(كيف أرتب جدولي)؟؟ إكتبي الموآد والبنآت يرتبولك حسب خبرتهم..

[nour al3mr]

يسعدلي قلبك حنين ..
والله ماقصــــرتي ..
مصدر فخر للقسم ربي يثيبك ومايحرمك الأجــــــــر ..
ويوفقك في الدارين ..

::~
بس شفت التــرتيب ..
عنجد حسيته ضغط ..

المشكــــلة مو ضامنه حالي إذا بأقـدر أزيد ترم أو لا ..
......

أخـاف أضغط نفسي وأخبص المــواد وما استفيد شيء ..

::~

طيب الريسيرررش مع أ/ إيمــــــان مو حابة آخـذ عندها ..
وفكــرت آجل الكـورس ..
ايش رايك؟

::~
والدرامـــا كيف منهجها ..؟؟

::~

تعرفي مشكلتي أكــره الحفظ واتعب منه ..
أحب الفهم ..
فالمواد كيف بتكون منوعه بين الاثنين ولا كلها حفظ...؟؟


وربي يعينك عليـــــــــا ^^

[حنين الود]

^
^
ليه مو حآبه تآخدي الريسيرتش مع إيمآن ؟ وليه حآبه تأخريه ؟
كمآنه مو كل البنات الي يضغطوآ نفسهم يخبصوآ بالعكس فيه بنآت يشدوآ حيلهم ويجيبوآ درجآت بالمررره كويسه عشآن بيذآكروآ ويحسوآ نفسهم مضغوطين وبنآت يآخدوآ موآد قليله ويستهونوآ ويجيبوآ درجآت بطآله ..لآتحكمي ..لو مجتهده وعندك إستعداد ماتستهوني وتتركي كل الدروس لنهآيه الترم ..خدي 6 موآد ....والدرآمآ شوفتي الأدب الدرآمآ زيو يعني الشخصيات والكوتيشن والأشيآء التآنية دي كلهآ ..

[nour al3mr]

والله في الدراســـه ابذل جهدي الحمد لله ..
وحابه آخذ 6 و أغلق ...

مع ابغى معاها لانه تجربت البنات ماتبشـــر ..
وجربتها في الريدنج ..
المـــــس من اخلاق ماعليه كلام..
بس من الشـرح ..
احسه مو منظم او واضح ..

وأنا اللي يحوسني أضيع معاه ...

::~
طيب حنونه اتذكر مس أبرار لما اخذت اللينقويستك قالت السوسيو ننصح البنات يآخذوه اخر شيء ..
بس ناسيه السبب والله ..

كلامها صح؟

[حنين الود]

لأ طبعآ مآلو شغل آخر ترم أول ترم كلو مايفرق ..لأنو من أصله ماله علاقه بأي ماده تانيه إلا متطلب مقدمة في اللغويات .. وللمعلومية دكتورة عزيزه ..لآزم طالبآت السيمنار التخرج عندهآ لآزم يكونوآ مخلصين السوسيو ..

[dedo11]

انا لسا حدخل على المستوى السادس وخطتني هي ماابغا اخد ترم اضافي ابغا اخلص واتخرج بدري فحضطر اني في المستوى السابع والثامن اخد 6 مواد وانا غالبا اخد 5
باذن الله حاخد الترم دا نحو وصرف وسيرة ورواية وصوتيات واحيانا افكر اقول
نحو وصرف ورواية وصوتيات وعلم اصوات ماادري ليه بس الاوقات يتضاربوا معايا شوي
خطتي للمستوى السابع ان شاء الله

حلقة في اللغويات

اللغويات الاجتماعية

شيكسبير

مودرن

مادة حرة

تدريب عملي

المستوى الثامن

ادارة عامة

نقد

شعر

تدريب عملي لغويات تطبيقية

علم الدلالة
وفي الصيفي باذن الله ان ربي احياني اخد تدريب 2 والمسرحية وربنا يعيننا ماشاء الله تبارك الله
الزبدةماابغا اقعد كمان ترم زيادة عن الخطة والله الموفق

[الصريحه]

يااابعدي يااانور والله شكلك مضطره .,,

انا اقولك رأيي وترااه دردشه ..مو محبوك ولا مدروس ..وانتي ورأيك..
شوفي..
شدي حيلك وابدأي الترم هذا بست مواد ..
وافتري في المذاكره خليك متوحشه ..خخخ

واذا حسيتي انه معدل نجاحك على الحافه وانه المعدل انهز شويا ..
غيري خطتك من الترم اللي بعده ..ونقصي من المواد .,,
واذا تماام كملي عليه..
.....

او

ابدئي بخمسه مواد واذا حسيتي نفسك انه ممكن تكون فيه ماده سادسه وانك قادره عليها ..
ابدئي الترم اللي بعده بست مواد ..هذا والله واعلم..

[حنين الود]

المشاركة الأصلية كتبت بواسطة dedo11 باذن الله حاخد الترم دا نحو وصرف وسيرة ورواية وصوتيات واحيانا افكر اقول نحو وصرف ورواية وصوتيات وعلم اصوات ماادري ليه بس الاوقات يتضاربوا معايا شوي خطتي للمستوى السابع ان شاء الله حلقة في اللغويات اللغويات الاجتماعية شيكسبير مودرن مادة حرة تدريب عملي المستوى الثامن ادارة عامة نقد شعر تدريب عملي لغويات تطبيقية علم الدلالة وفي الصيفي باذن الله ان ربي احياني اخد تدريب 2 والمسرحية وربنا يعيننا ماشاء الله تبارك الله الزبدةماابغا اقعد كمان ترم زيادة عن الخطة والله الموفق

ترتيبك فيه أخطاء كتير ..أولا لازم تاخدي المسرحية قبل كل شي لأنها متطلب لشكسبير ..
ماتقدري تآخدي حلقة بحث في اللغويآت إلا لما تكوني تخرج زي البراكتيكم 2
حرتبلك الجدول من أول وجديد ورديلي لو عندك ملاحظات او مو عاجبك نعدل عليه
الترم السادس
نحو وصرف وفونتكس ودراااااااما وسيرة نبوية وأبلاااااااايد
الترم السابع
فونولوجي سيمانتكس فكشن وسوسيو وبراكتيكم1 وبويتري
الترم الثامن
نقد و فري كورس ومودرن وإداره عامه وبراكتيكم 2 وشكسبير
الترم الصيفي
تآخدي سيمنآر وأي مآده مثلا تحذفيهآ من الأترام الي فوق تخليها مع الصيفي أهم حاجه مو دراما ممكن نقد أو غيرها فكري ورديلي ..
وسامحييييني طفشتك عشان تعدلي الخطه إنتي ونور بس والله لمصلحتكم و أي مساعده محتاجتها وقت الحذف والإضافه أنا موجوده أضيفلك الموآد ع النت وبرضو أول أيآم حكون موجوده إن شاء الله ..لو إحتجتي حاجه قوليلي ..
الموآد الي باللون الأحمر وتحتها خط ضروووري تآخديها الترم الجي ..
والموآد الي باللون الأخضر سهلة والي بالوون الرمادي يبغالها حففففففظ

[&..طموحي كبيـر..&]

طيب يابنات ممكن تساعدوني بترتيب جدولي
أنا باقيلي 11 ماده و أبغى أنزلها على ترمين
هاذي موادي

phonology
semantics
seminar
sociolinguistic
drama
Shakespeare
poetry
modern
criticism
practicum 1+

2

[حنين الود]

المشاركة الأصلية كتبت بواسطة &..طموحي كبيـر..& طيب يابنات ممكن تساعدوني بترتيب جدولي أنا باقيلي 11 ماده و أبغى أنزلها على ترمين هاذي موادي phonology semantics seminar sociolinguistic drama shakespeare poetry modern criticism practicum 1+ 2

براكتيكم 1 كريتيسيزم دراما فونولوجي سوسيو
براكتيكم 2 شكسبير سيمنار مودرن سيمانتكس بويتري
حطيتلك هيآ السهلة أول بعدين ترم التخرج كله صعب لأنه ترم التخرج المعدل مايتغير كتير ..
الموآد السهلة حتكون فرصه ترفعععععي المعدل بالمره بس الكريتيسيزم شدي حيلك فيه من دحين ..أي مسآعده أنآ حآضرة ..


ديدوووو نسيت أحط على الفونولوجي لون أخضر بمآ إنو بالمره سههههل ..

[E M A N]

طيّب إيش رآيكُم لو كآن جدولي الترم الجآي
سُوسيو ، أبلآيد ، برآكتكم ، فونولوجي ، فكشن ،


و بأضيف معآهم وحده من ذي الموآد
شكسبير سيمانتكس بويتري

والأفضل تكُون مآده أدبيّه عشآن أوآزن بينبهآ وبين اللغويّات
بعدين معقُوله البويتري يبغآلو حفظ ؟ يعني مو زي سيآسة البُويمز
اللي درسنآها في اللترتشر المُهم التكنيك وابآقي شرح !
.
.
:)