خطة أ في الشرفية

[jojaya]

السلام عليكم

اول شي مبرووووووك للي انقبلو في الجامعة


ثاني شي انا قبلوني اليوم خطة أ

ولما فتحت الجدول نزلت 3 (فيز-ريض-انجليز)

عادي ولا لا..


ايوة وبطاقة الصراف كيف تسوونها ؟؟؟؟

مافهمت منها شي

أرجو المساعدة

[jojaya]

مافي احد خطة أ

[CrEaTiVe4ever]

وعليكم السلام ورحمة الله وبركاته

الله يبارك فيك هع <<اش دخلك .. خخ داخلة عرض
ياحبيبتي كلكم في الجامعة دحين اجل اذا ماكنتو في الجامعة حتكونو فين في الكلية هع <<فلسفة ..

لا بس خصصو مبنى خاص بالتحضيري اللي هوا في الشرفية <<قلك جبتي شيء جديد ..

المهم نبدأ جد خلاص هبل ..

احم احم ..

والله ياعسل ماحبيت امر بدون رد اولا
وثانياً عشان حابة اقلك كم شغلة على اسئلتك ..

بالنسبة للجدول عادي حينزلك ان شاء الله كامل ع بداية السنة ..

والبطاقة حينزلو جدول بداية الترم اول اسبوع او تاني اسبوع في الأرقام الجامعية والموعد المحدد لكل رقم ..

مثلا من رقم 1303666 إلى رقم 1303666 <<مثلا يعني ..

موعدهم يوم السبت الموافق 12-11
وتروحي سامبا اللي في السلمانية معاكي صورة من بطاقة الهوية وبطاقتك الجامعية وكم شيء والله ناسية بس اعتقد هادي هية الاوراق بس المهم تروحي يعطوكي هيا وانتهينا :) ..

آسفة ع اللقافة لأني من السنة اللي قبلكم ..
أتمنى أكون أفدتك لو بالقليل ..

see ya

[jojaya]

مشكووووووووووووووووووووورة على الافادة ريحتي قليبي خخخخخخخخ انقلبت عجوزة

وتشكرات

[CrEaTiVe4ever]

المشاركة الأصلية كتبت بواسطة jojaya مشكووووووووووووووووووووورة على الافادة ريحتي قليبي خخخخخخخخ انقلبت عجوزة وتشكرات

عففففففففففففففففواً ع التشكرررررررررررررررات

وماسوينا الا الواجب ..

الله يريحك قليبك دووووووووووووومز ..

خخخخ سلامتك من العجز ..

see ya

[••Cute Girl]

jojaya

انتي مسجله بمنتدى يزيد..؟؟

=)

[وهم الاموووره]

وانا كمان خطه أ وثلاث مواد
فيزياء عامه
رياضيات عامه
انجليزي1

[jojaya]

cute girl

يب :)

وانا عارفتك مين انتي

ان شاء الله اقابلكم في الكلية :)

[Haioof]

أنا خطة أ ونزلت لي مادة الفيزياء ومهارات الحاسب ومهارات الاتصال والانجليزي
...........................
س : افتح لي حساب في الاخلي ولا الراجحي ولا سامبا ولا ايش ؟؟؟؟

انا بافتح لي حساب بكرة ان شاء الله .. صح كذا ؟؟

[CrEaTiVe4ever]

المشاركة الأصلية كتبت بواسطة haioof أنا خطة أ ونزلت لي مادة الفيزياء ومهارات الحاسب ومهارات الاتصال والانجليزي ........................... س : افتح لي حساب في الاخلي ولا الراجحي ولا سامبا ولا ايش ؟؟؟؟ انا بافتح لي حساب بكرة ان شاء الله .. صح كذا ؟؟

السلام عليكم

لا موصح .. لأن الجامعة متعاملة مع بنك سامبا فقط ..

وغير كذا هي بطاقة الصراف بس صرف من الصراف يعني مافيها خدمات زي فيزا وكدا ..
وبالرقم الجامعي تفتحي على أساسو حساب فكيف باللهي لو فتحتي حساب في بنك تاني كيف حتحولك الجامعة مكافئتك !!

هذا والله أعلم ..

أسألي قبل ماتتسرعي ..

أتمنى أكون أفدتك ..

تشــــــــاو :)