انقبلت تمريض... مشورتكم

[strawberry18]

السلام عليكم
كيفكم يارب بخير
طبعا انقبلت تمريض وكانت رغبتي اسنان

عندي كم سؤال

مني عارفة ايش اعمل انا بسجل بام القرى عشان طب الاسنان بس شايلة هم الغربة رغم اني من جدة
هل ممكن اسجل هناك سنة وارجع احول ثاني على عزوز

ولو انقبلت هناك تنصحوني اروح ولا تمريض حلو>> مرة محتارة

ابغى اعرف كيف التمريض سهل ولا صعب ومستقبله كيف؟؟ ورواتبهم ؟
ماما تقولي لودخلتي معهد كان صرتي ممرضة وفي سنتين >>> زعلانة مني><
يعني هو في فرق في الشهادة والرواتب ووالمستقبل
انا اقول لماما اكيد في فرق بس مني عارفة كيف اقنعها>>> موعاجبها فكرة اني ممرضة

واسفة على الاطالة

[JuStice]

.

وعليكم السلام ورحمة الله وبركاته ,

مبروووك قبولك في الكلية (:

المعهد تتخرجي منه بـ دبلوم .. ومع برنامج التجسير خلال الثلاث سنوات القادمة ما راح يتم توظيف أصحاب الدبلومات لازم يكملوا دراستهم ,

بينما تتخرجي من كلية التمريض معاكِ بكالوريوس وبـ راتب ممتاز .. ونصيحة مني : لا تحولي أم القرى .. إذا كان التحويل من كليات طبية إلى كلية الطب بنفس الجامعة صعب ومحدود فما بالك من جامعة تانية ؟

إذا مررة تبغي طب أسنان اجلسي سنة في التمريض ارفعي معدلك التراكمي فوق 4.5 وحوّلي طب

مع إنك راح تنبسطي بالتمريض وتستمتعي بالدراسة فيه

موفقة إن شاء الله

.

[є7ѕαѕ σηtћά]

هلا اختي والله نفس اللي قالوا الاخ JuStice
اتوقع التحويل من ام القرى لعزوز صعب وكمان مو اكيد اذا تبغي تحولي ادرسي سنه وجيبي معدل عالي وان شاء الله تحولي ^_^

[rory55]

والله كأنك قاعدة تتكلمين عني....حالتي زيك انا كنت ابغى طب اسنان وبعدين دخلوني تمريض مع انه الفكرة مو عاجبتني بس قلت آخذ مواد ممكن يعادلونها ليا لو حولت طب ..الله يعننا.

[● ά7Ļά şùģάя ●]

وعليكم السلآم..
مبروك قبولك بكلية التمريض يآعسل =)

بالنسبة حبيبتي للتمريض
أغلب دفعة 09 بالتمريض إنقبلوآ فيه وهو مو رغبتهم لكن رضو فيه
ع أسآس يرفعو معدلآتهم ويحولو منه
و دحين أجزم لك إنو مآفي وحده منهم تبغى تحول منه كلنآ أقتنعنآ فيه وحبينآه

وبالنسبة للمعآهد مو بس للتمريض كمآن للأشعة والمختبر والعلآج
لكن الفرق بيننآ وبينهم إنو نحنآ بكآلريوس وهم دبلوم
نفرق عنهم بالشغل والروآتب
و وظآيف التمريض مآعليهآ كلآم مضمونه 100%
و روآتب التمريض مآعليهآ كلآم ولآتنسي البدلآت

وتخصصنآ قريب من جميع التخصصآت
بندرس تغذية << تخص قسم التغذية العلآجية
بندرس فآرمآ << تخص قسم الصيدلة
بندرس تمريض أطفال وجراحي وبآطني << تخص قسم الطب
وغيرهآ من الموآد إللي تخص التخصصآت التآنية
لأنو دورك كممرضة كبير يكفي إنك همزة وصل بين المريض وكل الطآقم الطبي وأقرب شخص للمريض

درآستنآ أبدن مو سهلة وتحتآج مذآكرة أول بأول
لكن ممتعة جدن وخصوصن يوم تدآومي بالمستشفى

والتحويل أفآدك فيه Justice
والله يكتب لك إللي فيه الخير

[strawberry18]

الله يبارك فيكم ^^
جزاكم الله خير مرة شكرا ^^
بس لحد الان محتارة وخايفة مني عارفة تعبت من التفكير
خايفة اروح واندم واجلس طول 6 سنين هناك عشان التحويل لهنا صعب صعب
وخايفة ماروح واتحسر بعدها اقول ياريتني رحت للي ابغاه
حتى من تمريض لطب صعب التحويل خايفة ما اجيب 4 ونص
وماما مو عاجبها التمريض
مني عارفة مرة خلاص محتارة
انا لو طلعت نتائج مكة باستخير واشوف ايش اعمل وقتها
دعواتكم

[Miss red]

والله انا نفس حالتك بس ممكن اعرف اش الوظائف المتوفره في هالتخصص يعني بس اسير ممرضه ؟؟؟؟

[strawberry18]

انا خلاص بعد تفكير طويل قررت اجلس ممرضة

بس حابة اسأل كم سؤال

دحين السنة الجية اعتبر ثانية تمريض مش اولى صح ؟؟
وكمان مثلا لوحولت طب ابدأ من جديد من اولى واقعد 7 سنوات غير السنتين الي راحت ولا كيف بالضبط ؟؟
بس اهم السؤالين الي براسي
والشكر لكل من ساعدني الله يوفقكم ^_^

[strawberry18]

وكمان سؤال معليش

صحبتي قاتلي اني لو كملت التمريض واخذا بعدين ماجستير اصير طب صح الكلام ولا ؟؟

واذا صح كم سنة الماجستير وايش اتخصص طب عام ولا كيف ؟؟

[● ά7Ļά şùģάя ●]

كتير بيسأل عن دي النقطة
يب يمديكي تصيري دكتورة لأنو زي مآقلت إنو التمريض أقرب قسم للطب
وهو إنك تكملي درآسآتك العليآ المآستر والدكتورآه في الطب وأعتقد حتتخرجي دكتورة عآمة
وعن مدة الدرآسة بين 4 إلى 5 سنوآت