بخصوص مواد السنة التحضيرية

[Maz.java]

المشاركة الأصلية كتبت بواسطة عميد الطلاب إنت تقول إنك درست في جامعة قبل كذا .. طيب المواد اللي درستها في شي يعادلها في التحضيري؟ إذا في شي يعادلها ودرجاتك فيه فوق 70 تقدر تعادلها وبالنسبة للإنجليزي لو عندك توفل فوق 500 يتعادلك وترتاح منه وبالنسبة للحاسب يتعادل بالرخصة الدولية

انا درست في جامعة قبل كدا, وكان عندنا مادتين إنقلش في التحضيري, ومكان ما درست كانو بداية السنة يسوو إختبار انقليزي بحيث إنو اللي انقليزيتو تمام ما يحتاج ياخد الكورس الأول او حتى التاني حسب مستواه..
فـ من بداية السنة اخدت الاختبار وعديتها الاتنين ما درستها, يعني ما عندي فيها درجة
مكتوبة في الترانسكربت NP = No grade Pass
وباقي المواد ما اعتقد تتعادل مرة
لكن انا سؤالي يهمني لإني ابغا اقصر سنين الدراسة, وما يفرق معايا المعدل ان شالله مرفوع

معليش قرفتك بكلامي لكن مشي حالك كلو بأجروو الله يعطيك العاااافية :D

المشاركة الأصلية كتبت بواسطة Kaira طبعا لو عادلت المواد زي الانجلش والحاسب حيبقى جدولك فاضي ومخلخل على قولتك ^^ ماينفع تآخد مواد الي بعد الفريشمان ..

:( :( :( :( :( .. متأكدة من الشي دا؟

تسلمييييلي ومعليش متعبك

...

الله يسعدكم :)

[عميد الطلاب]

المشاركة الأصلية كتبت بواسطة loka lazooz انا درست في جامعة قبل كدا, وكان عندنا مادتين إنقلش في التحضيري, ومكان ما درست كانو بداية السنة يسوو إختبار انقليزي بحيث إنو اللي انقليزيتو تمام ما يحتاج ياخد الكورس الأول او حتى التاني حسب مستواه.. فـ من بداية السنة اخدت الاختبار وعديتها الاتنين ما درستها, يعني ما عندي فيها درجة مكتوبة في الترانسكربت np = no grade pass وباقي المواد ما اعتقد تتعادل مرة لكن انا سؤالي يهمني لإني ابغا اقصر سنين الدراسة, وما يفرق معايا المعدل ان شالله مرفوع معليش قرفتك بكلامي لكن مشي حالك كلو بأجروو الله يعطيك العاااافية :d

الفايدة الوحيدة للمعادلة إنك تتخلص من المادة ويصير معاك وقت تركز على باقي المواد
غير كذا ما تستفيد شي لأنك ما تقدر تاخذ مواد إضافية قبل التخصص

[ترنيمة عشق]

شدني مرا الموضوع..اذا ممكن استفسر ع موضوع اني اعادل المواد
انا عندي شهاده من المعهد البرطاني كنت فيه لين المستوى السادس,وانا دحين بالسنه التحضيريه ادرس انقلش المستوى الثالث ينفع اعادل بالشهاده الي معايا من المعهد البرطاني؟ بليز الي يعرف يردلي