يلا نذاكر أحصاء سوآ ..

[sumaiah..]

لا لا اقصد حادثة ظهور مو احتمال ..
شوفي بالنسبه لقانون 214
الاحتمال المشروط
ذحين لما يقولك انو عندو 11 كوره ويبغى يسحب 2 ولما يسحب كوره محا يرجعها ثاني
فلما يسحب الكوره الأولى حيقل التوتل صح ؟
فبالتالي راح يتأثر احتمال سحب الكوره الثانيه لأن التوتل حيصير 10 مو 11

شوفي مثال 28
في هذا المثال بديهيا محا يقولك احنا رجعنا الحراميه
شي بديهي انو لو سحبو حرامي محا يرجعو ويسحبو واحد ثاني
هما يبغو احتمال انهم يسحبو حراميين ويكونو كلهم من حقون 2004
هما اصلا 53 حرامي خلاص
16 منهم في 2004
طيب ايش احتمال انو يكون الحرامي الاول من 2004 ؟
16 على 53 صح
طيب نجي للحرامي الثاني واللي هوا المشروط [ يعني يتأثر بالاختيار الأول ]
ذحين قل التوتل 1 صح ؟ لأننا سحبنا وآحد من حرامية 2004 فصارو 15
يعني احتمال انو يكون السحب الثاني برضوحرامي من 2004 هوا
15 على 52

اتمنى انك فهمتي
مني عارفه اوضحها بالكتابه

قلبيها في مخك وحتستوعبيها
لما اوصل حق صفحة 216 اشرحلك
عشان اشرحها تمام