كل اللي مو عاجبهم القحط بالجامعه يتشرف هنا

[m_alzaher]

الله يوفقك أنشاء الله

[دنيا جديده]

المشاركة الأصلية كتبت بواسطة m_alzaher الله يوفقك أنشاء الله

المشاركة الأصلية كتبت بواسطة عزتي هي راس مالي كلامك صحيح ودرر صدقتي والله

يسرني تواجدكم

[fwebs]

انا لست معاك بالدفاع عن الجامعة لان الجامعة تاخذ فلوس من دون خدمة وغير كذا قرارت تطلع ولا ندري عنها مرة كتاب اخضر ومرة كتاب احمر مرة دورة حاسب مرة مجانا مرة بفلوس اجبارية ومرة اختيارية والا يومك هذا لانعلم هل هي اختيارية ام اجبارية . الكتب والمؤلفين لان نعرف عنها شي قبل 4 ايام ظهرت مفردات المواد التقويم الجامعي ماطلع الا بعد اكثر من شهر من بدء الدراسة حنا نطالب من الجامعة المحترمة اعتبارا بشرا وتحط لنا نحن طلاب الانتساب جميع مايخصنا قي مكان واحد تحت الادوس ولا صفحة مستقلة تحص طلاب الانتساب فيها اسماء المواد والمؤلفين والكتب ومدرسين المواد والمنهج المطلوب والمحذوف والمحاضرات جاهزة يستطيع منها الطلاب تحميل المحاضرات التي يحتاجها
وتقبلوا خالص تحياتي

[Amo0olah]

أشكرك أختي دنيا جديده على الموضوع واحترم رايك في كل اللي قلتيه
بس اعتقد من حقي اتكلم عن اللي بشوفو
أولا: احنا صح كلنا وافقنا على اننا ندرس بنظام الانتساب وعارفين انو فيها رسوم وهيا 3000 ريال
لكن انو ندخل الجامعة ونلاقي انو في طلاب او طالبات من اول ترم في الجامعة واللي من الترم الثاني يكون معاهم واسطة سواء دكتور او موظف ويجيلو اعفاء وهما مو محتاجين اما احنا محتاجين بس ندخل ونسمع ان وفي اعفاء فطبيعي نقدم على الاعفاء لانو وضعنا وحالتنا تسمح انو ننقبل بس نتفاجئ انو طلبنا مرفوض والسبب ( غير معروف )
ممكن تفهميني ليش التفرقة والعنصرية دي؟؟؟
ليش في ناس تاخد اعفاء وهما مو محتاجين للاعفاء وناس تحتاج كل ريال عندها وماينقبل طلبها؟؟
يتبع.....

[Amo0olah]

ثانيا: مسألة الرسوم دي ماراح تخلي الجامعة تفلس وربي انو مو محتاجينها بس خلينا نقول انها لمشاريع مع انو مو شايفين ولا مشروع في الجامعة لصالح الطالب
ثالثا: موضوع محاظرات السنترا
انا اعرف وانتي تعرفي والكل يعرف انو محاظرات السنترا اختيارية وليست اجبارية
طيب ممكن تفهميني ليش يربطو موضوع دخولي للمحاضرات الاختيارية بدفعي للرسوم؟؟
المفروض من رايي انو دام المحاظرات اختيارية خليها مفتوحة يمكن اشوف انو المحاظرات او الددكتورة اللي حطوني معاها مو مناسبة فيمكن الغي الترم دا كلو فليش ادفع وانا ماححضر ؟

[Amo0olah]

يتبع..
فهميني يا صاحبة المشاريع اللي تدخل ذهب
زوجي بصراحة ماعندو الا اللي يعيشنا لاخر الشهر ويمكن في اخرالشر مايبقى معانا ولا ريال
ممكن تفهميني من وين اجيب راس المال؟؟
لو حصرف 500 ريال في المشروع وماعندي موهبة زي موهبتك من فين اعوضها؟؟؟
ممكن تردي وبكل صراحة على الاستفسارات ياصاحبة الجلالة

[Amo0olah]

ونسيت اقلك
احنا بندفع 3000 ريال للدراسة لكن نجي ندفع 700 ريال للكتب فقط
المفروض انو الكتب توزع للطلاب والطالبات من الرسوم الدراسية

[بنت عبده]

معليش اختي:انا مني معااكي بلمررره..انتي تقولي اول سنتين تشووفي تدمر..
شئ طبيعي لانو غيرو كل القوانين...يعني مثلا نبداء من دفعه10
سجلنا علي اساس احنا انتساااب ودورتنا3 اسابيع في الجامعه..
نكتشف بعد التسجيل وقبل الدوره باسبووع يقولو لنا لا خلاص سنترا...
بأي حق احنا لو نبي سنترا كنا اخترنا تعليم عن بعد...
لاكن خلاص سجلنا ولوفكرنا نسحب بترووح فلوسنا وحترجع غير1000..
سكتنا قالو بس سمتر واحد..
قلنا اوكيه...ضحكو علينا بسمستر الثاني وخلونا نداوم..
لاكن بعدين يقولوللنا خلاص صرتو سنترا..
معليش تبو طبقو النظام تطبقوه علي دفعه11
لانهم توهم مسجلين ماطبقووه علينا احنا دفعه10...
ولان انتي تتكلمي علي الرسووم..تدرين احنا الجامعه الوحيده الاي تاخذ رسووم من طلاب وطالبات لانتسااب...
عندك جامعه جيزان:يدرسو بدوون رسووم..ولا ابشرك يداومو دايمن ويحضرو...اما احنا 3 اسابيع حتي الشهر مايكتمل..اتمني الي يتكلم عن قوانين الجامعه..وانها صح ...
قبل يحط نفسووو مكاان الناااس..بعدين يتكلم...

[Amo0olah]

اخر حاجة
دامك دافعتي عن الجامعة برجاء منك توصلي للجامعة انو يلغو مسالة الاعفاء نهائيا عشان لاأحد ياخد والتاني لا
بالعربي الواسطة تاخد واللي ماعندو يشحت ويدبر نفسو ( ودا اللي صاير )

[هـذا حظي]

أموله قالت اللي كنت بقوله

وتأكيد على كلامها

اعرف وحده عز المعرفه و هي جداً مرتاحه مادياً ، وهي تدرس بإعفاء قلت غريبه كيف ، قالت عادي جبتها ( واسطه طبعاً ) وقالت بعد إلاا الضحك على الدقون أنا ادرس بجامعه المؤسس في بلدي ما أدرس برا عشان أسدد رسوم


هذا عدل جامعتك