الدكتور طلال مسلط الشريف

[نظرية التنظيم]

ادعوله بالهدايه .. دكتور لا مبالي ممكن تنجح عنده وانت لا تستحق .. وممكن ترسب وانت لا تستحق ايضا ً.

[][_ غــــــيــــــر _ ][]

الله يهديه ويكفينا شره وأذاه

[النازي]

السلام عليكم ورحمة الله وبركاته

ياشباب يشهد الله أني ما ودي أخوفكم , لكن للتحذير فقط
أنا الترم الجاي خريج إن شاء الله والله العظيم أسوء إختبار وأغرب إختبار عند هذا الدكتور الله يهديه
إختبرت المادة عندة الترم الي فات .
جاب تقريباً 7 أسئلة تواريخ أرقام . تخيلوا مين يحفظ أرقام التواريخ . خاصة إننا طلاب جامعة وإنتساب بعد , مش ثالث متوسط
جاب أسئلة متشابة جداً بالنص يعني لازم تحفظ صم وتخلي مخك زي الطابعة .
ركز على أخر شي الي هو بحث لطالبة إسمها بلقيس أظن , مع أنه ما يخطر على بال الطالب إن الدكتور يركز عليه .
أسلوبة بالعربي سقيييييييييييم , بعد ما تعودنا من الدكاترة الباقين الافاضل أنك كطالب جامعي شغل مخك وأفهم
يجيك دكتور ويقلب الطاولة ويطلب منك تسوي قص ولزق بالنص

أرجع وأقول أسف على الكلام الي راح

لكن يشهد الله لمصلحتكم .
الحذر ثم الحذر ثم الحذر

بالتوفيـــــــــــــــــــــــــــــــــــــــــــ ــــــــــــق

[جاوبني]

أرجو من الأخوة الكرام تقدير الدكاترة حتى وإن أختلف معهم أو أعتقد أنهم سبب حمله للمادة وأخص الدكتور /طلال الشريف فهذا الدكتور نظرة إلى سجله العلمي تجعلك تكن لها الإحترام والتقدير لذا أرجو عدم الإساة لجميع الدكاترة مهما أختلافنا معهم وقبل كل شيء إذا أحسست أن الدكتور لم ينصفك لاتنسى أن هناك ساعات مكتبية تحدث معهم من خلال أوقات فراغهم و إنشا الله تجد ما يسرك أما نردد كلام ناس لم نعرف إسلوب تعاملهم مع الدكاترة ونقف بجانبهم وفي المقابل نذم الدكاترة فهذا مرفوض جملة وتفصيلا. ملاحظة ليس لي علاقة مع أي دكتور حتى أدافع عنه علماً أني أتشرف بهم وبعلمهم

[عبدالسلام البراك]

يا شباب على هونكم , نصف المذاكرة والحل في الامتحان نفسي بحت , ليه الواحد منا يشحن نفسه بعدين كل طالب فينا حالة مستقله عن الآخر وكذلك كل فصل دراسي مستقل عن الآخر يا شباب على رسلكم وتوكلوا على الله , كنا في كثير من الامتحانات الماضية مثلاً بمادة نظرية التنظيم والخدمة المدنية والقانون الاداري وغيرها الكثير , يكتب بعض الطلاب هداهم الله ما يشحن نفوسنا ويصيبنا الخوف من المادة وهو صحيح اجتهاد لكن يجب مراعاة الآخرين والكلام بعقل ولا ينظر الطالب الى غيره بعين ظروفه ومستواه وطريقة مذاكرته فالطلاب مختلفون في كل شيء يا أخي فيه طلاب لا يذاكر الا من الملخص والملخص وريقات يعني آي كلام ثم يدخل الامتحان يخبط فيه ويخرج ينقل صورة قاتمة للطلاب عن الامتحان وكأنه ظلم فيه .
توكلوا على الله ومن يتوكل على الله فهو حسبه .
أخوي ][_ غــــــيــــــر _ ][ هونها تهون ولك تحيتي وتقديري

[sastranger]

اقول الله يستر ويسهل امرنا اجمعين... المشكله اننا لانتحدث عن الدكتور لشخصه ولكن عن طريقة اسئلته ... فبعضهم تذاكر وتتعب وبعدين يجيب لك اسئلة سطحيه تعجيزيه وسخيفه ... وانت مذاكر لدرجة انك ممن تدرس الماده... فهذا الي يحسسنا بالظلم ... ويخلي بعض الشباب يزعل وانا منهم من بعض اسئلة الدكاتره ... فالمهم في التعليم انك تفهم وتقدر تطبق ماتعلمته في حياتك العمليه ... وليس الحفظ المجرد والذي يقابله عدم القدره على التطبيق... وهذا الي مالم يفهمه بعض الدكاتره للاسف... وبالتوفيق

[ماجد التميمي]

نزلها صيفي وموفق باذن الله

[دليم القحطاني]

الدكتور واعدنا بخير في الدورة

[][_ غــــــيــــــر _ ][]

الله يعطيك العافية اخوي عبدالسلام
وبالتوفيق للجميع
دمتم بود

[sastranger]

اخوي دليم القحطاني ... هل ركز الدكتور على شئ معين ... واذا فيه اي شيء تقدر تفيدني اكون لك من الشاكرين ... والله يوفقك...