محتآآره في الموآد ,, ماتعرفي عند مين تاخذي المآآده .. اقبلي هنآآ :)

[Glam G!RL]

تجربتي مع الاستاذات

مبادئ اداره عامه اخذتها مع نسرين خياط طبعا مافي احد يمدحها لاشرح ولااسئله ودحين هيا موموجوده تحضر دكتوراة يعني افرحوا

مبادئ محاسبه اخذتها مع صفيه حموده طيبه وماترسب احد

مبادئ سياسة مع زينب عبدالعظيم تعجبني هالاستاذه طيووبه مره

مبادئ قانون مع ورده لاتاخذو عندها

اخلاقيات عمل مع ابتسام حلواني طيوبه واسئلتها سهله الدوري الاول مقالي والدوري الثاني والنهائي اختياري وصح وخطأ

اساليب وطرق عمل عند سناء باناجه اعطتنا ملزمه وسهله الملزمه

تطوير تنظيمي مع حياة راجخان هيا المحاضره ممله لانها دايما تعيد الكلام اما الاستاذه طيبه وعيبها ماتصحح الاختبارات

سلوك تنظيمي مع عنود السبعان غنيه عن التعريف
واداره محليه مع عنود السبعان
وتخطيط استراتجي مع عنود السبعان

اي ماده تشوفوها مع عنود خذيها وانتي مغمضه بس ركزي وانتي تذاكري

موازنه وماليه عامه مع بدريه الجهني الاستاذه ممتازة وذاكري من العرض

وتحليل تنظيمي عند سلوى اعظم صراحه استغرب من اللي يذموها الاستاذه محترمه جدا واسئلتها سهله بس نفس الماده صعبه

واستغرب من اللي يقول ترسب ترا هيا تعطي كل واحد حقها وبس

استشارات اداريه اخدذتها في الصيف مع استاذه خديجه زكي رووووووووووووعه جدا احترمها مررررره ممتازة تشرح بذمه الاسئله واضحه جدا

بس للأسف هيا تحضر دكتوارة بجامعة ام القرى يعني مااظنها موجوده

محاسبه حكوميه مع انيسه تركستاني ممتازه وطيوبه وتذاكري من الملزمه

قانون اداري مع صباح المصري تشرح مررره كويس واسئلتها حلوة

اقتصاد جزئي مع كوثر شغراب برضووا ممتازه

سياسه عامه وصناعة قرار مع خديجة الحربي برضها عسووولة وتشرح بذمه بس احيان تعصب الاختبار

نظم معلومات اداريه اخذتها مع ريم مشااط افضل استاذه تدرس نظم معلومات وعيبها متعاقده يعني ممكن مهي موجوده

تنمية الموارد البشريه مع هيفاء عبدالفتاح طيوووبه واسئلتها حلوة وشرحها تمام

وماده اختياريه اخدت مشروعات عامه مع بدريه الجهني برضها الماده سهله والمنهج مررره قليل

ودعوااااااتكم اتخرج السنه هادي

[براءة الطفولة]

المشاركة الأصلية كتبت بواسطة glam g!rl تجربتي مع الاستاذات اساليب وطرق عمل عند سناء باناجه اعطتنا ملزمه وسهله الملزمه تطوير تنظيمي مع حياة راجخان هيا المحاضره ممله لانها دايما تعيد الكلام اما الاستاذه طيبه وعيبها ماتصحح الاختبارات ودعوااااااتكم اتخرج السنه هادي

يسعدك ربي ويوفقك وتتخرجي يا رب دي السنة
لكن ممكن اسئلك يا قلبي عن حياة راجخان تنصحيني اخد معاها ولا لا وكيف درجتك كانت ما تخافو من الدرجات معاها وكيف تقعدو بدون ما تعرفو درجاتكم طيب كم اختبار عندها وكيف توزيع الدرجات؟؟ بليز ردي عليه ضروري لاني خفت لما قلتي ما تصحح وافكر احذف المادة من عندها اش رايك هيه الوحيده اللي تعطي المادة دا السمستر ويا ترى في احد غيرها ممكن يعطي المادة السمستر الجاي؟؟

[Glam G!RL]

المشاركة الأصلية كتبت بواسطة براءة الطفولة يسعدك ربي ويوفقك وتتخرجي يا رب دي السنة لكن ممكن اسئلك يا قلبي عن حياة راجخان تنصحيني اخد معاها ولا لا وكيف درجتك كانت ما تخافو من الدرجات معاها وكيف تقعدو بدون ما تعرفو درجاتكم طيب كم اختبار عندها وكيف توزيع الدرجات؟؟ بليز ردي عليه ضروري لاني خفت لما قلتي ما تصحح وافكر احذف المادة من عندها اش رايك هيه الوحيده اللي تعطي المادة دا السمستر ويا ترى في احد غيرها ممكن يعطي المادة السمستر الجاي؟؟

خذي معاها لانو اسئلتها تجي سهله

وكتييير بنات يقولوا تعتمد الاختبار النهائي

انا صراحه كنت اذاكر بالنهائي والنصفي والدوري اقرا الكتاب

بس درجات الدوري والنصفي ماتعرفيها ابدا حتى نهاية الترم

كيف نقعد بدون مانعرف الدرجات عادي تعودنا كل محاضره نسأل وتقول لسى ماصححت

وترى هيا ماسكه تطوير تنظيمي من فترة يعني انسي تجيكي وحده غيرها

بس برضوا اسئلتها بالنهائي سهههله وماترسب احد