سـعـودي وأفــــــتــــخـــــر...ويحق لي..

[Life as Game]

المشاركة الأصلية كتبت بواسطة سكووت اعتقد كلامي منطقي ومايحتاج توضيح اكثر طيب ونتغنى بالموجود ونفرح بشي بسيط زي كدا وموجود بكل مكان سواء الغيرة او غيرو ..

المشاركة الأصلية كتبت بواسطة سكووت اذا كنت شي فلازم تنقدو وتبين سلبياتو عشان يتعدل ويتحول للأفضل مو نمدح ونجامل عشان خاطر جواز اخضر لا اذا تحب بلدك عن جد واصيل تقبل السلبيات وحاول تعدلها ..وترا سلبيات البلد اكثر من ايجابياتها بصراحة ولازم نعرف السلبيات عشان نطورها للأفضل مو نصير زي النعامة اللي تدفن راسها او مجرد ناس تغنى للبلد لمجرد المجاملة واسم اني فخوورة بدون معرفة ليش انا فخورة

امممممم
لله در أناس يرفع لهم الكاب ..وبكل تعصب ارفع لك الكاب ..
كلمة الحق ليش نذل وما نقولها ..

عشان اثبت لكم انو الغيرة ما ماتت عندنا ..

انا السعودي اللي لما خرب حاجة في السيارة وانا مسافر ..ومريت على كهربائي ..قلت بالله شوف وش المشكلة ..
قال والله في واهد كبل انتا ,.روه كلم هوا ..ولما رحت عند السعودي الاخر قلت والله انا مسافر ..ووو
ابغى بس يشوف وش مشكلتي وبمشي ..
رد اخي السعودي قائلا : والله انا لي يومين هنا << طيب انا قلت بس يشوف المشكلة وبعدين انت مقيم مو مسافر ..لكن هي الغيرة على الدور

انا السعودي اللي دقيت على الشرطة الساعة 2 في الليل ..ويجي جيب الدورية لين حدي ويقول ..لازم تراجع القسم ..ولا حتى يقول انا اوديك ..واستاجرت ليموزين ذهابا وايابا ..

انا السعودي اللي يحقر فيا رجل المرور وهوا يديني القسيمة ..

انا السعودي اللي مسكوني 5 من افراد المرور وانواع الكلام والسب ..وتوصيل للقسم عشاني رميت القسيمة ,,وبلغوا عني بتهمة مقاومة <<يامسكين حتى جيبو مافيه ولاعة ..كيف يقاوم
الجدير بالاهتمام هوا انهم وصلوني للقسم مجانا لاني مجرم ,,
بس المرة الاولى مع اني مو مخطي ,,قال "دقها كعابي الله لايهينك " <<يعني ادا تبغى اهتمام صير مجرم

انا السعودي اللي مسجد في حارتنا ما يتكنس لو مرة في الشهر ..والامام ما يصلي بنا ,,بس المتبرعين

انا السعودي اللي لما اكون لابس ثوب واتوقف عشان اخد قسيمة ,.بعد ما يعرف الجندي انو انا ضابط ,,يتأسف ويشقق القسيمة ,,وتفضل للقهوة يا شنب ,,

انا السعودي اللي جيت اسأل اخوي السعودي الغيور اقول وين المكان ...ما اداني وجه كأني اشحدو فلوس ؟؟

انا السعودي لما بنتي او ولدي يفوتهم التسجيل في الجامعات وما يبقى على الدراسة غير يومين ..ادخلهم في ساعة وحدة ,,فقط لانني وآصــــــــــــــــــــــــــــــــــــــل < ينصر دينك يا شيخ ,

انا السعودي اللي قضيتي في المحكمة تاخد 3 سنوات على سبب اتفه من عين النملة ..

انا السعودي اللي لما تصير مظاربة في الشارع بين اتنين سعوديين اوقف واتفرج ..لاني غيور ويجب ان تنتهي المباراة بموت احد الطرفين او قدوم الشرطة ,..

انا السعودي اللي عشان اسجل براءة اختراع لازم اسدد رسوم سنوية ,,

انا السعودي اللي مدرستي مستأجرة من شقق مقروشة وفصلنا كان حمام ,,والسعوديين بكرامة

انا السعودي اللي تنظرب الخدامة المسكينة في بيتي لانها ما انجزت الشغل النموذجي..وتحرم من الراتب ايضا ,,
طبعا لاني غيور فالرسول صلى الله عليه وسلم قال :"إن الله يحب إذا عمل أحدكم عملا أن يتقنه." فمن باب الغيرة على الدين ظربتها ..

انا السعودي اللي قسيمتي تتضاعف و ذلك حرصا على السعودي لكي لايموت وعليه ديون ..

انا السعودي اللي لما يجي واحد من قبيلة اكرهها يتوظف في شركة انا مسئول فيها عن التوظيف ..اقول غير مؤهل ,, واوضف ولد قبيلتي مع انو ما يديرها

انا السعودي اللي ادا شوفت واحد مخالف للاقامة ..استغل الفرصة وانقلو من مكان لمكان بسعر باهض ,
انا السعودي اللي رجل الدين عندنا يفتي لنا عن جودة الزفلت ..<< ماشاء الله وصل من العلم مواصل الهندسة وتصاميم البيئة

واخر يفتي بإرضاع الكبير ..اضحك علينا الدول المجاورة والاديان الاخرى ..

انا السعودي اللي ينادي لقيادة المرأة للسيارة ,,ونسيت الاحياء الفقيرة ما ناديت لصلاحها ,,<<لان المرأة ثروة وطنية ومن باب الغيرة عليها كسعود ابغا يكون معاها سيارة عشان لا احد يتحرش فيها ..

انا السعودي اللي يقيم حفلات الفالنتاين ..و احارب بالصحف والاقلام كل من حرم الظاهرة دي ..

انا ..نعم انه انا ..السعودي وبكل فخر ,.
ومن قال اقلها لا تنكر اصلك ..اقول ياجميل(بدل حلو<<مراعاة للفصحى لاغير) اصلي مو سعودي ..دي بس جنسية ..
فلو اخدت جنسية بريطاني ..اخد على سعوديتي اجر مضاعف من سعوديتي البحتة ..
فتخيل معي بس مجرد تخيل ..كيف تكون معزز وكلمتك ماشي طبلونها عندما تكون جنسيتك جنسية كافرة ,,
لكن لا والف لا ..انا سعودي وافتخر..حتى لو لم يكن جوازي اهلاوي,,بل اتحادي او حتى هلالي..فإن الرسول كان سعودي ..
االلهم صلي وسلم عليك يا حبيبي محمد ..

نسيت اقول لكم جميع المواقف السابقة ماصارت ليا بس صارت لسعوديين تانين
وبما انو عندي غيرة فأنا نسبتها لنفسي زي سعود لما قال عن البنت هاديك انها اختو وترى
حتى المواقف السابقة انقزني منها سعود ولد حصة ,,ترى الغيرة عندنا حتى لو ضد العسكري,,
يعني لو مرة شرطي غلط عليك وظربك ..اعرف انو بقية المواطنين حيجوا ويدعسوه دعس ..
لان السعوديين غيورين و ما يرضوا الغلط ..

في النهاية شبابين وبناتات ..لا تصدقوا اي حرف من اللي قلتو , كلو كدب × كدب..لانكم تعرفوني اسرح في الخيال الواقعي كتير واصلح مؤلف قصص
ما تستبعدوا لو بعد ايام صرت افتي في الدين زي دا اللي يفتي في سماكة الزفلت << بس وقتها هفوني بالطفاية

ولا تنسى اذا ركلت من الخلف ..فأنت لم تعزز دفاعك وصببت جل همك لمصارعة طواحين الهواء
اوبس خربطت ..لو ركلت من الخلف مسلا اعرف انك راكب في المرتبة الامامية ..واخدت المكيف عليهم ..ودا يفسر سبب ركلهم لك ,,
فعجبا كم اهلكنا التعصب للغة الانجليزية حتى صرنا نقول:
"ألغة خير بها نَبْتُ العروبة والفصاحة..كفاكِ , فأنا متعصب للحظارة الغربية مما لحس موخي وارداني متعلمناً أمعه,لا احق حق ولا انكر باطل مجرد دمية موجهه"
^^
طبعا ما يحتاج تشكيل للكلمات ففاهمي هو ذاك الذي متعصب للغة العربية ,
هب على ذلك ايضا ..
لا تهب شيئا,, فقط اعجبتني كلمة هب ..فأحببت ان ادرجها.

[سكووت]

المشاركة الأصلية كتبت بواسطة life as game امممممم لله در أناس يرفع لهم الكاب ..وبكل تعصب ارفع لك الكاب .. كلمة الحق ليش نذل وما نقولها .. عشان اثبت لكم انو الغيرة ما ماتت عندنا .. اول ماشفت انك دخلت الموضوع قلت الله يستر ايش مهبب دا الادمي من يوم صلح لمبتو وفي شي مو طبيعي وتستخدم مصطلحات صعبة اوي اوي طلعت مو هين صراحة الجدير بالاهتمام هوا انهم وصلوني للقسم مجانا لاني مجرم ,, بس المرة الاولى مع اني مو مخطي ,,قال "دقها كعابي الله لايهينك " <<يعني ادا تبغى اهتمام صير مجرم خخخخخخخخخ انا السعودي لما بنتي او ولدي يفوتهم التسجيل في الجامعات وما يبقى على الدراسة غير يومين ..ادخلهم في ساعة وحدة ,,فقط لانني وآصــــــــــــــــــــــــــــــــــــــل < ينصر دينك يا شيخ ,

وانا بنفسي اعرف بنت راحت مع اهلها تصيف في سوريا وماسجلت حتى بالنت ورجعت بعد توزيع جداول التحضيري ..المهم انو عشان تعرف واسطة تسجلت زي الحلوووين .. مع انها صاحبتي وصاحبة اختي بس قهرررني دا الشي مرة مرة

[Life as Game]

المشاركة الأصلية كتبت بواسطة سكووت اول ماشفت انك دخلت الموضوع قلت الله يستر ايش مهبب دا الادمي من يوم صلح لمبتو وفي شي مو طبيعي وتستخدم مصطلحات صعبة اوي اوي طلعت مو هين صراحة وانا بنفسي اعرف بنت راحت مع اهلها تصيف في سوريا وماسجلت حتى بالنت ورجعت بعد توزيع جداول التحضيري ..المهم انو عشان تعرف واسطة تسجلت زي الحلوووين .. مع انها صاحبتي وصاحبة اختي بس قهرررني دا الشي مرة مرة

اكيد من لما صلحت اللمبة صرت اشوف المواضيع ..تمام ..
وازيدك كمان دوبي صلحت نظارتي ..كان ليها كم اسبوع مكسورة وما فيا حيل اروح اوديها ..
يعني دحين الخير خيرين اللمبة والنظارة


بس يا بت بلاش حسد ..احنا سعوديين عشان كدا ..انتي ماعندك غيرة
عادي لو مسلا اخونا السعودي راح باريس يتمشى او سوريا ..ومافيلو حيل يسجل بناتو قبل ما يسافر ..
مافيها شي انو يسجل بناتو قبل الدراسة بيوم..وكمان نزيد لهم المكافأة ..لانهم مساكين دوبهم جايين من سوريا اكيد تعبانين من السفر ..
اما السعودي المجتهد اللي قضى صيفيتو يطارد في الجامعات ..
مو لازم يصرف لو مكافأة لانو مجتهد ومغترب وراح يجيب احسن منها بطريقتو ..
سواء بيع حبوب..(اقصد بندول)..او تهريب اسلحة بيضاء(يعني يبيع سكاكين فقط ) فهوا يبقى مجتهد وما يحتاج مكافأتو و نديها للبنات دولا اللي جايين من السفر تعبانين..
وبنفس الوقت الشرطة يقبضوا عليه ويثبتوا للناس اننا في امن وامان ..
^^
يااا الله شوفتي كيف نظام التكافل السعودي ؟؟ سبحان الله كأنهم بنيان مرصوص ..<<ويلومننا لما نفتخر بأننا سعوديين..

وكمان لما نجيب سياميين من الخارج ونفصلهم عن بعض عندنا في السعودية ..يعتبر من الايثار على النفس ..
ونلقى مكتوب تبرع ..لمرضى الكلى برسالة ..فدا يعني اننا ما نترك اخواننا المرضى السعوديين ..
بس يجب علينا تفضيل ابناء الخارج فالاسلام امر بالايثار على النفس حتى لو كان كافر ..اثره على نفسك عشان يسلم ..
اما سالفة الاقربون اولى بالمعروف <<اتوقع انو الحديث ضعيف ..<<قام يفتي هفوه بطفاية
اوبس التعصب للسعوديين ..خلاني اتحمس ..سوري
الموهيم
حقا وبكل فخر..فهذه صفات السعوديين ..من الغيرة الى الايثار على النفس ولو بها خصاصة ,,<<عجبي لمن لا يفخر بسعوديته ..
صحيح يا بت ..قريت واحد من الردود يقول لون جوازك اخضر ..طيب كيف اعرف لون جوازي ؟؟
ممكن يكون لونو اتحادي .؟؟بلييز بلييييز لان الاتي نادي الوطن

[مراد الجنيد]

بدل ماكل واحد يهين في الشعب والوطن ليش ماتغير من نفسك وتكون سبب في نهضة الوطن انتل من تحقر شعب

لا تنسى انك منتمي له وعايش بخيره .
. احزن على وجود مواطنين بتفكيركم

(وفاء جدة ) كـثر الله خيرك عالموضوع

[سكووت]

مراد انا فقط وضحت نقاط من وجهة نظري تعتبر اهم واتمنى النظر فيها
بدل التغني على الفاضي وتكرار ما ذكر في نص الموضوع ..وتقدر تراجع ردودي في بداية الصفحات ..مع احترامي لصاحبة الموضوع وفاء جدة ..وتحياتي

[مراد الجنيد]

المشاركة الأصلية كتبت بواسطة سكووت مراد انا فقط وضحت نقاط من وجهة نظري تعتبر اهم واتمنى النظر فيها بدل التغني على الفاضي وتكرار ما ذكر في نص الموضوع ..وتقدر تراجع ردودي في بداية الصفحات ..مع احترامي لصاحبة الموضوع وفاء جدة ..وتحياتي

اهلا ســكوت كلامك صحيح ولا غبار عليه بس

صدقيني الانتقاد الي مامنه فائدة دا اسلوب سلبي كوني من المؤثرين واعملي شيئ بلدك يتذكرك فيه

احترامي

[وفاء جدة]

شكرآآآآ لكم جميعاً...

تذكروا قول الله تعالى "ومايلفظ من قول ٍ إلا لديه رقيبٌ عتيد"