طلاب وطالبات كلية الاعمال برابغ

[السيف $$]

السلام عليكم ورحمه الله وبركاااته


انا اليوم داومت في كلية الاعمال برابغ في الصباح وقالوا تعال الساعه وحده في الظهر راح يكون اجتماع
المهم جيت لهم الساعه وحده في الظهر وقام واحد من المسؤلين وشرح لنا نظام الدراسة في الكلية
وقال ان الدراسه اول ستنين مواد عامه وبعد سنتين تتخصص في السنة الثالثة والتخصصات المتاحه هي نظم المعلومات الادارية والتسويق وادارة المستشفيات والمرافق الصيحة
وبقية الاقسام مانزلت لنا
وانا ما سجلت في رابغ الا عشان قسم القانون

السوال هل كلام الشخص هذا صحيح ميه في الميه ولا بس كلام فاضي

افيدوني جزاكم الله خير.............

[المتوكله على ربها]

لاتقولها اانا كمان دخلت عشان القانون بس لكن الاستاذات قاالو اانو فيه قسمم قاانون ونو راح نتخصص في 2 ان شاء الله وحيكون دراسته باللغه العربيه وبااقي الاقساام بالانجليزي هذا لي ااعرفو ااتمناء اني اافدت

[تحكمني قنآعآتي]

طيب قآلولكم اليوم فيه دوآم ؟

هالكليه آحس آنهآ زحلطن

[أبــــرار]

وانا اخويا ماسجل فيها الا عشان القانون =| !!!

[رواء الرووح//]

السنه الاولى مواد عامه ومن الفصل الخامس او الرابع تتخصص التقسم الي تبغاه ...
انا الحين مستوى 3 وراح اخذ من مواد التخصص بإذن الله ...

[رواء الرووح//]

مييييين قال انو مافي تخصص قااانون ؟؟
التخصصات المتاحه لكليه الاعمال 6 اقسام ..
وهي ((محاسبه .تسويق . تمويل .نظم المعلومات الاداريه . القانون . ادارة الخدمات الصحيه والمستشفيات))
وممكن هالسنه مو كل التخصصات موجودة علشان اغلب الطلآب بالمستوى الاول
لكن ع السنه الجايه حيكوون للطالب حق في اختيار التخصص الي يبيه وكلها متاحه طبعآ حسب الاماكن الشاغرة والمعدل
اتمنى اكون افدتكم وقدمت ماعندي من معلومات ...
لآ تنسوني من دعائكم ,,,

[السيف $$]

طيب كلام المسوؤلين في كليه الاعمال يقولون انو مافي الا ثلاث تخصصات لحد الان وهي التسويق وادراه المستشفيات ونظم المعلومات الادرايه . وكلام موقع الكليه غير عن كلام المسوؤلين . يعني مين نصدق ؟

[إنساتة]

أول شي التخصص في المستوى الرابع << افتح الأوديوس وشوف الخطة الدراسية حاطينها 3 وأكيد دي قبل التخصص
إسئل عن القانون أي مسؤول وأكيد حيفتح السنة الجاية إذا كان الطلب عليه كثير <<< مافيها كلام

والقانون دراسته باللغة العربييييييييييييييييييييييييييييييييييييييييييييي ييية أكيد مليون بالمية قريتة في الموقع

إحنا البنات عندنا قانون أما الشباب معرفش

أتمنى أكون أفتدك بشي
وبالتوفيق
بس شد حيلك عشان مايوقفلك المعدل بأي شي ولو مافتحوا قانون أنصحك بنظم معلومات بدون تردد

تحياتي

[السيف $$]

طيب اختي إنساتة
الحين لو درست سنة كاملة وبعدين طلبت تحويل على جدة وفي نفس الكلية وقسم قانون اقدر ولا ما اقدر
وانتي الحين تقديرين تتخصصين من السنة الاولى ولا بعد ثلاث مستويات وسلالالالالالالالالامتك

[إنساتة]

أنا لي صحبات حاولو يحولو لجدة (بواسطة) وما مشيت ما أعرف ليش لآنهم ما يتكلموا كل اللي يقولوه عندي معاملة تحويل لجدة , وبعدها بكم يوم تقول مامشيت <<< أنا أقول لحالي يمكن لآن النظام مختلف عن جدة بالنسبة للسنة التحضيرية

أنا اسمع من البنات إنه مافيه بس أنا أول ما أتخصص ححاول أحووول جدة بكل جهدي (لآني بضمن التخصص بعدين أفكر في التحويل )


بالنسبة للتخصص الدكتورة وداد(الوكيلة) قالت لنا السنة الجاية التخصص , بس أنا ماحقدر أتخصص قبل ما أخلص الخطة الموجودة بالأوديوس والخطة 3 مستويات


الله يسلمك ويوفقك