نصائحي بالنسبة للاختبارت وطريقة الدراسه

[ابراهيم2008]

السلام عليكم ورحمة الله وبركاته ،،،،

على قولت الأولين النصيحه كانت بجمل واليوم سارت ببلاش نفسي انه يكون كلامي صحيح انا اقبل الانتقاد في اي شي اطرحه في هذا الموضوع والفائدة للجميع :
بداية اذا كنات اختباراتك في جدة عليك اول شي فرز المواد من تاريخ وصولك بحيث انك تبحث عن المدرسين الي تحتاجهم للمواد الحسابيه مثل الاحصاء الرياضيات وتنسق معاهم لا تقول بكره اول ما توصل جدة تتجه لمجمع المكتبات الي في حي الجامعة وتاخذ ارقام اساتذة المواد الي تبيها
لنفرض يوم السبت ما عندك شي ويوم الاحد ادارة اعمال ويوم الاربعاء احصاء واضب في الحضور لدى المدرس الا يوم اختبار ادارة الاعمال لا تروح للاستاذ الا بعد انتهاء الاختبار خل همك في اختبار يومك يعني روحله في الليل ما فيه مشكله نسق معاه وقوله عن جدولك قبل تبتدي الدراسه الي يجي قبل فترة هذا الصح تكون اموره واضحه كثير(بالنسبة لي احضر لدى المدرس حصة اذا لقيته مضبوط احضر له الثانيه واشرط عليه قبل اقول اشوفك اول حصه ومعظمهم يوافقون على هذا الكلام)
بالنسبة لي ابدء في المواد النظرية الادارية قبل اجي جدة لو قراءة عاجلة واشتري اكثر من ملخص والكتاب بعد ابحث عن اسئلة المواد يعني اجمع جميع الاسلحة المتوفره سلح نفسك.
يا شباب لا تقلون ما فيه وقت لا فيه وقت بس نظم وقتك علق جدول اول ما توصل الشقة يحدد كل يوم ويش بتدرس ، بالنسبة للرياضيات والاحصاء اشتري 5 دفاتر واجلس حل وعيد حل التمرين لين تفهم لا ترجع من عند الاستاذ وتعتمد على شرحه اجلس بعد الشرح اقل شي 4ساعات لين تفهم الدرس ودور امثلة حل عليه اختبارات سابقة واجلس حل لا تتوقف ولا تستحي من الاستاذ قوله ما فهمت بعظهم يخليك مثل الغبي قدام الطلاب على انك ما تفهم قول له هذا الجملة انا ماجيتك ودفعت فلوس الا اني مو فاهم لو اني فاهم ما دفعت لك ولا ريال .
اذا جاء وقت الاختبار تأكد من ان بطاقة الجامعة معاك وقلمك الرصاص جيب اثنين وبرايه ومساحه واله حاسبة اذا كان فيه مسائل.
بخصوص الاله الحاسبة ، تأكد الي جمبك معاه آله حاسبه والله يا شباب بغثك ويطير الي باقي في راسك من حل شي مهم يطري عليك ، اسئله اول ما تجلس عندك اله حاسبه اذا قال لا روح دور واحد معاه اله حاسبه واجلس جمبه والله يا شباب عطيت واحد اله وجلست احل وجيت ابي اكمل طارة المعلومه شي يقهرك وثاني مره قلت لن اعطي اي شخص يطلبني الاله بس جلس ينادي على والله ولخبطني وما عطيته بس برضوا لخبطني ، على العموم تفائلوا بالخير دائم وحافظو على الصلوات الخمس في المسجد وخل كل واحد يغليك يدعي لك دعوات طيبه عسى تفتح عليك والامور تساهيل بس الاجتهاد وأي استفسار انا مستعد

[تاج المشاعر]

الله يعطيك العافية على هذه النصائح

أسأل الله لنا ولكم التوفيق والنجاح في الدنيا والاخرة

[Nephrology]

الله يعطيك العافية وماقصرت
وحلوة جداً فكرة الآلة الحاسبة والتأكد من اللي بجنبك

وتقبل مروري

[ابراهيم2008]

حياكم الله يا شباب وياليت كل واحد يدخل يذكر لو شي بسيط من واقع تجربه طريقة الدراسه عسى ينتفع منها شخص ومن فرج كربه ، فرج الله كربه عنه ،،،