بنات الاحياء تخصص ( حيوان .و. ميكرو ) بليز دقيقه من وقتكم

[أحلى حلم ...]

بسم الله الرحمن الرحيم
السلام عليكم }~ =)كيفكم يارب تكونوا بخير

دحين أحنا نختار التخصصات و صراحه أحس نفسي متردده بين الحيوان و الدقيقه
فياليت تساعدوني و تنصحوني وربي يحقق أماني كل من يرد ^^"

أبغى اعرف في الحيوان كيف راح تكون المواد مثلا فيها رسومات كثيره و معقده ولا بسيطه !! والتصنيف كثير مره ولا لا ؟ لاننا ندرس ماده حيوان عام و الملزمه تبعت العملي ملياااانه رسومات و تصنيف فأنا خايفه يكون التخصص كل المواد حقته بكثر هالرسمات و هالتصنيفات و كيف التشريح >_<
وكمان التدريب الميداني أقدر أختار مستشفى أتدرب فيها ولا لا ؟!
و قولولي اي حاجه عن هالتخصص من ناحيت أيش الصعب و السهل ربي يسعدكم لاتبخلوا علي باي معلومه


وكمان بالنسبه للبنات اللي تخصصهم ميكروا ربي يوفقكم كيف الدراسه في هالتخصص
فيه أنجليزي كثير ؟ و كمان هوه زي الكيمياء الحيوي ولا لا ؟ وأبغى اعرف اذا فيه اشياء كيميائيه كثير لاني ما أحب الكيمياء >_<
يعني مثلا أعرف انوه عندكم ماده اسمها فيروسات و بكتريا ...إلخ كيف معاملها
يعني أيش تصلحوا في المعامل تبعتها لاننا ندرس ماده أحياء دقيقه عامه كتاب الدكتوره رقيه
واحسه دش و معمله يطووول فأبغى اعرف كيف باقي المواد التخصص بالنسبه لهالماده نفس صعوبتها ولا هذي سهله مره بالنسبه للتخصص ؟
لان وحده من صحباتي سألت الاستاذه خلود عن تخصص الدقيقه فقالت لها يبغاله تركييييز مره !

وأخيرا بعد التخرج نقدر نتوظف في مستشفيات ولا بس الدقيقه يقدروا و الحيوان لا "
وكمان أنا سمعت انوه الاولويه لبنات الكليه الصحيه فصح هالكلام ولا لا ؟


أعرف أني طلبت منكم كثير و تعبتكم لاكن ساعدوني علشان الكل يستفيد

وربي يكتب لنا اللي فيه الخير و يوفقنا في كل أمورنا و يحقق لنا أمانينا

[عزة نفسي_تكفيني]

وعليكم السلام ورحمة الله وبركاته


اذا حابه مجال المستشفيات فأدخلي دقيقه

اما بخصوص الاقسام الصحيه .. هو انكم انتوا تكونوا فنيات مختبر ولكن ممكن بعد ماتتخرجي تدرسي دبلوم مختبرات وتصيري أخصائية مختبرات ... مو مثل العلوم التطبيقية بيكونوا على طول أخصائيات

من ناحية الأسهل انا أخذت الاثنين وعلى الجزئية البسيطه اللي أخذتها حسيت الحيوان أسهل من الدقيقه شوي معقد << بالذات المسميات تحول :)

وان شاءالله بنات التخصص يفيدوكي أكثر بحكم انهم متعمقين فيه

ولا تنسي الإستخارهـ

بالتوفيق لكـ