عن الجداول و الحذف والاضافه

[اماــل المستقبل]

زهقت من سماع سيرة وحده وهي الحذف والاظافه والجداول والهبل هذا


يا جماعه ما راح يجيكم الا رزقكم من ربي لا كلامكم ولا نطرتكم بتوديكم لاي مكان

احمدوا ربكم احنا للحين ما نزلت التخصصات انتوا في نعمه احمدوا ربي في العجله الندامه وفي التأني السلامه

كل المواضيع حذف واضافه يعني هذي المواضيع هي اللي بتخليهم ينزلون الحذف والاضافه بدري

لكم من شهر 7 وانتوا على نفس السيره ولا احد معبر فانتظروا الين ميجيكم الخبر اليقين

واللي عنده خبر اكيد ما راح يبخل وانتوا عارفين فخلاص بلاش دوشره على راس الكل لانهم من جد جتهم حالات اكتئاب وقولون

ولكم مني اجمل تحيه

[alaa1407]

هاااي اكيد الي ربنا كاتبو بيصير بس برضو انتي
بتقولي كدا عشان ماجربتي الحذف والاضافه مو زينا بتتبهدلي وتتعبي بشىْ

[a7la wrdah]

انا مع الاء ترى الموضوع مو لعب صعب ترتبي المواعيد خصوصا بعض المواد شعبه وحده فمره تحصل لخبطه وبالقوه يتزبط الجدول واحيانا كمان مايصير نفس ماابغى

[BomBom girl]

الي يدو بالنار مو مثل الي يدو بالموية
لمن تجربو بعدين قولو

تبغو اتنزلو مواضيع زي كدا لاتكتبو العنوان حذف واضافة

[شذى الحب]

ياحبيتي ياامل المستقبل
اول شيء ترى والله اعصابنا تتعب وكل شيء على ربك
لكن الحذف انتي ماجربتيه يعني تخيلي انتي باقي لك سنة وتتخرجي وكل المواد اللي تبغيها شعبة وحدة وماتتعدى 70 طالبة
وبنات المستوى السادس مثلا ياخذون مواد المستوى السابع او الثامن
يعني انتي اللي بتتخرجي تتاخري كمان ترم عشان مافي مكان لك بالشعبة
ترى والله ناخذ هم الحذف والاضافة ولا الانتظار في الجامعة لين الاستاذات يضيفون لنا
ويا انضافت او ما تنضاف
فعشان كذا املنا بعد الله عز وجل في ترتيب وقتنا وموادنا هي الحذف والاضافة
وبالنسبة للموعد ترانا اخذ علقات السنين اللي راحت كل يوم يقولوا موعد ومايصير وغير كذا الضغط اللي تلاقيه يوم تنزل الجدوال

دمتِ بود
اختك
شذى الحب

[ĂŵŖąĢ МāŇšİą]

كان يمديك تكتبين هـ التعليق بموضوع الحذف و الاضافه الي امتلى ردود و صار شامل
و بلاش تنزلين موضوع عشان كلمتين لان القسم اساسا ما عاد يستحمل نوعه هـ المواضيع الي لو الاودس
تحرك شعره نزلوا عشانه موضوع ,, المهم ما أزيد عن كلام الاخوات ولو جربتي فعلا
بتحسين الي نحس فيه خصوصا الضغط و الهجوم الي بيصير وقت الحذف و الاضافه غير تعليقات السيرفر الكحيان .