هـــام _زيادة وتغيير في خطة ومواد كليةالاقتصاد والادارة

[rawas]

والله حرام انا كدا خلصت 3 سنوات وكل سنة بنظام جديد..

ماصارت جامعه كدا..

[laloo]

السلام عليكم جميعا..

صراحه هذي اول مشاركه لي ... لاني انفجعت....

امس انتبهت انو فيه مواد زايده لكن كنت احسب انو فيه شيء ما اتعادل صح وجلست اراجع في الخطة القديمة والجديده ابي اشوف ليه تطلع في قائمة المواد تبع الحذف والاضافة 3 مواد مدري اش تبي؟؟؟

بالاخير طحت على الموضوع الله يجزا اللي حطه كل خير ... ودريت انو تغيرت الخطه ..

بس انا مو عارفه اش اسوي..

يعني المفروض هالترم انا اتخرج بقي لي 4 مواد تخصص (قانون) .. وكمان كنت بتخرج 129 ساعه يعني زيادة ساعه عن الخطة اللي >>كانت جديدة 128ساعه ....

واللحين صارت 131؟؟؟؟؟


صراحه ما توقع تتطبق على الخريجين ... يعني ان كان فيهم خير... او فيه غلط بالنظام... لانو حتى بالحذف والاضافه مافيه شعب ... وكمان بقائمة المواد ما تطلع هالمواد اللي زايدينها .... <<< احاول اطمن نفسي :(

ما اطول عليكم اكثر انا رسلت معاملة استفسر فيها بالنسبة للخريجين لانو المفروض دفعتي هالترم تتخرج 05

اذا وصل رد راح ابلغكم ان شاااء الله ....

واللي يعرف شيء لا يبخل علينا الله يعطيه الجنة

( بعتبر هالرد موضوع تعارف لي معاكم)

سي يو