اللي متوقع تخــرجه هل لابد عليه فعل هذا ؟؟؟

[د/كيف]

السلام عليكم ورحمة الله وبركاته

كل عامـ وانتم بـ 1000 خير

سؤالي يا أعزائي

انا سمعت ان اللي متوقع تخرجه مثلا" الترمـ القادمـ لازم يروح لكليته ويخبرهمـ بهالشيء

عشان يغيرونه الى متوقع تخرجــه ؟؟

ياليت اللي عندهـ خبر عن هالنقطه يفيدنا وجزاهـ الله خير


وهل هي لازمـ والا لا !!



ووفقكمـ الله وفالكمـ ++

[ياهوووووه]

صحيح وانا اخوك

تعبئة إستمارة التخرج قبل الترم الأخير عن طريق مشرف الإنتساب إذا انت منتسب

ويحق لك تعبئة الإستمارة بعد تجاوز 105 ساعات

وبعد تعبئة الإستمارة ستتغير حالتك الدراسية في الأوديوس إلى

متوقع تخرجه

تحياتي

[د/كيف]

المشاركة الأصلية كتبت بواسطة ياهوووووه صحيح وانا اخوك تعبئة إستمارة التخرج قبل الترم الأخير عن طريق مشرف الإنتساب إذا انت منتسب ويحق لك تعبئة الإستمارة بعد تجاوز 105 ساعات وبعد تعبئة الإستمارة ستتغير حالتك الدراسية في الأوديوس إلى متوقع تخرجه تحياتي

يشرفني ويسعدني مرووركـ يالغالي

يعني ضروري لازم نجيهمـ

والا عادي عن طريق معامله او ماشابه ذلكـ

ياليت الرد لأن ماعندنا الا اليوم وبنمشي ؟

كل الشكــر ياهــوووهـ

[ياهوووووه]

شف وانا اخوك

هو ضروري إنكم تجيهم

لكن إنتبه إذا الساعات المكتسبة الآن في الأوديوس عندك فوق ال 105 من غير المواد المسجلة للفصل الصيفي

راجعهم وما راح تطول وأنت تسوي الإستمارة

أما إذا راح تتجاوز ال 105 بعد ترصيد درجات الفصل هذا

فلا تراجعهم الآن لأن ما راح يسمحون لك بتعبئة الإستمارة إلا بعد الترصيد

وفي حالة ثانية ممكن ما تحتاج إنكم تجيهم اللي هي ترسل واحد ينوب عنك ويعبئ الإستمارة لكن بشرط

إنك ترسل واحد تكانة ويحاول فيهم ويوضح صعوبة جيتك وإنك مكلفة يعبي الإستمارة بدلاً عنك بناء على ظروفك

وهذي تعتمد على اللي بترسلة وعلى الموظف اللي بيقابله هل بيتعاون معاه او لا


انا عن نفسي الفصل هذا هو الفصل الأخير

وتم تعبئة الإستمارة أثناء قدوم أحد الزملاء للجامعة عشان يأخذ وثيقة خرجة الترم اللي فات

وما قصر حاول فيهم الين وافقوا إنه يعبيها بدلاً من حضوري

أما من ناحية معاملة ألكترونية فلا ما تقبل تعبئة الإستمارة عن طريقها

بالتوفيق

والشرف لنا طال عمرك

[د/كيف]

فديت خشمك

التكانات ماظنتي انهمـ واجد هالايام :)

< وجهة نظــر تخصني :)

انا تعديت 105 من الترمـ اللي فات وعقب ردك الوافي ياوافي

اليوم الظــهر وانا عندهم باذن الله مع ان وراي مشــواريقطع الظهــر

لكن الله يعيين


لاهنت وبيض الله وجهك

[ياهوووووه]

المشاركة الأصلية كتبت بواسطة د/كيف فديت خشمك التكانات ماظنتي انهمـ واجد هالايام :) < وجهة نظــر تخصني :) انا تعديت 105 من الترمـ اللي فات وعقب ردك الوافي ياوافي اليوم الظــهر وانا عندهم باذن الله مع ان وراي مشــواريقطع الظهــر لكن الله يعيين لاهنت وبيض الله وجهك

فداك اللاش يابطل

لا من ناحيتي أبشرك اغلب ربعي تكانات يالله لك الحمد

وبالتوفيق يالذيب والله يسمح دربك وإنتبه وأنا اخوك لا تستعجل في الطريق ترى الركادة زينة

وما يمنع إنك تريح في الطريق كل مطرود ملحوق

وجهك أبيض ولا تهون

فمان الله ابرقد الحين عشان اقوم مستعد لإختبار تقييم البرامج الحكومية " آخر إختبار بحول الله في هالجامعة"

[د/كيف]

الله يوفقكـ

وتخرج باذن الله بعد اختبار اليومـ

ونوم الهنــا ,

[طال غيابك]

اخواني لو سمحتوا
عدد الساعات 105
الساعات المسجله
او الساعات المكتسبه لانو في فرررق
ياليت تساعدوناا لاني الترم الجاي ان شاء الله بيكون عدد الساعات المسجله عندي اكثر من 105
بس الساعات المكتسبه عندي اقل بكثيررر
مادري اقدر اسجل متوقع تخرجه ولا لا عشان اقدر انزل مواد اكثر
وشكرآآآآآآآآآآآ

[albader]

افا يعني لازم نروح لهم .. يعني الاختبارات ويالله متحملينهم .. تيب عاتي تقدر تسويه وقت الاختبار ولا وشلون .؟

[ياهوووووه]

يا شباب

استمارة متوقع تخرجة

تتسجل بعد ما تترصد الدرجات ويكون الساعات المكتسبة لديك فوق ال 105 ساعات

المكتسبة وليست المسجلة

يعني ما تقدر تعبئ الإستمارة إلا إذا شفت في موقع الأوديوس الساعات المكتسبة 105

بالتوفيق يا شباب