انا جديدة في المنتدى واريد من المشرفين على القسم والاعضاء الرد

[جداويه بطله]

يا دكتورة المستقبل
عندي لكي كم نقطه وأتمنى تنفعك
صحيح اني متخرجه ادبي ومالي في العلمي نهائيآ
بس ماشاء الله تبارك الله انتي علمي وطموحك الطب والله يوفقك يارب
شوفي يا اختي واسمحيلي اخد راحتي في الكلام
بس اتأكدي انو ماليا منو اي مصلحه الا دعوه طيبه لو حبيتي :)
لا يمكن لشخص ينعت نفسه بالفشل وينجح الا فيما ندر ( يعني تساهيل )
في قصه (- الأخت حتسير حكاواتي لووول
الموهم .. في واحد كــان زي العسل ومافيه اي شي
لكن كل ما قابل اصحابو قالو لو انتا مجنون - يا شيخ روح انتا مفلسع - انتا مخك فاضي... الخ من هدي الأوصاف
نفس الشي في البيت يا مجنون يا مجنون المجنون خرج المجنون جا والولد مافيلو شي ابدآ عااااااااقل
النهايه سار مجنون فعلآ ..
الموضوع ومافيه .. لو انتي استمر الوضع معاكي وسمعتي من هدا ومن هدي انو صعبه وووووالخ صدقيني ما حتتقدمي خطوه وحده ..
لكن مو معناتو تهمــــــــلي وتقولي سهله واكيد راح اعدي البنت الفلانيه ما تذاكر ونجحت لا لا لا
اعطي كل شي حقو .. قدمي كل اللي تقدري عليه من جهد واتوكلي على الله واتركي الباقي على ربنا..
مافي شي في الدنـيا سهل ( الا الكدب ) كل شي لازم تتعبي فيه حتى لو شويا
وانتي هدفك مو حيا الله هدف هدفك ما شاء الله تبارك الرحمن هدف كبيروكتيريتمنو يكونو مكانك
شدي حيلك واتوكلي على الله وحـــــــده .. لا تسمحي لأي شي يوقف قدام طموحك والكلام اللي تسمعيه ان كان حسيتي انو بيرفع من معنوياتك اتمسكي فيه واللي بيحبطك حطيه تحت رجولك زي السلم عشان توصلي للقمه..
وتذكري هدا البيت لأنو بيحفزني كتير ( لا تحسب المجد تمرآ انت آكله ..لن تبلغ المجد حتى تلعق الصبرآ )
معليش طوووووولت مره بس والله حاسه بيكي ومره مو حابه تتأثري باللي حولك
والله يوفقك وييسرلك اموووووورك
يا دكتوره
.,.