها اجتهاد ولو لغتك مو مره حاولي انك تحسنيها عشان اغلب الكتب بالانقليزي بس سهله الله يوفقك ولا تخافي ^_^

[طالب طب في المستقبل]

بصراحه اختي العزيزه اسهل سنه مرت عليه كانت التحضيري

والله تافهه جدا زي كلام حسين احلى شي فيها بالانجلش

اتمنى انك ماتستصعبين شي لانها نفس اللي في الثانوي بالزبط

اخوك طالب طب في المستقبل

[Keemo.91]

انا كانت نسبتي في الثانوي ٩٥
القدراات ٨٣
التحصيلي ٧٠

بصراااحه السنه التحضيريه مو ذيك الصعوبه لكن فيها لخبطه كثير بسسب الدكاتره

يعني اذا كان دكتورتك تمام وتشرح كويس بتاخذين درجات حلوه غير كذا صعبه

انا في السمستر الاول كان دكتورنا ما عنده سالفه وجبت العيد في الكيمياء

والاختبارات الدوريه يحطوها على حسب المزاج مره تجي صعبه ومره سهله

والسنه التحضيريه بشكل عام تقريبا سهله

والله يوفقك في اللي تبغيه

[almr7r7]

المختصر المفيد


أسهل سنه دراسيــــــــــــــهـ

[m.a.h-91]

اول شي احب اقولك اهلا وسهلا بيكي إن شاء الله ف الجامعة

نسبتي الثانوية 97

القدرات 80

تحصيلي 75

المواد نفس مواد 3 ثانوي ما تختلف غير اللغة نفس المواضيع وكل شي يعني قوي نفسك شوية بس ف اللغة وإن شاء الله مافي شي صعب

وزي ماقالو الاخوان انو الاشاعات كتيرة مرا لازم تتحملي

و ف الاخير اتمنى التوفيق لكل اللي حيدخلو السنة الجية

[foofooo]

تسلمووون إخواني على ردودكم الجملة والمفيدة ولكم جزيييل الشكر واتمنى منكم نصيحه ليه والي معايا الي ما يعرفون اي شيء في الإنجلش..

[Dam3at-Ala7lam]

مرره لاتاخدي بكلام الطلاب .. لأنو الاشاعات في الجامعه زي الرز

يعني ياتسمعي الكلام من الدكتوره نفسها يابلاش ..

والمواد مررره سهله .. بس الي ضيع اكتر الطلاب انو ماكانو يذاكرو اول بأول ..

ذاكري اول بأول وحترتاحي وحتجيبي 5 من 5 بإذن الله ..

بس اهم شي لا تتراكم عليكي ..

والله يوفقك : ) ,,

[مشمشانا]

أهم شي الاشاعات تطلع مليون اشاعة في الساعة فلا تديهم اذنك

بالنسبة للمواد سهلة و اعادة للي اخذتيه في الثنوي وبشكل ابسط
لو بتقارني الدروس بحقة الثنوي بتلاقي حقت الثنوي متعمقة مرة
بس طبعا كونها باللغة الانجلزية اللي عليكي تذاكري اول باول وما تاجلي
لانه حيكون صعب عليكي تجمعي كمية كبيرة من المصطلحات في ليلة الاختبار

غير كذا لا تسمعي لليقول صعبة و تعجزية و معقدة
السنة ذي كانت مشكلتها اللخبطة اللي حصلت
انا درسوني 4 دكاترة كيميا قبل ما يستقرو على وحدة
وكمان بسبب اللي سار مع السيول و تاخرت الدراسة كم يوم وزي كذا