يا بنات مهارات الإتصال تطبيق العرض البوربوينت - الرجاء الدخول للأهمية - :( !!!!!!!!!!

[Loveless]

السلام عليكم و رحمة الله و بركاته ..

يا بنااااات دحين في كم شعبة من الشعب الأستاذات حقينهم خلو تطبيق العرض البوربوينت بعد الحج ..
و انا شعبتي منهم :(
و ابغى أسألكم كم سؤال يا بنات بليز اللي بتشتغل على العرض زيي تساعدني ..
حتى اللي خلصت منه لو تقدر تفيدني برضو الله يسعدكم ..

أنا دحين عملت كللللللل شيء في العرض بس المشكلة اللي واجهتني اكبر مشكلة هيا قاعدة 5×5
جننتني دي القاعدة !! مني قادرة اخلي 5 كلمات في 5 جمل في كل شريحة !! مرة احس نقص الكلام !!

الله يخليكم يا بنات قولولي هل قاعدة 5×5 كمان لازم في المقدمة و الخاتمة ؟؟ ولا عادي المقدمة و الخاتمة تكون مقالية ؟؟

و كمان المصادر اللي نجيب منها الكلام عادي تكون من النت ؟؟ و لا لازم كتب و مصادر موثوقة ؟؟
و لازم نوثق المصادر يعني نكتب في العرض من فين جبنا المعلومة ؟؟ ولا كيف ؟؟

و قولولي كم اخدتو درجات ؟؟ رحموكم يعني ولا الدرجات مرة صعبة ؟ :(

و كم دقيقة قعدتو تتكلموا عن العرض ؟؟

كم شريحة عملتو ؟؟

و كمان عندي طلب صغيييييييير مرة .. اللي خلصت من العرض توريني هوا الله يسعدها و يحققلها كل اللي تبغاه و الله مو عشان آخدو اصلاً انا مخلصة حقي و مرة عاجبني بس احسوا مو كامل من 5×5 دي اللي جابتلي القلق :((((((
يعني بس بشوف كيف يكون الشكل المكتمل للعرض عشان لو كان ناقصني شيء اكملو ..

يا بنات اي اي اي اي وحده عندها مساعده ليا الله يسعدها و يوفقها دنيا و آخره تحطها ليا ..
حتى لو مواضيع قديمة في المنتدى تساعدني في العرض دا او اي شيء في الحياة ممكن يساعد .. !!
حتى لو مثال .. :(

و للأمانه بس عشان ما افشل البنت انا بأستخدم اليوزر حق صحبتي يعني هادا مو حقي حق صحبتي الله يعطيها العافية دلتني عليكم تقول ما يقصرون :(

اللي تساعدني الله يعطيها العافية و يوفقها دنيا و آخرة و يحققلها كل أمانيها في الحياااااة ياااا رب ..

و بس سلامتكم ،، و شكراً مقدمًا :)

[Loveless]

للرفع :(

[شقآوه بدلع]

انا كمان والله محتاجه احد يفهمني ايش المطلوب

وكمان لسى مابديت فيه

[Loveless]

معقولة ولا مساعدة ؟
الله يسعدكم و الله محتاجينكم :(
على الأقل لو كلمة تفيد !!
ساعدوا اخواتكم في الله ما تدروا يجي يوم و تحتاجوا مساعده !!

[Loveless]

يا بنات 11 مشاهدة و بس وحده اللي ردت ؟؟؟
حرام عليكم و الله محتاجين اي اي اي شيء يساعدنا اي حاااااجه
:"((((((((((

[Loveless]

يا عالم ... يا ناس لله المساعدة :(

[Loveless]

للرفع .. لسه عندي أمل انكم تجاوبوني ×_× ..

[أهل الرايه]

حبيبتي احنآ استاذتنآ ,قسمتنآ مجموعآت بكل مجموعه 4 بنآت !

أنآ عن نفسي بحثت واديت صحبتي الاشياء هي تنسقهآ !

اما بالنسبه لقاعدة 5×5 , فماهو شرط ياقلبي خمس كلمآت وخمس سطور وكدا !

لا المهم يكون الكلام مو مررره كثيييير ولا مرررره قليل !

يعني شي معقول , أحنآ كمان سالنا استاذتنا عنها وقالت نفس كلامي !

آتمني آكون افدتك بحاجه

[Loveless]

إيوة بس أنا المشكلة إنو حطوني لحالي .. :$
و مرة شكراً حبيبتي طمنتيني على 5×5
إنتي خلاص قدمتوه ؟ ولا باقي ؟

يا شيخه أدعيلك ليل نهار يوم شهر سنة كل يوم حأدعيلك !!
أخيراً وحده أعطتني وجه .. الله يحققلك اللي تبغيه إن شاء الله !!
يللا يا بنات اللي عندها اي اي اي كلمة تقوللي حتى لو كلمة وحده و الله تساعد بس طمنوني مرة خايفة منو :(

[أهل الرايه]

^ ويآك ي رب =)

لا لسى ماسلمنآه لانو قالت بعد الحج !

وبالنسبه للشرايح توي انتبه , اتذكر استاذتنا قالت ماتقل عن 5 شرايح ! بس رح اتأكد لك من صحبتي وارجع اقول لك =)

والوقت كمان قالت لنا 7 دقايق بس ولا يتعداها ولاينقص عنها !

اهم شي حضورك وادارتك للبنات ,يعني مايهرجو وكذا ! ولبسك يكون مرتب وشعرك وكذا لانها تحاسب ع المظهر الخارجي , كمان افتكر قالت انه الصوت مهم , يعني تعليه وقت مايلزم وترخيه وقت مايلزم ,مو طوال الوقت تصرخي ولا طوال الوقت ماينسمع حسك !

حركتك فالقاعه مهم بعد , يعني تنقلي من فتره لفتره بس مو تجلسي طوال الوقت تمششي !!

بعد لازم الموضوع إلي حتتكلمي عنو يكون عندك خبره فيه , لانو الاستاذه تقول ممكن تسالك في اجزاء منو فلازم تكوني ع المآم تام بجميع جوانب الموضوع =)

امم هذا بس إلي في بالي ورح ارجع لك قريب لمن اكلم صحبتي =)