دورات احترافية مجانية في الحاسب من الجامعة

[جمآآآنه]

طيب لو سمحتو انا سجلت خلاص بس ابغى اعرف الحين لما اروح المعهد ..


اروح كيف اثيت اني مسجله عندهم..

هل اجيب معايه حاجه معينه خاصه وان بطاقتي الجامعيه باقي ماطلعت ولا ارسلت ليه قالولي حتطلع بعد اسبوعين؟؟

انتو يوم رحتو كيف عرفتو انكم من ضمن المسجلات والمطلوبات لحضور الدورة وشكرا لكم

[برآءة حروف]

المشاركة الأصلية كتبت بواسطة جمآآآنه طيب لو سمحتو انا سجلت خلاص بس ابغى اعرف الحين لما اروح المعهد .. اروح كيف اثيت اني مسجله عندهم.. هل اجيب معايه حاجه معينه خاصه وان بطاقتي الجامعيه باقي ماطلعت ولا ارسلت ليه قالولي حتطلع بعد اسبوعين؟؟ انتو يوم رحتو كيف عرفتو انكم من ضمن المسجلات والمطلوبات لحضور الدورة وشكرا لكم

ياقلبي عادي انتي ادخلي وتلاقي اول ماتدخلي جوا قبل الساحة طبعا

مكاتب عالجنب وكراسي انتظار

انتي روحي لنفس المكتب وقوليلهم يدوكي ورقة عشان تدخليبها هذا اللي اعرفو يالدووبه

<<< اذا انتي سجلتي في فرع الجامعة طبعاً >>>

اما اذا سجلتي في فرع السلامة مااعرف عادي اكيد تلاقي هناك ويمكن كمان مابيفتشوا

وياليت تجيبي معاكي بطاقتك الاحوال لانو اليوم شفت وحده ببطاقة الاحوال دخلوها كانت معلقتها برقبتها

... وهرجة كيف عرفنا انو احنا من ضمن المسجلات ...

شوفي ياقلبي انتي لما تروحي هناك هما حيقولوكلم استنوا الين تطلع اوراق الاسماء

طبعا بعد شويتين تشوفي وحده تلصق اوراق على اللابات (المعامل ) وكل ورقة فيها قائمة اسماء

وانتي تشوفي اسمك من ضمنها وتدخلي المعمل اللي فيلو اسمك

وبس

اتمنى افدتك يالدووبه واذا في اي استفسار تاني انا حاضره

___________________________

ولا تزعل مني يااخوي مررت بظروف حتى لما ادخل بس بسرعة واطلع مااكمل العشر دقايق او ربع ساعة

فأكون مو فاضية اقرا الاستفسارات وارد عليها واستنى ردهم عليها اذا مافهموا

آآآسفه والله ادري اني نذلة ومقصرة وكذابه كمان بس استحمل الاعذار هع

تحيتي

^^

[طفله النجم]

المشاركة الأصلية كتبت بواسطة جمآآآنه طيب لو سمحتو انا سجلت خلاص بس ابغى اعرف الحين لما اروح المعهد .. اروح كيف اثيت اني مسجله عندهم.. هل اجيب معايه حاجه معينه خاصه وان بطاقتي الجامعيه باقي ماطلعت ولا ارسلت ليه قالولي حتطلع بعد اسبوعين؟؟ انتو يوم رحتو كيف عرفتو انكم من ضمن المسجلات والمطلوبات لحضور الدورة وشكرا لكم

جمانة حبيبتي انتي اذا كنتي مسجلة بفرع الجامعه
راح تلقي الاسماء مكتوبة على ورقة على كل معمل
وشيلي معاك الورقة اللى طلعها لك الموقع فيها بياناتك
اطبعيها وشيليها معاك