طريقة حساب النسبة الموزونة العامة + الخاصة وحساب المعدل *

[M7mmd]

السلام عليكم ورحمة الله وبركاته ~~

كيف حالكم جميعاً ؟ إن شاء الله بألف خير

من كم يوم لاحظت عدد من الأعضاء جالسين يرفعوا مواضيع قديمة بس عشان يسألوا

عن طريقة حساب المعدل / النسبة العامة والخاصة / معايير الكليات

فسويت هذا الموضوع إن شاء الله يفيدكم بكل المعلومات هذي

* في البداية للي ما يعرف الفرق بين النسبة الموزونة العامة والخاصة :

النسبة الموزونة الخاصة هذي اللي تطلبها الكليات في مواد معينة ولازم الطالب يحققها عشان يدخل في المفاضلة بينه وبين الطلاب الثانيين

ولكن مو معنى انو الطالب عداها معناها انو انقبل! هذي بس يادوبك عشان يحطوك في المفاضلة

اما في المفاضلة بيتعاملو مع النسبة الموزونة العامة اللي هي النسبة في المواد كلها

-----

نبدأ في الحسابات

دحين هذي درجات مو حقيقية بس كمثال لكم .. الخطة أ والانجليزي خليتو ليفيل فور




زي منتو شايفين هذي درجات طالب متوسط الإجتهاد والبونس اللي انا حاطو في الفيزياء والانجليزي

مو أكيد يعني بس هذي من الاخبار " او الاشاعات " اللي اسمعها والله اعلم انا بس حطيتها كدا

اعذروني على ذوقي الرائع في اختيار الألوان


طريقة حساب النسبة الموزونة العامة :



* الانجليزي × 2 لأن عدد وحداتها " ساعاتها " = 2





* هذا بالنسبة للطلاب اللي جابو ليفيل فور بعد تحديد المستوى بس بالنسبة للغير

(( ليفيل ون ما يدخل في الحساب لأن مالو أي وحدات دراسية ))

مثلا واحد ليفيل 2 .. رح يزيد عندو 3 ليفيلات في عملية الحساب e2 - e3 - e4

رح يسوي فيهم زي ما انا سويت فوق في الانجليزي

يضرب درجته في كل ليفيل في 2 وبعدين يجمعها مع باقي المواد

وفي النهاية راح يقسم على 18 > عدد الساعات الموجودة عندو في الجدول

-------

هذا كل شي تحتاجوه في النسبة العامة اما بالنسبة للخاصة فـ اول شي بس بذكركم بمعايير الكليات

( المعايير قابلة للتغير على حسب الدفعة ومستواها )





طبعا اتغير نظام الانجليزي على حظنا وما ادري صراحة كيف ينحسب لنا لأنهم كاتبين في

دليل القبول الجديد في الطب مثلا : Phys - Chem - Bio - E مو حاطين اي ليفيل

ممكن يكونوا يقصدو الاربع ليفيلات كاملة ؟

عالعموم هذي طريقة حساب النسبة الخاصة انا حطيت انجليزي 1 , 2

طريقة حساب النسبة الموزونة الخاصة :

لكلية الطب مثلا :



-----

اما بخصوص حساب المعدل GPA فـ عندكم في الاودس ممكن تجربو من ( احسب معدلك تجريبياً )

وعندكم هذا البرنامج "في المرفقات" مررة كويس ودقيق

وبرضو حطيتلكم دليل القبول في المرفقات للي يبغا يطلع عليه فيه كل شي عن القبول في الكليات

اتمنى يكون الموضوع مفيد لكم ,, ولو فيه اي استفسارات انا موجود

واللهم إن أخطأت فمن نفسي والشيطان وإن أصبت فمنك وحدك لك الحمد والشكر ..

اسأل الله التوفيق لي ولكم .. :)