اخيرا ..تخرجت-الحمدلله-

[صمت الفجر]

ماشاء الله تبارك الله =)

مبروووووك ليكي =)

انتِ دحين خلصتي السبع سنوات صح! اش شعورك واش الصعوبات اللي واجهتيها في حياتك بسبب دراسة الطب؟؟
وهل دراستك للطب عزلتك عن الناس وخلتك 24 ساعه ع الكتب؟؟
لو ناويه تكملي تخصص ان شاء الله فين راح تكمليه؟؟ سووري بس حبيت استفيد من خبرتك ^^
مبروووك مره تانيه =)

[dr.CILIA]

المشاركة الأصلية كتبت بواسطة صمت الفجر ماشاء الله تبارك الله =)

المشاركة الأصلية كتبت بواسطة صمت الفجر مبروووووك ليكي =) انتِ دحين خلصتي السبع سنوات صح! اش شعورك واش الصعوبات اللي واجهتيها في حياتك بسبب دراسة الطب؟؟ وهل دراستك للطب عزلتك عن الناس وخلتك 24 ساعه ع الكتب؟؟ لو ناويه تكملي تخصص ان شاء الله فين راح تكمليه؟؟ سووري بس حبيت استفيد من خبرتك ^^ مبروووك مره تانيه =)

الله يبارك فيك ويوفقك
انا خلصت سته سنوات وحأبدأ ان شاءالله بعد اسبوعين الامتياز
حكاية شعوري وبصراحه كدا خايفه جدا ماااعرف ليه
في اخر اختبار الدكتور قالي يالله يادكتوره اتوكلي على الله خلصتي الطب الله ينفع بيكي ويوفقك قمت بكيييييييت وبعدين جاتني نوبة فرح شديده وبعدها بدا الخوف والارق الى هذا اليوم وزاد الخوف بعد ماطلعت نتيجتي بصراحه ماعرف ليش بس كل مااسأل احد نفس المشاعر

اعطونا حل يادكاتره؟؟

ايش الصعوبات ماكان في ذيك الصعوبات هي اكثر كنت ضغوطات اكثر شي كان في اخر سنتين
سنه خامس ضغط جسدي ونفسي
سنه سادس ضغط عصبي شديد جدا
بس الحمدلله عدت على خير

الله ييسر لكم ويوفقكم



اما سالفة الانعزال دي مرره ماهي موجوده لاعندي ولاعند اي من زميلاتي وشرحت قبل كدا انه احنا مو معزولين قد حكاية انه مزنوقين في الوقت بس عادي حياتنا وامورنا ماشيه تمام بس اقل من الناس الطبيعيين بشويه..


طبعا ان شاءالله ناويه ولازم اكمل والله ييسر لأنه الطبيب العام مايأكل عيش بمعنى زي قلته عندنا في البلد الواحد لمن يمرض يبغى يروح عن اكبر دكتور مو عاد طبيب عام
حكاية فين والله هو الافضل في الخارج عشان المجال عندنا هنا ضيق يعني مو كل التخصصات متوفره وحتى المتوفر مو بكفاءة اللي في الخارج بس بالنسبة للتخصصات اللي هنا لو درستيها هنا كفايه وزياده على مستواك في بلدنا بمعنى في ناس درسوا في السعوديه بشكل بحت وصاروا استشاريين كبار ومايفرقوا ابدا عن اللي درسوا برا ويمكن اعلى في المناصب لأنهم خلصوا قبل واتوظفوا قبل فمراتبهم اعلى

الخلاصه العلم كله واحد من اي مكان لكن يعتمد على المتعلم نفسه قد ايش يبغى يتعلم وايش يبغى يصير

وانا عن نفسي ان شاءالله اذا ربي ييسر لي فرصه للخارج حأروح لانه اصلا التخصص اللي ابغاه ماهو هنا واذا مااتيسرت حأدرس هنا كم سنه الين تجيني الفرصه وبعدين اروح ادرس تخصصي

اسفه عالاطاله بس دي اجابه مختصره لأسئلتك ^_*
الله يوفقك في مسيرتك وينفع بيكِ وينور طريقك