ملخص لمادة الاحصاء 111 من مجهودي المتواضع

[فرحة]

السلام عليكم كيف حالكم اليوم ان شاء الله تكونو تمام وتكونو ذاكرتو الجزئية الي فاتت
كان امس باقيلنا المنوال في البيانات المبوبه
وماقدرت انزلو لانو الجدول ماكان راضي ينزل عندي وراسلت الادراه قالو انو فيه خطأ في النظام وان شاء الله يصلحوه
اذا صلحوه ان شاء الله اشرحلكم الوسط الحسابي والمنوال في البيانات المبوبه





اما اليوم خلوني اكمل شرح للباب الثالث باقيلنا فيه
مقاييس التشتت
مقاييس التشتت خمسة يجب عليكم حفظها لانو ممكن يجي فيها سؤال في الاختبار

ومقاييس التشتت هي المدي الانحراف المعياري التباين معامل الاختلاف ومعامل الالتواء


وكلها سهله جدا مجرد ننظر للقانون ونعوض فيه تخيلو جدا سهله

ممكن يجينا سؤال يقول المدي من مقاييس النزعه المركزيه طبعا على طول نجاوب انو خطأ
لان المدي من مقاييس التشتت
انتبهو لا تلخبطو بين مقاييس التشتت ومقاييس النزعه المركزيه


الممتع في مقاييس التشتت انها مجرد قانون ونعوض فيه وبما اننا مو مطالبين بحفظ القانون فهما كدا سهلو علينا الجزء هادا
وخلوه جدا ممتع مجرد ننظرللقانون ونعوض فيه