ممكن يامحامين

[بحر الحرية]

أهلين أختي..

أنا ما حطول كلام، لأنو أهم شي الكلمة اللي انتي كاتبتها:

وانا عاجبني قانون

شي انتي عاجبك وراغبة فيه وميولك عليه، توكلي على الله وادخليه..

طبعاا كل الأقسام ف الدنياا زي بعض، يبقى الاختلاف هواا رغبتك وحبك لقسمك..

وكل الأقسام تكمل بعضهاا، ولو تدخلي إنشاا الله أحلى قسم وانتي مو راغبة فيه، ما حتبدعي عشان القسم حلو..

المستقبل وإيش يكون فيه داا علمه عند ربناا، لكن اللي عليكي انك تقدمي الأسباب وتعملي وتجتهدي وإنشاا الله ربي ما حيضيعلك تعب..

المعدل بالنسبة لكم غالبا ما يكون من 4 وفوق..
يعني اجتهدي ف التحضيري وحاولي تجيبي أعلى معدل تقدري عليه..
والتحضيرية جداا سهلة، كل اللي عليكي انك تجتهدي وبس..
وتقدري تجيبي من 4.5 وأكتر بكتييير كماان باجتهادك..

طبعاا القسم بالنسبة لكم ف بداياته، وداخل لسوق العمل بقوة كبيرة..
خصوصاا بعد السماح لكم بالترافع الآن..
وإن كان ترافعكم محدود، لكن بإذن الله المستقبل راح يكون أفضل وأفضل..

الله يوفقك ياارب ويخترلك اللي فيه الخير إنشاا الله..
وإنشاا الله لو القسم فيه خير ليكي نشوفك معاناا بداية السنة الجاية يااارب..

استخيري ربناا ولو تحسي نفسك ف القسم توكلي على الله وادخليه..

الله يوفقك ويسهل عليكي ياارب؛؛